swetha menon and rathinirvedam

അഭയ് വി അഭയ്

Sex appeal can increase the effectiveness of an ad or commercial because it attracts the customer’s attention. It’s human nature to be curious about sex.

Mark Levit, Trend forecaster, designer

പത്മരാജന്‍ എഴുതി ഭരതന്‍ സംവിധാനം ചെയ്ത് 1978-ല്‍ പുറത്തിറങ്ങിയ രതിനിര്‍വേദം എന്ന സിനിമ ഉല്‍പാദിപ്പിച്ച (സിനിമാ) സാംസ്‌കാരികാന്തരീക്ഷത്തെ പാടെ മറന്ന് പുതിയ കാലത്ത് ടി കെ രാജീവ് കുമാര്‍ ഒരു സിനിമ എടുക്കുമ്പോള്‍ അത് നിര്‍മ്മിച്ച പുതിയ (അതോ പഴയതോ) ഭാവുകത്വത്തെപ്പറ്റി ചില ചര്‍ച്ചകള്‍ ഇവിടെ നിര്‍ബന്ധമായും ഉണ്ടാകേണ്ടതുണ്ട്.

തുടക്കമെന്ന നിലയില്‍ പറയട്ടെ ഭരതന്‍- പത്മരാജന്‍ കൂട്ടുകെട്ടില്‍ ജയഭാരതിയേയും കൃഷ്ണചന്ദ്രനേയും മുഖ്യ വേഷങ്ങളില്‍ അവതരിപ്പിച്ച് ഇറങ്ങിയ രതിനിര്‍വേദം മലയാള hot swetha and sreejith in rathinirvedamകാമനകള്‍ക്ക് കലയും രതിയും ഇടകലരുമ്പോളുള്ള അപൂര്‍വ സംഗമത്തെ സമ്മാനിക്കുകയായിരുന്നു. കൗമാരത്തില്‍ നിന്ന് യൗവനത്തിലേക്കുള്ള കുതിവെക്കല്‍, പ്രണയവും ലൈംഗികതയും ഇടകലര്‍ന്ന് സൃഷ്ടിക്കുന്ന മനോ വിചാരങ്ങളും വികാരങ്ങളും, ലൈംഗികത എന്ന ടാബൂവിനെ -അതും മുതിര്‍ന്ന വയസ്സുള്ള ഒരു സ്ത്രീയുമായുള്ള- കേരളീയ പരിസരത്തില്‍ നിര്‍ത്തിക്കൊണ്ട് ചര്‍ച്ചയക്ക് വിധേയമാക്കല്‍: ഇങ്ങനെ ഒരു മാതിരിപ്പെട്ട ‘സത്കര്‍മ്മങ്ങളെ’ല്ലാം നിര്‍വഹിച്ചു എന്നതാണ് ഭരതന്റെ രതി നിര്‍േവദത്തിന്റെ സാമൂഹിക/ ചരിത്ര പ്രസക്തി. പ്രത്യേകിച്ചും പപ്പു എന്ന കഥാപാത്രത്തിന്റെ വളര്‍ച്ചാ വികാസം ആദ്യ സിനിമയിലെ മുഖ്യ കഥാതന്തു തന്നെയാണ്. അതായത് സ്പ്രിംഗ് പോലെ കുതിച്ചു ചാടുന്ന കൗമാര കാമനകളെ എങ്ങനെ അഭ്രപാളികളില്‍ ആവിഷ്‌കരിക്കണമെന്ന് ഭരതന്‍-പത്മരാജന്‍ ടീമിന് ധാരണയുണ്ടായിരുന്നു എന്നതിന്റെ ദൃഷ്ടാന്തമായിരുന്നു 1978-ല്‍ ഇറങ്ങിയ ആദ്യ സിനിമ.

എന്നാല്‍ മുപ്പത്തിരണ്ടു വര്‍ഷങ്ങള്‍ക്കു ശേഷം ചെറിയ രീതിയില്‍ തൊട്ടു മിനുക്കിയ പഴയ തിരക്കഥയുമായി് ടി കെ രാജീവ്കുമാര്‍ രതിനിര്‍വേദത്തിന്റെ പുതിയ പതിപ്പു നിര്‍മ്മിച്ച് മലയാളി പ്രേക്ഷകര്‍ക്കു മുന്നില്‍ എത്തുമ്പോള്‍ ഈ hot swetha and sreejith in rathinirvedamചിത്രത്തിന്റെ ഉദ്ദേശ്യ ശുദ്ധിയെ ഒന്നു വിസിറ്റിംഗ് മുറിയിലിരുത്തി ചോദ്യം ചെയ്യേണ്ടതുണ്ട്. എന്തെന്നാല്‍, നാമെല്ലാം ധരിച്ചു വെച്ചിരിക്കുന്നതു പോലെ ശുദധമായ കലാപ്രേമമല്ല ഈ സിനിമയുടെ പുനര്‍നിര്‍മ്മിതിക്കു പിന്നില്‍ എന്നറിയുമ്പോഴാണ് മലയാള സിനിമ ഇന്നെത്തി നില്‍ക്കുന്ന അതി ദയനീയ പരിണാമ ദശയുടെ പൊത്തിവെച്ച മുഖം നാം കാണുന്നത്.

ജയഭാരതി എന്ന നടിയും കൃഷ്ണചന്ദ്രന്‍ എന്ന നടനും ചേര്‍ന്ന് മലയാളിക്ക് സമ്മാനിച്ച ദൃശ്യാനുഭൂതിയെ പാടെ നിരാകരിക്കുന്നതാണ് രാജീവ്കുമാറിന്റെ പുതിയ പടം എന്നു നിസ്സംശയം പറയാം. പഴയ രതി നിര്‍വേദത്തില്‍ രതിയും കാമനകളുമെല്ലാം വളര്‍ച്ചയുടെ സ്വാഭാവിക പരിണാമങ്ങളാണെങ്കില്‍ പുതിയ ചിത്രത്തില്‍ ഷക്കീലാപ്പടം കണ്ട് നിര്‍വൃതിയടയുന്ന മലയാളി പ്രേക്ഷകനെ പ്രൈം ടൈമില്‍ തിയേറ്ററുകളിലെത്തിക്കുക എന്നൊരു സാഹസിക ദൗത്യമാത്രമാണ് രാജീവ് കുമാര്‍ ചെയ്തിരിക്കുന്നത്. അടുത്ത പേജില്‍ തുടരുന്നു