അമിതമായ വൃത്തി ബോധം കൂടുതല്‍ ബാക്ടീരിയകളെ കുട്ടികളില്‍ നിന്ന് അകറ്റി നിര്‍ത്തും. ബാക്ടീരിയ വിട്ടുനില്‍ക്കുന്നു എന്നത് ഗുണകരമായി തോന്നാമെങ്കിലും രോഗപ്രതിരോധ ശേഷിയെ ഇത് സാരമായി ബാധിക്കും.

ഇത് ആസ്തമയ്ക്കും മറ്റ് രോഗങ്ങള്‍ക്കും കാരണമാകും. എല്ലാത്തരം ബാക്ടീരിയകളുടേയും സമ്പര്‍ക്കം കുട്ടികളെ ചെറുപ്പത്തില്‍ തന്നെ രോഗപ്രതിരോധ ശേഷിയുള്ളവരാക്കും.

Ads By Google

ബുദ്ധിശക്തിക്കും ഗുണകരം

മണ്ണില്‍ കളിക്കാതിരിക്കാന്‍ കുട്ടികളെ വീഡിയോ ഗെയിം നല്‍കി കുട്ടികളെ യന്ത്രങ്ങളാക്കരുതെന്നാണ് വിദഗ്ധര്‍ പറയുന്നത്. അവരെ പുറത്ത് കളിക്കാന്‍ വിടുക. ചളിയിലും അഴുക്കിലുമാണ് കുട്ടികള്‍ കളിച്ചുവളരേണ്ടത്. ബാക്ടീരിയകളോട് എങ്ങനെ പ്രതികരിക്കണമെന്ന് തലച്ചോറിന് മനസ്സിലാവുക ഇത്തരം കളികളിലൂടെയാണ്.

കൂടാതെ മണ്ണിലുള്ള കളികള്‍ കുട്ടികളെ ശാന്തരും ക്ഷമാശീലമുള്ളവരുമാക്കും. മണ്ണിലുള്ള കളികള്‍ കുട്ടികളില്‍ കൂടുതല്‍ സന്തോഷവും ജീവിതത്തെ പോസറ്റീവായി കാണാനും പ്രേരിപ്പിക്കും.

പ്രകൃതിയുടെ സരംക്ഷണം

പ്രകൃതിയുമായി കുഞ്ഞുങ്ങള്‍ കൂടുതല്‍ അടുക്കുന്നതിനും ഇത്തരം കളികള്‍ സഹായിക്കും. പ്രകൃതി എന്താണെന്നും അതിന്റെ പ്രാധാന്യം എന്താണെന്നുമറിയാനും പുറത്തുള്ള കളികള്‍ സഹായിക്കും.