Categories

ആട്ടിറച്ചി വരട്ടിയത്

aattirachi-varattiyathu

ചിലര്‍ക്ക് ആട്ടിറച്ചിയുടെ രുചിയും മണവും ഒന്നും പിടിക്കില്ല. പലപ്പോഴും അത് നന്നായി ഉണ്ടാക്കാത്തതു കൊണ്ടു കൂടിയാണ്. നല്ല രീതിയില്‍ മസാലയൊക്കെ ചേര്‍ത്ത് തയ്യാറാക്കിയാല്‍ ആട്ടിറച്ചിയും ഇഷ്ടഭക്ഷണമാക്കാം.

ചേരുവകള്‍

ആട്ടിറച്ചി – 250 ഗ്രാം
വലിയ ഉള്ളി നീളത്തില്‍ കനം കുറച്ച് മുറിച്ചത് -3 എണ്ണം
പച്ചമുളക് ചതച്ചത്- 4 എണ്ണം
ഇഞ്ചി- ചെറിയ കഷ്ണം
വെളുത്തുള്ളി- ആറോ ഏഴോ അല്ലി
പെരുഞ്ചീരകം-  1 ടീസ്പൂണ്‍
മല്ലിപ്പൊടി- 2 ടേബിള്‍സ്പൂണ്‍
മുളകുപൊടി -1 ടീസ്പൂണ്‍
മഞ്ഞള്‍പ്പൊടി- 1/2 ടീസ്പൂണ്‍
ഗരം മസാലപ്പൊടി- 1 ടീസ്പൂണ്‍
തക്കാളി -2 എണ്ണം
മല്ലിയില ചെറുതായി മുറിച്ചത്- 1/2 കെട്ട്
റിഫൈന്‍ഡ് ഓയില്‍- 4 ടേബിള്‍സ്പൂണ്‍
പഞ്ചസാര -2 ടീസ്പൂണ്‍
ചെറുനാരങ്ങ – ഒരെണ്ണത്തിന്റെ പകുതി
ഉപ്പ് -പാകത്തിന്

തയ്യാറാക്കുന്ന വിധം

ഇറച്ചി കഷ്ണങ്ങളായി മുറിച്ച് കഴുകണം. പച്ചമുളക്, ഇഞ്ചി, വെളുത്തുള്ളി എന്നിവ വെവ്വേറെ ചതച്ചെടുക്കുക.

പെരുഞ്ചീരകം നല്ല മയത്തിലരച്ച് മല്ലിപ്പൊടിയും ചേര്‍ത്ത് ഒന്നുകൂടെ അരച്ചെടുക്കുക. എണ്ണ ചൂടാകുമ്പോള്‍ ഉള്ളി ഇട്ട് ഇളം ചുവപ്പ് നിറമാകുന്നതു വരെ ഇളക്കി അരച്ച മസാലകളും മുളകുപൊടിയും മഞ്ഞള്‍പ്പൊടിയും ചേര്‍ത്ത് നന്നായി മൂക്കുന്നതു വരെ ഇളക്കണം.

ഇതില്‍ മുറിച്ച് വെച്ച ഇറച്ചി ഇട്ട്, എണ്ണ തെളിയുന്നത് വരെ തുടര്‍ച്ചയായി ഇളക്കി തക്കാളിയും ഉപ്പും രണ്ട് കപ്പ് വെള്ളവും ചേര്‍ത്ത് വേവിക്കുക.

ഇറച്ചി ഒരു വിധം വെന്താല്‍ പഞ്ചസാര, മല്ലിയില, ചെറുനാരങ്ങാ നീര്, ഗരം മസാലപ്പൊടി എന്നിവ ചേര്‍ക്കുക. ഇറച്ചി വെന്ത് മസാല കുഴഞ്ഞ പരുവത്തിലായാല്‍ ഇറക്കി ഉപയോഗിക്കാം.

Tagged with: