Administrator
Administrator
ഒബാമയെയും സ്റ്റീവ് ജോബ്‌സിനെയും പിന്തളളി വില്ല്യം രാജകുമാരന്‍ ഒന്നാമത്
Administrator
Thursday 20th October 2011 11:55am

ലണ്ടന്‍: ഒബാമയെയും സ്റ്റീവ് ജോബ്‌സിനെയും പിന്തള്ളി വില്ല്യം രാജകുമാരന്‍ ലോകത്തെ ഏറ്റവും സ്വാധീനമുള്ള ആളായി തിരഞ്ഞെടുക്കപ്പെട്ടു. ആസ്‌ക്‌മെന്‍ ഡോട് കോം എന്ന വെബ്‌സൈറ്റ് നടത്തിയ സര്‍വേയിലാണ് ബ്രിട്ടന്റെ വില്യം രാജകുമാരന്‍ ലോകത്തെ ഏറ്റവും ശക്തരായ 50 വ്യക്തികളില്‍ ഒന്നാം സ്ഥാനം നേടിയത്.

ഈ മാസം ആദ്യം അന്തരിച്ച ആപ്പിള്‍ സഹസ്ഥാപകന്‍ സ്റ്റീവ് ജോബ്‌സിനു ആറാം സ്ഥാനവും ഒബാമയ്ക്കു പത്താം സ്ഥാനവുമാണ് പട്ടികയില്‍. ഫേസ്ബുക്ക് സ്ഥാപകന്‍ മാര്‍ക്ക് സുക്കര്‍ബര്‍ഗിന് അഞ്ചാം സ്ഥാനമാണുള്ളത്.

അതേസമയം, വില്യമിന്റെ സഹോദരനായ ഹാരി രാജകുമാരന്‍ 22-ാം സ്ഥാനത്താണ്. 49 പേരുടെ പട്ടികയില്‍ ഏറ്റവുമൊടുവിലാണ് ബ്രിട്ടീഷ് പ്രധാനമന്ത്രി ഡേവിഡ് കാമറൂണ്‍. അര്‍ജന്റീനയുടെ ഫുട്‌ബോള്‍ താരം ലയണല്‍ മെസി പതിനെട്ടാമതും ഡേവിഡ് ബെക്കാം ഇരുപതാമതുമായും പട്ടികയില്‍ ഇടം നേടി.

18 മുതല്‍ 40 വയസ്സുള്ള 7,200 പേരിലാണ് സര്‍വ്വേ നടത്തിയത്.

Advertisement