ന്യൂദല്‍ഹി: സിക്കിം, ഭൂട്ടാന്‍ വ്യാജലോട്ടറികളുടെ നറുക്കെടുപ്പ് ലൈവായി സംപ്രേഷണം ചെയ്ത് ജനങ്ങളെ കബളിപ്പി­ക്കു­ന്നു­വെ­ന്ന് കാ­ണി­ച്ച് പി ടി തോമ­സ് എം പി കേ­ന്ദ്ര വാര്‍­ത്താ വിത­ര­ണ മന്ത്രി അം­ബി­കാ സോ­ണി­ക്ക് പ­രാ­തി നല്‍കി.

സിക്കിം, ഭൂട്ടാന്‍ ലോട്ടറികളുടെ നറുക്കെടുപ്പിന്റെ ഒരു മാസത്തേക്കുള്ള കാസെറ്റെടുത്ത് കൈരളി ചാനലിന് ലോട്ടറി മാഫിയ നല്‍കുക­യാ­ണ് ചെ­യ്യു­ന്നത്. ഇതാണ് ലൈവ് നറുക്കെ­ടു­പ്പെന്ന പേരില്‍ സംപ്രേഷണം ചെയ്ത് ജനങ്ങളെ കബളിപ്പിക്കുന്നത് – പി ടി തോമസ് പറ­ഞ്ഞു.

ഈ ഓണക്കാലത്തുമാത്രം 120 കോടി രൂപയാണ് ലോട്ടറി മാഫിയ സംസ്ഥാനത്തുനിന്ന് കടത്തിയ­തെന്നും ലോട്ടറി മാഫിയക്ക് ഒത്താശ ചെയ്തുകൊടുക്കുന്ന സംസ്ഥാന ധനമന്ത്രി തോമസ് ഐസക്കിനെ മുഖ്യമന്ത്രി മന്ത്രിസഭയില്‍ നിന്ന് പുറത്താക്ക­ണ­മെന്നും തോമസ് ആവശ്യപ്പെട്ടു.