Categories

ഋഷിരാജ് സിങ്ങിനും ഡി.ജി.പിക്കും പൊലീസ് കംപ്ലയിന്റ്‌സ് അതോറിറ്റിയുടെ രൂക്ഷവിമര്‍ശം

rishiraj-singh

തിരുവനന്തപുരം: വ്യാജ സി.ഡി റെയ്ഡുമായി ബന്ധപ്പെട്ട പരാതിയില്‍  ഡി.ജി.പിക്കും എ.ഡി.ജി.പി ##ഋഷിരാജ് സിങ്ങിനും പൊലീസ് കംപ്ലയിന്റ്‌സ് അതോറിറ്റിയുടെ രൂക്ഷവിമര്‍ശനം.

വ്യാജ സീഡി റെയ്ഡുമായി ബന്ധപ്പെട്ട പരാതിയില്‍ പലവട്ടം വിശദീകരണം ആവശ്യപ്പെട്ടിട്ടും  ഋഷിരാജ് സിങ് വിശദീകരണം നല്‍കാത്തതിനാലാണ് വിമര്‍ശനം. ആഭ്യന്തര സെക്രട്ടറി ഉള്‍പ്പെടെയുള്ളവര്‍ പങ്കെടുത്ത അതോറിറ്റിയുടെ ഫുള്‍ക്വോറം യോഗത്തിലാണ് വിമര്‍ശനം.

2006 ലെ ഡീസി റെയ്ഡുകളുമായി ബന്ധപ്പെട്ട പരാതിയില്‍ ഋഷിരാജ് സിങ്ങിന് വിശദീകരണം നല്‍കാന്‍ അനുവദിച്ച സമയം അവസാനിച്ചിരുന്നു. അതോറിറ്റി മുമ്പാകെ ഹാജരായി നിലപാട് അറിയിക്കാത്ത സിങ്ങിന്റെ വാദം കേള്‍ക്കാതെ എക്‌സ്പാര്‍ട്ടിയായി കേസ് മുന്നോട്ട് കൊണ്ടുപോകാന്‍ യോഗം തീരുമാനിച്ചു.

ഡി.ജി.പിയുടെ അപേക്ഷ പരിഗണിച്ച് ഋഷിരാജ്‌സിങ്ങിന് മൂന്നാമതും സമന്‍സ് അയച്ചിട്ടുണ്ട്. അതും പരിഗണിക്കാന്‍ തയ്യാറായില്ലെങ്കില്‍ ഋഷിരാജ് സിങ്ങനെ ഉള്‍പ്പെടുത്താതെ കേസുമായി മുന്നോട്ട് പോകേണ്ടിവരുമെന്നും അധികൃതര്‍ പറഞ്ഞു.

ഇത്തരം ഉദ്യോഗസ്ഥരെ സര്‍വീസില്‍ വെച്ചുകൊണ്ടിരിക്കണോയെന്ന് സര്‍ക്കാര്‍ തീരുമാനിക്കണമെന്നും നിരുത്തരവാദപരമായ നിലപാടാണ് ഉദ്യോഗസ്ഥരില്‍ നിന്നുണ്ടാകുന്നതെങ്കില്‍ എങ്ങനെ മുന്നോട്ട് പോകാനാകുമെന്നും അതോറിറ്റി ചോദിച്ചു.

2011ല്‍ ഇടുക്കിയിലുണ്ടായ കസ്റ്റഡി മര്‍ദനക്കേസുമായി ബന്ധപ്പെട്ട പരാതിയില്‍ നടത്തിയ ഇടപെടലാണ് ഡി.ജി.പി കെ.എസ്. ബാലസുബ്രഹ്മണ്യത്തിനെതിരെയുള്ള വിമര്‍ശനത്തിന് കാരണം.

Tagged with:


മുസ്‌ലിങ്ങള്‍ക്ക ഒത്തു ചേരുന്നതിന് വെള്ളിയും ക്രിസ്ത്യനികള്‍ക്ക് ഞായറുമുള്ളതുപോലെ ഹിന്ദുക്കള്‍ക്കില്ല;’ഹിന്ദു തീവ്രവാദികള്‍ പശുവിനെ വെട്ടി ക്ഷേത്രത്തിലിട്ട് മുസ്‌ലിമിന്റെ തലയില്‍ വച്ച് സമ്മര്‍ദ്ദമുണ്ടാക്കുന്നു; രാഹുല്‍ ഈശ്വര്‍ വീഡിയോ കാണം

 കൊച്ചി: ഹിന്ദുക്കളെയും മുസ്‌ലിങ്ങളെയും പരസ്പ്പരം തെറ്റിക്കാന്‍ ഹിന്ദു തീവ്രവാദികള്‍ ശ്രമിക്കാറുണ്ടെന്നും പശുവിനെ വെട്ടി അമ്പലത്തിലിട്ട് അത് മുസ്ലിങ്ങളുടെ തലയില്‍ വയ്ക്കുന്നുവെന്നും രാഹുല്‍ ഈശ്വര്‍. മുസ്‌ലിം സഹോദരന്മാര്‍ക്ക് ഒത്തു ചേരുന്നതിന് വെള്ളിയാഴ്ച ക്രിസ്ത്യന്‍ സഹോദരന്മാര്‍ക്ക് ഒത്തു ചേരുന്നതിന് ഞായറാഴ്ചയുമുള്ളതുപോലെ ഹിന്ദുക്കള്‍ക്ക് ഒരു ദിവസമില