Categories
boby-chemmannur  

മാഷേ, കുഞ്ഞുണ്ണി മാഷേ, ഒന്നു നിന്നേ

അനുഭവം / മോന്‍സി ജോസഫ്

കുഞ്ഞുണ്ണി മാഷിനെ പിന്നെയും കുഞ്ഞുണ്ണി മാഷായി മനസില്‍ ഓര്‍ത്താല്‍ ഒരുത്തരമാണു കിട്ടുക; ആ മനുഷ്യന്‍ സ്‌നേഹമായിരുന്നു. ചെറുതായി വിശദമാക്കാം. ആ മനുഷ്യനെ പോലെ ചെറിയ കുട്ടികള്‍ക്ക് (വലിയ കുട്ടികള്‍ക്കും) ഇന്നാരാണ് കത്തെഴുതുക. അത്രയും പരിഗണന മറ്റാരാണ് കൊടുക്കുക. കത്തുകള്‍ ഇന്ന് ഇല്ലാതെ വന്നതുകൊണ്ടൊന്നുമല്ല. അന്ന് ലോകം മനുഷ്യനെ പരിഗണിച്ചിരുന്നു. കുറ്റം ലോകത്തിന്റേതല്ല, നമ്മുടേതു തന്നെ.

സ്‌നേഹമില്ലാത്ത മനുഷ്യമൃഗങ്ങള്‍ അസംതൃപ്തരായി മരുവുന്ന വൃത്തികെട്ട ഫ്‌ലാറ്റായി മാറി ലോകം എന്ന് ആരെങ്കിലും പറഞ്ഞു കൊള്ളട്ടെ. തെറ്റില്ല. ചുരുക്കം ചില സ്‌നേഹ പ്രവൃത്തികള്‍ നടക്കുന്നുണ്ടെന്ന് വായനക്കാര്‍ പറഞ്ഞേക്കും. അത് വല്ല ദൈവപ്രചാര വേലയുമായിരിക്കും.

മാഷെ ആദ്യമായി പരിചയപ്പെടുന്നത് മാതൃഭൂമി ബാലപംക്തി വഴി തന്നെയായിരുന്നു. പിന്നെ ആ ബന്ധം മുറിഞ്ഞതേയില്ല. പത്തിരുപതു വയസ്സു പ്രായപൂര്‍ത്തിയായ ഞാന്‍ മാഷെ കാണാന്‍ കോഴിക്കോട്ടു വന്നു, മിഞ്ചന്ത രാമകൃഷ്ണാശ്രമത്തിലെ മാഷിന്റെ മുറിയില്‍. സ്‌നേഹം കൂടിയതേയുള്ളൂ. കണ്ടാല്‍ ഒരു കുട്ടിയുടെ വലിപ്പം. കാല്‍ച്ചുവട്ടില്‍ നിന്ന് ആ കുട്ടി എന്നെ കാണാന്‍ മുകളിലേക്ക് നോക്കി. ഞാന്‍ താഴേക്കും. ശരീരം കൊണ്ടു ചെറുത്. പക്ഷേ ആ മുതിര്‍ന്ന കുട്ടി മനസു കൊണ്ട് എത്ര വലുതെന്ന് പിന്നീട് മനസിലായി മനസിലായി വന്നു. ഓരോ പ്രാവശ്യവും ലോകത്തെ പുതിയ വിശേഷങ്ങള്‍ ഞാന്‍ അറിയുകയായിരുന്നു. മതൃഭൂമിയിലെ എം.ടിയെക്കുറിച്ചും മാതൃഭൂമിയില്‍ വന്നിരുന്ന ഒ.വി വിജയനെക്കുറിച്ചും വളരെ അടുത്തു നിന്നെന്ന പോലെ സംസാരിച്ചു. അങ്ങിനെ വേറെയും പലര്‍…. ആ ശബ്ദത്തില്‍ ലോകത്തെക്കുറിച്ച് ചിരിയും സ്‌നേഹവും നിറഞ്ഞിരുന്നു.

എന്റെ ലോകം വലുതായി വന്നു. മാഷിന്റെ അടുത്ത് നില്‍ക്കുമ്പോള്‍ രണ്ടുണ്ടായിരുന്നു ഗുണം. മാഷ് പറയുന്നത് എനിക്ക് കേള്‍ക്കാമായിരുന്നു. ഞാന്‍ പറയുന്ന ചില പൊട്ടും പൊടിയും മുക്കലും മൂളലും ‘ഉവ്വോ’ ‘അങ്ങിനെയോ’ എന്ന മട്ടില്‍ മാഷ് നമ്പൂതിരി ഭാവത്തില്‍ കേട്ടിരുന്നു. ഒപ്പം കല്‍ക്കണ്ടം, ഉമ്മ എന്നിവ തരാതിരുന്നില്ല. അതിലും വലിയ കാര്യം കേള്‍ക്കണോ?. ഒരംഗീകാരം കിട്ടിയ പോലെയായിരുന്നു കോഴിക്കോട്ടു നിന്ന് മരുങ്ങാട്ട്പിള്ളിയിലേക്കുള്ള എന്റെ യാത്ര. ആ അഞ്ചെട്ടു മണിക്കൂര്‍ ബസ് യാത്രയില്‍ ജീവിതം തരക്കേടില്ലെന്നു ഞാന്‍ വിചാരിച്ചു കൊണ്ടിരുന്നു.

കത്തുകള്‍, കത്തുകള്‍. ബാലപംക്തി എഴുത്തു തുടരുന്നു. എന്തിന് ഒരു കഥാസമാഹാരം പോലും വന്നു അറിവിന്റെ വൃക്ഷം. മാഷ് എനിക്കെഴുതി. ‘നിന്റെ കഥയില്‍ അശ്ലീലമുണ്ട്. കഥയില്‍ ഇത്ര മനോഹരമായി അശ്ലീലം മാറ്റാരും എഴുതുന്നില്ലതാനും.’ കത്തുകള്‍ പലതും ഞാന്‍ സൂക്ഷിച്ചു വന്നിരുന്നു. പിന്നതു പൊയ്‌പ്പോയി. മാഷ് പിന്നെ മാവേലിക്കര ഒരാശ്രമത്തില്‍ കുറച്ചു കാലം താമസിച്ചിരുന്നു. ഞാനവിടെ പോയി കണ്ടു. സ്ത്രീ സ്വഭാവത്തെക്കുറിച്ചും ലൈംഗികതയെക്കുറിച്ചും ഗംഭീരമായ ഒരശ്ലീല നാടന്‍ കഥ പറഞ്ഞതോര്‍മ്മയുണ്ട്. പറയുന്ന രീതി മതപരമായ ഒരു കാര്യം പറയുന്നതു പോലെ അല്ലെങ്കില്‍ ഒരു കുഞ്ഞുണ്ണിക്കവിത ചൊല്ലും പോലെ….

ലോകത്തെക്കുറിച്ച് അന്നൊക്കെ പലതും എത്രയോ നിഷ്‌കളങ്കതയോടെ ഞാന്‍ വിചാരിച്ചു പോയിരുന്നു. എന്റെ അടുപ്പക്കാരോടൊക്കെ ഞാന്‍ മാഷെക്കുറിച്ചു പറഞ്ഞിരുന്നു. കോട്ടയത്തെ എന്റെ ലോഡ്ജില്‍ വന്നതും ഒരു രാത്രി അവിടെ താമസിച്ചതും. അതൊക്കെ എനിക്ക് വലിയ അംഗീകാരമായി ഞാന്‍ മനസില്‍ കൊണ്ടു നടന്നു. പകലും രാത്രിയും സംസാരിച്ചിരിക്കും. രണ്ടു മുതിര്‍ന്ന കുട്ടികള്‍ സംസാരിക്കും പോലെ. മനസില്‍ വരുന്നത് അങ്ങിനെ തന്നെ പറഞ്ഞു കൊണ്ട്. പറച്ചിലല്ല, അത് ഗംഭീരമായ കേള്‍വിയായിരുന്നു. ഒരു പാലത്തിലൂടെ രണ്ടു പേര്‍ പരസ്പരം കേട്ടുകൊണ്ട് നടക്കുന്നതു പോലെ. ‘ഓഹോ’ ‘എന്നിട്ടോ’ പരസ്പരം തൃപ്തിയോടെയാണ്, സന്തോഷത്തോടെയാണ് ഞങ്ങള്‍ പിരിഞ്ഞത്. സ്‌നേഹ തീവ്രതയോടെ രണ്ട് മനുഷ്യ ബിന്ദുക്കള്‍.

എനിക്കു ഒരു കുഞ്ഞുണ്ണി മാഷെയുള്ളൂ. മാഷിന് എന്നെപ്പോലെ വേറെത്രെയോ കുട്ടികള്‍ ഉണ്ടായിരിക്കും, അല്ലേ?. അല്ലേ മാഷേ… സ്‌നേഹത്തിന് നന്ദി എന്ന് പറയാന്‍ കഴിയില്ല. കാരണം, ആ കഥ തുടരുകയാണ്.

വര: നിഷാന്ത്



ഫാസിസത്തെ വകവെച്ചുകൊടുക്കാന്‍ ജനാധിപത്യവാദികള്‍ക്ക് ബാധ്യതയില്ല: എസ്.എഫ്.ഐ

തിരുവനന്തപുരം: മനുഷ്യവിരുദ്ധ പ്രത്യയ ശാസ്ത്രത്തെയും സംഘപരിവാര ധിക്കാരത്തെയും ചെറുക്കാന്‍ ഒരു നിമിഷം വൈകികൂടായെന്നും ഫാസിസത്തെ വകവെച്ചുകൊടുക്കാന്‍ ജനാധിപത്യവാദികള്‍ക്ക് ബാധ്യതയില്ല എന്നും എസ്.എഫ്.ഐ സംസ്ഥാന പ്രസിഡന്റ് ഷിജുഖാന്‍ പത്താംകല്ല്. കിസ് ഒഫ് ലവ് പ്രതിഷേധ സമരത്തെക്കുറിച്ച് ഡൂള്‍ന്യൂസിനോട് പ്രതികരിക്കുകയായിരുന്നു അദ്ദേഹം. 'പ്രതിഷേധത്തിന്റെ രൂപം, സ്വഭാവം ഇവയേപറ്റി ചര്‍ച്ച നടക്കട്ടെ. എന്നാല്‍ അടിസ്ഥാന പ്രശ്‌നം അതല്ല. നമ്മുടെ ജീവനേയും ജീവിതത്തേയും വേട്ടയാടുന്ന ഫാസിസ്റ്റ് പ്രവണതയെ പ്രതിരോധിക്കാന്‍ കഴിയുന്നുണ്ടോ എന്നതാണു പ്രശ്‌നം.' ഷിജു പറഞ്ഞു. ആത്യന്തികമായി ഫാസിസ്റ്റ് വിരുദ്ധ കൂട്ടായ്മ ശക്തിപ്പെടുകയാണ് വേണ്ടത്. യുവമോര്‍ച്ച, ശ്രീരാമസേന ഉള്‍പ്പടെയുള്ള സംഘപരിവാര സംഘടനകള്‍ സദാചാര ഗുണ്ടായിസം നടപ്പാക്കുകയാണ്. മോറല്‍ പോലീസിങ് മനുഷ്യത്വവിരുദ്ധമാണ്. ഫാസിസത്തിന്റെയും താലിബാനിസത്തിന്റെയും പ്രവണതകളെ വച്ചു പൊറുപ്പിക്കരുത് എന്നും അദ്ദേഹം വ്യക്തമാക്കി. മനുഷ്യവിരുദ്ധ പ്രത്യയ ശാസ്ത്രത്തെയും സംഘപരിവാര ധിക്കാരത്തെയും ചെറുക്കാന്‍ ഇനിയും വൈകരുത്. വ്യത്യസ്ത അഭിപ്രായമുള്ളവരെ വേട്ടയാടുന്ന രീതി ഫാസിസത്തിന്റെ ജന്മവാസനയാണ്. അതു വകവെച്ചു കൊടുക്കാന്‍ ജനാധിപത്യവാദികള്‍ക്ക് ബാധ്യതയില്ല; അദ്ദേഹം കൂട്ടിച്ചേര്‍ത്തു. ചുംബന സമരവുമായി ബന്ധപ്പെട്ട വിഷയത്തില്‍ എംപിയും ഡി.വൈ.എഫ്.വൈ അഖിലേന്ത്യാ പ്രസിഡന്റുമായ എം.ബി രാജേഷ് അനുകൂലമായ പ്രസ്ഥാവന ഇറക്കിയിരുന്നു. ഇതിനു പിന്നാലെയാണ് സമരത്തെ കുറിച്ച് എസ്.എഫ്.ഐ സംസ്ഥാന പ്രസിഡന്റ് ഷിജുഖാന്‍ പത്താംകല്ലിന്റെ ഈ പ്രതികരണം.

ഇനി ഇവ കേരളത്തിലെ ബാറുകള്‍: ജില്ല തിരിച്ചുള്ള പട്ടിക

കൊച്ചി: മദ്യനയത്തില്‍ ഹൈക്കോടതി വിധി വന്നതോടെ  സംസ്ഥാനത്തെ ടു സ്റ്റാര്‍, ത്രീ സ്റ്റാര്‍ ബാറുകള്‍ വെള്ളിയാഴ്ച മുതല്‍ പ്രവര്‍ത്തിക്കില്ല. ഇതു സംബന്ധിച്ച് ഉദ്യോഗസ്ഥര്‍ക്ക് എക്‌സൈസ് മന്ത്രി കെ. ബാബു നിര്‍ദേശം നല്‍കി. ഫൈവ് സ്റ്റാര്‍, ഫോര്‍ സ്റ്റാര്‍ ബാറുകള്‍ ഒഴികെയുള്ള ബാറുകള്‍ അടച്ചു പൂട്ടണമെന്ന കോടതി വിധി വന്നതോടെ കേരളത്തില്‍ 63 ബാറുകള്‍ മാത്രമായിരിക്കും പ്രവര്‍ത്തിക്കുക.  എറണാകുളത്ത് 16 ബാറുകളും തിരുവനന്തപുരം 14 എണ്ണവും പ്രവര്‍ത്തിക്കുമ്പോള്‍ വയനാട് സമ്പൂര്‍ണ ബാര്‍ രഹിത ജില്ലയാകും. സംസ്ഥാനത്തെ ബാറുകളുടെ പട്ടിക തിരുവനന്തപുരം ഫൈവ്സ്റ്റാര്‍ താജ് റസിഡന്‍സി തൈക്കാട് ഹില്‍ട്ടണ്‍ ഇന്‍ പുന്നന്‍ റോഡ് താജ് ഗ്രീന്‍ കോവ് റിസോര്‍ട്ട് കോവളം കോവളം റിസോര്‍ട്ട് ഉദയ സമുദ്ര ലെയ്ഷര്‍ ബീച്ച് ഫോര്‍ സ്റ്റാര്‍ ഹോട്ടല്‍ ലൂസിയ ഫോര്‍ട്ട് ഹോട്ടല്‍ മൗര്യ രാജധാനി ഹോട്ടല്‍ ക്ലാസിക് അവന്യൂ ഹോട്ടല്‍ റസിഡന്‍സി ടവര്‍ ഹോട്ടല്‍ സൗത്ത് പാര്‍ക്ക് എസ്പി ഗ്രാന്റ് ഡെയ്‌സ് ദി ഗേറ്റ്‌വേ ഹോട്ടല്‍ വൈറ്റ് ഡാമര്‍ ഹെറിറ്റേജ് ഹോട്ടലുകള്‍ ഹില്‍വേ ഹെറിറ്റേജ്, കിളിമാനൂര്‍, തിരുവനന്തപുരം കൊല്ലം ഫൈവ് സ്റ്റാര്‍ ക്വയിലോണ്‍ ബീച്ച് ഹോട്ടല്‍ ദി റാവിസ് ഹോട്ടല്‍ ഫോര്‍ സ്റ്റാര്‍ ഹോട്ടല്‍ റീജന്റ് ലേക് പാലസ് നീണ്ടകര ഹോട്ടല്‍ ഡോണ കാസില്‍ ഹോട്ടല്‍ ഇന്ദ്രപ്രസ്ഥ പട്ടാഴി പത്തനംതിട്ട ഫോര്‍ സ്റ്റാര്‍ ഹോട്ടല്‍ പെനിന്‍സുല പാര്‍ക്ക് അടൂര്‍ ആലപ്പുഴ ഫോര്‍ സ്റ്റാര്‍ റോയല്‍ ഗാര്‍ഡന്‍സ് നങ്ങ്യാര്‍കുളങ്ങര എംപയര്‍ റസിഡന്‍സി ചെങ്ങന്നൂര്‍ ഹെറിറ്റേജ് ചേര്‍ത്തല ഹൗസ് ചേര്‍ത്തല കോട്ടയം ഫൈവ്സ്റ്റാര്‍ സൂരി ഹോസ്പിറ്റാലിറ്റി കുമരകം കുമകരകം ലേക് റിസോര്‍ട് ഫോര്‍ സ്റ്റാര്‍ ഹോട്ടല്‍ ഫെയര്‍മൗണ്ട് എസ്.എച്ച് മൗണ്ട് വിവാന്ത ബൈ താജ് കുമരകം ഹെറിറ്റേജ് കോക്കനട് ലഗൂണ്‍, കുമരകം, കോട്ടയം ഇടുക്കി ഫൈവ് സ്റ്റാര്‍ ഹോട്ടല്‍ ക്ലബ് മഹീന്ദ്ര, മൂന്നാര്‍ ഫോര്‍സ്റ്റാര്‍ സ്‌പൈസ് വില്ലേജ്, തേക്കടി എറണാകുളം ലേ മെറിഡിയന്‍ ഡ്രീം ഹോട്ടല്‍ ഹോട്ടല്‍ കാസിനോ വെല്ലിംഗ്ടണ്‍ ഐലന്റ് താജ് റസിഡന്‍സി, മറൈന്‍ഡ്രൈവ് ഹോട്ടല്‍ താജ് മലബാര്‍ വെല്ലിംഗ്ടണ്‍ ഐലന്റ് ഹോട്ടല്‍ ട്രിഡന്റ് വെല്ലിംഗ്ടണ്‍ ഐലന്റ് ഹോളിഡേ ഇന്‍ ബൈപ്പാസ് ചക്കരപറമ്പ് ഹോട്ടല്‍ റമദ ലേക് റിസോര്‍ട് ഫോര്‍സ്റ്റാര്‍ ഹോട്ടല്‍ റിനൈസെന്‍സ്, പാലാരിവട്ടം ഹോട്ടല്‍ കാസിനോ ഇന്റര്‍നാഷണല്‍ പുത്തന്‍ കുരിശ് ഹോട്ടല്‍ അവന്യൂ റീജന്റ് എം.ജി റോഡ് കലൂര്‍ ശ്രീ ഗോകുലം ഹോട്ടല്‍ കലൂര്‍ എയര്‍ലിങ്ക് കാസില്‍ അത്താണി മലയാറ്റൂര്‍ റസിഡന്‍സി മലയാറ്റൂര്‍ മെയ് ഫഌര്‍ (പ്രവര്‍ത്തനമില്ല) ഹെറിറ്റേജ് ഹെറിറ്റേജ് മേഥനം കുമ്പളങ്ങി തൃശൂര്‍ ഫോര്‍സ്റ്റാര്‍ ഹോട്ടല്‍ നിയ റീജന്‍സി എല്‍തുരുത്ത്, ചേറ്റുപുഴ ഹെറിറ്റേജ് മരിയ ഹെറിറ്റേജ് ഹോട്ടല്‍ കൈപ്പമംഗലം കുന്നത്തൂര്‍ മന ആയുര്‍വേദ ഹെറിറ്റേജ് ഹോട്ടല്‍ പാലക്കാട് ഫോര്‍ സ്റ്റാര്‍ ഹോട്ടല്‍ സൂര്യ സ്വാഗത് വാളയാര്‍ മലപ്പുറം ആര്‍പി കടവ് റിസോര്‍ട്ട് അഴിനിലം ഫോര്‍സ്റ്റാര്‍ ഹോട്ടല്‍ റോസ് ഇന്റര്‍നാഷണല്‍, നിലമ്പൂര്‍ സൂര്യ റീജന്‍സി, കാവുങ്കല്‍ ഹെറിറ്റേജ് ചെങ്ങറ ഹെറിറ്റേജ് ഹോട്ടല്‍ അങ്ങാടിപ്പുറം കോഴിക്കോട് ഫൈവ്സ്റ്റാര്‍ ഹോട്ടല്‍ ഗേറ്റ് വേ ഫോര്‍ സ്റ്റാര്‍ ഹോട്ടല്‍ മലബാര്‍ പാലസ് ഹെറിറ്റേജ് ബീച്ച് ഹെറിറ്റേജ് ഇന്‍ കണ്ണൂര്‍ ഫോര്‍ സ്റ്റാര്‍ ഹോട്ടല്‍ ബ്ലൂ നൈല്‍ എസ്.എന്‍ പാര്‍ക്ക് റോഡ് ഹോട്ടല്‍ കെ.കെ റസിഡന്‍സി പയ്യന്നൂര്‍ ഹോട്ടല്‍ എലഗന്‍സ് കറുവാഞ്ചല്‍ ആലക്കോട് ഹോട്ടല്‍ സ്‌കൈ പേള്‍ ചൊവ്വ ഹോട്ടല്‍ എലഗന്‍സ് ചെറുപുഴ കാസര്‍കോട് ഫൈവ് സ്റ്റാര്‍ വിവാന്ത ബൈ താജ്, ബേക്കല്‍

ഹീറോ ഇലക്ട്രിക്കിന്റെ ഇ-സൈക്കിള്‍ വിപണിയില്‍

ന്യൂദല്‍ഹി: ഇന്ത്യയിലെ മുന്‍നിര വൈദ്യുത ഇരുചക്രവാഹന നിര്‍മ്മാതാക്കളായ ഹീറോ ഇലക്ട്രിക്, അതിന്റെ ആദ്യത്തെ ഇ-സൈക്കിള്‍ 'ഏവിയര്‍'  വിപണിയിലിറക്കുന്നു.പ്രധാനമായും യുവ കോര്‍പറേറ്റ് ഉദ്യോഗസ്ഥന്‍മാരെ ലക്ഷ്യമിട്ടാണ് ഇ-സൈക്കിള്‍ ലക്ഷ്യമിടുന്നത്. പുരുഷന്‍മാര്‍ക്കുവേണ്ടി 19,290 രൂപ വില വരുന്ന എ.എം.എക്‌സ് (AMX), സ്ത്രീകള്‍ക്കു വേണ്ടി 18,990 രൂപ വില വരുന്ന എ.എഫ്.എക്‌സ് (AFX) എന്നിങ്ങനെ രണ്ടു വ്യത്യസ്ത രൂപങ്ങളിലാണ് ഇ-സൈക്കിള്‍ പുറത്തിറങ്ങുന്നത്. രണ്ടു മോഡലുകളും ഇന്ത്യയിലെ അഞ്ച് മെട്രോപൊളിറ്റന്‍ സിറ്റികളിലായാണ് വില്‍പനക്കെത്തിച്ചിരിക്കുന്നത്. അലോയ് വീലുകള്‍, ഡിറ്റാച്ചബിള്‍ ബാറ്ററി ബോക്‌സ്, ബാറ്ററി ഒന്നിച്ചുള്ള ടെയില്‍ ലാമ്പ്, എല്‍.ഇ.ഡി ഹെഡ് ലാമ്പ്,  സൗകര്യത്തിനനുസരിച്ചി മാറ്റങ്ങല്‍ വരുത്താവുന്ന സീറ്റ്, ഇല്ക്ട്രിക് ഹോണ്‍, തുടങ്ങി നിരവധി സൗകര്യങ്ങളാണ് രണ്ട് ഏവിയര്‍ ഇ-സൈക്കിളുകളിലും സജ്ജീകരിച്ചിരിക്കുന്നത്. എ.എം.എക്‌സില്‍ 6-സ്പീഡ് ഷിമാനോ ഗിയറും മുന്നില്‍ ഇലക്ട്രോണിക് ഡിസ്‌ക് ബ്രേക്കും ഘടിപ്പിച്ചിട്ടുണ്ട്. അതേ സമയം എ.എഫ്.എക്‌സിനു മുന്നില്‍ ലോഹത്തില്‍ തീര്‍ത്ത ബോക്‌സും ഘടിപ്പിച്ചിട്ടുണ്ട്. രണ്ടു മോഡലുകളിലും 9 മുതല്‍ 10 മണിക്കൂര്‍ വരെ ചാര്‍ജ്ജ് നില്‍ക്കുന്ന ബാറ്ററികളാണ് ഘടിപ്പിച്ചിരിക്കുന്നത്. അധവാ ചാര്‍ജ്ജ് തീരുകയാണെങ്കില്‍ സൈക്കിള്‍ ചവിട്ടി ഓടിക്കാനുള്ള പെഡലുകളും ഇതിനുണ്ട്. 'പരിസ്ഥിതി സൗഹൃദമായ ഈ ജര്‍മ്മന്‍ സാങ്കേതികവിദ്യ ഇന്ത്യയില്‍ അവതരിപ്പിക്കാന്‍ കഴിഞ്ഞതില്‍ ഞങ്ങള്‍ ഏറെ സന്തോഷത്തിലാണ്. ഇന്ത്യന്‍ ഇലക്ട്രോമിക് വാഹന വിപണിയില്‍ രാജ്യത്തെ ഹരിത സൗഹാര്‍ദ്ദവുമായി ഒത്തുപോവുന്ന തരം സവിശേഷമായ ഉല്‍പന്നങ്ങള്‍ ഇനിയും കൊണ്ടുവരും.' ഹീറോ ഇക്കോ ഗ്രൂപ്പ് മാനേജിംഗ് ഡയറക്ടര്‍ നവീണ്‍ മുഞ്ചല്‍ പറഞ്ഞു.

അഞ്ച് ഇന്ത്യന്‍ മത്സ്യത്തൊഴിലാളികള്‍ക്ക് ശ്രീലങ്കയില്‍ വധശിക്ഷ

കൊളംബോ: മയക്കുമരുന്ന് കടത്തിയെന്ന് ആരോപിച്ച് അഞ്ച് ഇന്ത്യന്‍ മത്സ്യത്തൊഴിലാളികള്‍ക്ക് ശ്രീലങ്കയില്‍ വധശിക്ഷ.  2011ല്‍ ശ്രീലങ്കന്‍ നാവികസേനയാണ് തമിഴ്‌നാട്ടില്‍ നിന്നുള്ള മത്സ്യത്തൊഴിലാളികളെ അറസ്റ്റ് ചെയ്തത്. മൂന്ന് ശ്രീലങ്കക്കാര്‍ക്കും അഞ്ച്് ഇന്ത്യക്കാര്‍ക്കുമാണ് കൊംളംബോ ഹൈക്കോടതി വധശിക്ഷ വിധിച്ചത്. വിധിക്കെതിരെ അപ്പീല്‍ നല്‍കാന്‍ നവംബര്‍ 14 വരെ കോടതി സമയം അനുവദിച്ചിട്ടുണ്ട്. ഹൈക്കോടതി ജഡ്ജി പ്രീതി പദ്മന്‍ സുരസേനയാണ് വിധി പ്രസ്താവിച്ചത്. 2011ല്‍ വടക്കന്‍ ജാഫ്‌ന തീരത്തുവെച്ചാണ് മത്സ്യത്തൊഴിലാളികളെ നാവികസേന അറസ്റ്റുചെയ്തത്. ഹെറോയിന്‍ കടത്തിയെന്ന് ആരോപിച്ചായിരുന്നു ബോട്ടില്‍ മത്സ്യബന്ധനം നടത്തുന്നതിനിടെ ഇവരെ കസ്റ്റഡിയിലെടുത്തത്. ഹൈക്കോടതി വിധിക്കെതിരെ കൊളംബോയിലെ ഇന്ത്യന്‍ ഹൈക്കമ്മീഷന്‍ ഉയര്‍ന്ന കോടതിയില്‍ അപ്പീല്‍ നല്‍കുമെന്ന് വിദേശകാര്യ മന്ത്രാലയത്തിന്റെ വക്താവ് സയ്യിദ് അക്ബറുദ്ദീന്‍ അറിയിച്ചു. മത്സ്യത്തൊഴിലാഴികളുടെ മോചനവുമായി ബന്ധപ്പെട്ട് കഴിഞ്ഞ നാല് വര്‍ഷമായി ശ്രീലങ്കയുമായി ചര്‍ച്ചകള്‍ നടത്തുണ്ടെന്നും അദ്ദേഹം കൂട്ടിച്ചേര്‍ത്തു. വിഷയത്തില്‍ ശ്രീലങ്കന്‍ സര്‍ക്കാറുമായി ചര്‍ച്ച നടത്തി മത്സ്യത്തൊഴിലാളികളെ മോചിപ്പിക്കണമെന്ന് ആവശ്യപ്പെട്ട് തമിഴ്‌നാട്ടിലെ പ്രമുഖ രാഷ്ട്രീയ പാര്‍ട്ടികളായ ഡി.എം.കെയും എ.ഐ.എ.ഡി.എം.കെയും കേന്ദ്രസര്‍ക്കാറിനെ സമീപിച്ചിരുന്നു. സംഭവം ഗൗരവമായി പരിഗണിക്കുമെന്നും വിധി റദ്ദാക്കാന്‍ ശ്രീലങ്കന്‍ സര്‍ക്കാരില്‍ സമ്മര്‍ദ്ദം ചെലുത്തണമെന്നും ഇരു പാര്‍ട്ടികളും ആവശ്യപ്പെട്ടു.