Categories

മഴ കുറഞ്ഞത് ജി.ഡി.പി വളര്‍ച്ച 6%ആക്കുമെന്ന് അലുവാലിയ

ന്യൂദല്‍ഹി:  മഴ കുറഞ്ഞതിനാല്‍ ഇന്ത്യയുടെ ജി.ഡി.പി വളര്‍ച്ച 6% ആയി കുറയുമെന്ന് ആസൂത്രണ കമ്മീഷന്റെ മുന്നറിയിപ്പ്. 2011-12 വര്‍ഷത്തില്‍ ജി.ഡി.പി നിരക്ക് ഒമ്പത് വര്‍ഷത്തെ ഏറ്റവും കുറഞ്ഞനിരക്കായി റെക്കോര്‍ഡിട്ടിരുന്നു. 6.5% ആയിരുന്നു ജി.ഡി.പി. നിലവിലെ സാഹചര്യങ്ങള്‍ കണക്കിലെടുക്കുമ്പോള്‍ ഈ സാമ്പത്തിക വര്‍ഷത്തില്‍ ഇനിയും കുറയാനാണ് സാധ്യതയെന്നും ആസൂത്രണ കമ്മീഷന്‍ ഉപാധ്യക്ഷന്‍ മൊണ്ടേക് സിങ് അലുവാലിയ പറഞ്ഞു.

Ads By Google

കഠിനമായ വരള്‍ച്ചയാണ് രാജ്യം സമീപഭാവിയില്‍ നേരിടാന്‍ പോകുന്നതെന്ന് കഴിഞ്ഞദിവസം കാലാവസ്ഥാ കേന്ദ്രം മുന്നറിയിപ്പ് നല്‍കിയിരുന്നു. രാജ്യത്തെ തെക്ക് പടിഞ്ഞാറന്‍ മണ്‍സൂണിന്റെ അളവില്‍ 15% കുറവുണ്ടായതായും കാലാവസ്ഥാ നിരീക്ഷണ കേന്ദ്രം അറിയിച്ചിരുന്നു. ഈ സാഹചര്യത്തില്‍ കാര്‍ഷിക മേഖലയിലെ വളര്‍ച്ച കുറയുമെന്നും അലുവാലിയ അറിയിച്ചു.

രാജ്യത്തെ ദാരിദ്ര്യം 26% കുറഞ്ഞതായും അദ്ദേഹം വ്യക്തമാക്കി. 2011-12 കാലയളവിലെ എന്‍.എസ്.എസ്.എ കണക്ക് പ്രകാരമാണിത്. 2000ത്തിലേതിനെ അപേക്ഷിച്ച് ദാരിദ്ര്യം കുറഞ്ഞിട്ടുണ്ട്. 2009-10 കാലയളവില്‍ പോവേട്ടി റേഷ്യോ 29.8% ആയിരുന്നു. ടെണ്ടുല്‍ക്കര്‍ കമ്മറ്റിയുടെ കണക്ക് പ്രകാരമാണിതെന്നും അദ്ദേഹം വ്യക്തമാക്കി.