Categories

ചിക്കന്‍ വിത്ത് കുഞ്ഞിപ്പത്തിരി

recipe-01

ഒരു നേമ്പ് തുറ വിഭവമാണ് ഇന്ന് തയ്യാറാക്കുന്നത്. ചിക്കന്‍ വിത്ത് കുഞ്ഞിപ്പത്തിരി. വളരെ ഹെല്‍ത്തിയായ ഒരു വിഭവമാണിത്. എല്ലാവര്‍ക്കും വളരെ ഇഷ്ടമാകും.

ചേരുവകള്‍

അരിപ്പൊടി- 1/2 കിലോ
ചിക്കന്‍- 1 കിലോ
ഉള്ളി- 6 എണ്ണം
ജീരകം- 1 ടീസ്പൂണ്‍
സവാള- 4 എണ്ണം
തക്കാളി- 4 എണ്ണം
വെള്ളുത്തുള്ളി- 4 അല്ലി
ഇഞ്ചി- ഒരു കഷ്ണം
പച്ചമുളക്- 4 എണ്ണം
മല്ലിയില- 2 തണ്ട്
വെളിച്ചെണ്ണ- 4 ടീസ്പൂണ്‍
തേങ്ങാപ്പാല്‍- ഒരു തേങ്ങയുടേത്
മല്ലിപ്പൊടി- 1 ടീസ്പൂണ്‍
മുളക്‌പൊടി- 3 ടീസ്പൂണ്‍
മഞ്ഞള്‍പ്പൊടി- 1/2 ടീസ്പൂണ്‍
ഉപ്പ്- പാകത്തിന്

തയ്യാറാക്കുന്ന വിധം

തിളപ്പിച്ച വെള്ളത്തില്‍ അരിപ്പൊടിയും ഉള്ളി അരിഞ്ഞതും ചേര്‍ത്ത് നന്നായി യോജിപ്പിക്കുക. തണുത്തതിന് ശേഷം കൈകൊണ്ട് നന്നായി കുഴച്ചെടുത്ത് മുന്തിരി വലുപ്പത്തിലുള്ള ബോളുകളാക്കിയതിന് ശേഷം അതിനെ ചെറിയ പത്തിരി രൂപത്തില്‍ പരത്തിയെടുക്കുക. ഇത് ആവിയില്‍ വേവിച്ചെടുക്കുക.

ഒരു പാനില്‍ എണ്ണ ചൂടാക്കിയതിന് ശേഷം അതിലേക്ക് സവാള, തക്കാളി എന്നിവ ചേര്‍ത്ത് വഴറ്റിയതിന് ശേഷം ഇഞ്ചി, പച്ചമുളക്, വെളുത്തുള്ളി എന്നിവയും ചേര്‍ക്കുക. അതിനു ശേഷം അതില്‍ കോഴി ചെറിയ കഷ്ണങ്ങളാക്കിയത് ചേര്‍ത്ത് വേവിക്കുക. അതില്‍ മല്ലിപ്പൊടി, മുളക്‌പൊടി, മഞ്ഞള്‍പ്പൊടി, ഉപ്പ്, എന്നിവ ചേര്‍ത്ത് ഇളക്കുക. അതില്‍ ആവശ്യത്തിന് വെള്ളം ചേര്‍ക്കുക. തിളച്ച് വരുമ്പോള്‍ തേങ്ങാപ്പാല്‍ മിക്‌സ് ചെയ്യുക.  തേങ്ങാപ്പാല്‍ തിളച്ചാല്‍ ആദ്യം തയ്യാറാക്കിയ കുഞ്ഞിപ്പത്തിരി ഇട്ട് ചെറുതീയില്‍ കുറുക്കിയെടുക്കുക. ശേഷം മല്ലിചെപ്പ് ചേര്‍ക്കുക.

Tagged with: