Categories

ചിദംബരത്തിന്റെ പ്രസ്താവന: പാര്‍ലമെന്റിന് മുന്നില്‍ പി.ടിതോമസിന്റെ പ്രതിഷേധം

ന്യൂദല്‍ഹി: മുല്ലപ്പെരിയാര്‍ വിഷയത്തില്‍ ആഭ്യന്തരമന്ത്രി പി. ചിദംബരത്തിന്റെ നിലപാടില്‍ പ്രതിഷേധിച്ച് പി.ടി തോമസ് എം.പി ദല്‍ഹിയില്‍ പ്രതിഷേധസമരം നടത്തി. പാര്‍ലമെന്റിന് മുന്നിലാണ് പ്രതിഷേധം.

മുല്ലപ്പെരിയാര്‍ വിഷയത്തില്‍ ചിദംബരത്തിന്റെ പ്രസ്താവന നിരുത്തരവാദപരമായിപ്പോയെന്ന് പി.ടി തോമസ് പറഞ്ഞു. ചിദംബരം തമിഴ്‌നാടിന്റെ മാത്രമല്ല കേന്ദ്രത്തിന്റെയും അഭ്യന്തരമന്ത്രിയാണെന്ന് അദ്ദേഹം ചൂണ്ടിക്കാട്ടി.

മുല്ലപ്പെരിയാര്‍ വിഷയത്തില്‍ കേരളത്തിന്റെ ആശങ്ക പിറവം ഉപതിരഞ്ഞെടുപ്പ് മുന്നില്‍ക്കണ്ടാണെന്നും വിഷയത്തില്‍ സുപ്രീം കോടതി വിധി തമിഴ്‌നാടിന് അനുകൂലമായിരിക്കുമെന്നുമുള്ള ചിദംബരത്തിന്റെ പ്രസ്താവന വിവാദമായിരുന്നു. മുല്ലപ്പെരിയാര്‍, കൂടംകുളം വിഷയങ്ങളില്‍ തമിഴ്‌നാട് കോണ്‍ഗ്രസ് കമ്മിറ്റി സംഘടിപ്പിച്ച ചടങ്ങില്‍ സംസാരിക്കവെയാണ് അദ്ദേഹം ഇക്കാര്യം പറഞ്ഞിരുന്നത്. ഉപതിരഞ്ഞെടുപ്പ് കഴിയുന്നതോടെ അണക്കെട്ട് വിഷയത്തില്‍ കേരളത്തിലെ പാര്‍ട്ടികളുടെ ആശങ്ക അവസാനിക്കുമെന്നും ചിദംബരം പറഞ്ഞിരുന്നു. ഇതില്‍ ഉപതിരഞ്ഞെടുപ്പ് മുന്നില്‍കണ്ടാണ് കേരളത്തിന്റെ ആശങ്കയെന്ന പ്രസ്താവന ചിദംബരം പിന്‍വലിച്ചിരുന്നു. എന്നാല്‍ സുപ്രീംകോടതി വിധി തമിഴ്‌നാടിന് അനുകൂലമായിരിക്കുമെന്ന പ്രസ്താവന അദ്ദേഹം പിന്‍വലിച്ചിട്ടില്ല. ഇതില്‍ പ്രതിഷേധിച്ചാണ് പി.ടി തോമസ് എം.പിയുടെ പ്രതിഷേധം.

Malayalam news

Kerala news in English

3 Responses to “ചിദംബരത്തിന്റെ പ്രസ്താവന: പാര്‍ലമെന്റിന് മുന്നില്‍ പി.ടിതോമസിന്റെ പ്രതിഷേധം”

  1. Prathiba the Great

    അവിടെ ഒന്ന്; ഇവിടെ ഒന്ന്; ദല്‍ഹിയില്‍ മറ്റൊന്ന്! കോണ്ഗ്രസ് സംസ്കാരം മഹനീയം; മഹത്തരം; തനി ചെറ്റത്തരം!!!

  2. Rajesh

    അവിടെ ഒന്ന്; ഇവിടെ ഒന്ന്; ദല്‍ഹിയില്‍ മറ്റൊന്ന്!
    മുല്ലപെരിയാരല്ല

  3. Rajesh

    നല്ല ഒരു സര്‍ക്കാര്‍ വേണം കേരളത്തിന്‌ തമിഴ്നാടിനെ കണ്ടുപടിക്കണം ഇവിടുത്തെ നേതാക്കള്‍ വാലും നീട്ടി ടെല്‍ഹിക്കുപോകും ഇടതു വലതു നേതാക്കള്‍ വലുമാടക്കി തിരിച്ചുപോരും കേരളത്തിലേക്ക് ,ദാമു പൊട്ടിയാല്‍ ഒരു ചിതംബരവും ഒഴുകിപോവില്ല കേരളത്തിന്റെ പകുതിപോകും ചിലപ്പോള്‍ കുറച്ചു നേതാക്കളും എംപി മാരും കാണും

LEAVE YOUR COMMENTS

Press ctrl+g to toggle between English and Malayalam.