prathapan

പെരിഞ്ഞനം: പെരിഞ്ഞനം കൊലപാതകത്തില്‍ പ്രതിഷേധിച്ച് ടി.എന്‍ പ്രതാപന്‍ എംഎല്‍എ ഉപവസിക്കുന്നു. മാര്‍ച്ച് രണ്ടിന് കൊല്ലപ്പെട്ട പെരിഞ്ഞനം നവാസിന്റെ കൊലപാതകത്തില്‍ പ്രതിഷേധിച്ചാണ് പ്രതാപന്റെ ഉപവാസസമരം.

പെരിഞ്ഞനം ജംക്ഷനു സമീപത്തുവച്ച് കാറിലെത്തിയ എട്ടംഗ മുഖംമൂടി സംഘം നവാസിനെ ആളുമാറി വെട്ടിക്കൊലപ്പെടുത്തുകയായിരുന്നു.

ഈ കേസില്‍  പെരിഞ്ഞനം ലോക്കല്‍ സെക്രട്ടറി രാമദാസനടക്കം എട്ട് സിപി ഐ എം പ്രവര്‍ത്തകര്‍ ഇക്കഴിഞ്ഞ പതിനഞ്ചിനാണ് അറസ്റ്റിലായത്. ഗൂഡാലോചന നടന്നത് പെരിഞ്ഞനം സിപിഐഎം ലോക്കല്‍ കമ്മിറ്റി ഓഫിസില്‍ വച്ചായിരുന്നുവെന്ന് പോലീസ് കണ്ടെത്തിയിരുന്നു.

കൊടുങ്ങല്ലൂരിലെ ഡി.വൈ.എഫ്.ഐ നേതാവായിരുന്ന കെ.യു ബിജു വധക്കേസിലുള്‍പ്പെട്ട ബി.ജെ.പി പ്രവര്‍ത്തകന്‍ കല്ലാടന്‍ ഗിരീഷിനെകൊല്ലാന്‍ പദ്ധതിയിട്ട ക്വട്ടേഷന്‍ സംഘം ആളുമാറി നവാസിനെ വെട്ടുകയായിരുന്നു.