Categories

മീന്‍തോരന്‍

meen-thoran

മീന്‍ കറിയും മീന്‍ പൊരിച്ചതും കഴിച്ച്് മടുക്കുമ്പോള്‍ വ്യത്യസ്തമായ ഒരു മീന്‍ വിഭവം ഒരുക്കാം.

ചേരുവകള്‍

1.മീന്‍ വൃത്തിയാക്കി മുറിച്ച് കഴുകി പാകത്തിന് കൊടുമ്പുളിയും ഉപ്പും മഞ്ഞള്‍ പൊടിയും ചേര്‍ത്തു വേവിച്ച് മുള്ള നീക്കി പൊടിച്ചത്- 2കപ്പ്
2.മീന്‍ വേവിച്ച വെള്ളം വറ്റിച്ചത്- കാല്‍കപ്പ്
3.തിരുമ്മിയ തേങ്ങ- അരകപ്പ്
പച്ചമുളക്- ഒന്ന്
വെളുത്തുള്ളിയല്ലി- 3
ഇഞ്ചി- ഒരുചെറിയ കഷ്ണം
4.എണ്ണ-കാല്‍കപ്പ്
5.കടുക്-അരടീസ്പൂണ്
അരി- 2ടീസ്പൂണ്‍
6.സവാള പൊടിയായി കൊത്തിയരിഞ്ഞത്- അരകപ്പ്
ഉണക്ക മുളക്- 2
കറിവേപ്പില- ഒരുതണ്ട്
ഉപ്പ്- പാകത്തിന്
തയ്യാറാക്കുന്ന വിധം

പച്ചമുളക്, വെളുത്തുള്ളിയല്ലി, ഇഞ്ചി, തേങ്ങ ഇവ തോരന്റെ പാകത്തില്‍ അരച്ചെടുക്കുക. മീന്‍ പൊടിച്ചത് ചാറുതളിച്ച് അടുപ്പില്‍ വെക്കുക.

ചൂടാകുമ്പോള്‍ അരപ്പുനടുക്കു വെച്ച് ബാക്കി പൊടിച്ച മീന്‍ കൊണ്ട് മൂടി പാത്രം മൂടി ആവി വരുമ്പോള്‍ തവിക്കണ കൊണ്ട് കുഴയാതെ ഇളക്കി തോര്‍ത്തി എടുക്കുക.

ചൂടായഎണ്ണയില്‍ കടുകിട്ട് പൊട്ടിയാലുടന്‍ അരിയിടുക.  നല്ലതു പോലെ പൊരിഞ്ഞു വരണം. ഇതില്‍ സവാള ചേര്‍ത്തു വഴറ്റി ഇളം ചുവപ്പു നിറമാകുമ്പോള്‍ മുളക് കറിവേപ്പില ഇവ ഇട്ട് മൂപ്പിക്കുക.

മീന്‍ തോരന്‍ കുടഞ്ഞിട്ടു തോര്‍ത്തി എടുത്ത് ചൂടോടെ ഉപയോഗിക്കുക.

Tagged with: