Administrator
Administrator
വാള്‍സ്ട്രീറ്റ് സമരം മാര്‍ക്‌സിസ്റ്റ് ആശയങ്ങളെ ശരിവെക്കുന്നു: പിണറായി
Administrator
Friday 21st October 2011 7:21pm

pinarayi vajayanതിരുവനന്തപുരം: കോര്‍പ്പറേറ്റുകള്‍ക്കെതിരെ ഇന്ന് ലോകമെമ്പാടും നടക്കുന്ന പ്രക്ഷോഭങ്ങള്‍ മാര്‍ക്‌സിസ്റ്റ് ലെനിനിസ്റ്റ് ആശയങ്ങള്‍ ശരിയാണെന്ന് തെളിയിക്കുന്നതാണെന്ന് സി.പി.ഐ.എം സംസ്ഥാന സെക്രട്ടറി പിണറായി വിജയന്‍. തിരുവനന്തപുരത്ത് വാള്‍സ്ട്രീറ്റ് പ്രക്ഷോഭത്തിന് പിന്തുണ പ്രഖ്യാപിച്ച് നടന്ന ബഹുജന റാലി ഉദ്ഘാടനം ചെയ്യുകയായിരുന്നു അദ്ദേഹം. ലിബിയയില്‍ ഗദ്ദാഫിക്കെതിരെ നടന്ന അക്രമം രാജ്യത്തിന്റെ സ്വാതന്ത്ര്യത്തിന് മേലുള്ള കയ്യേറ്റമാണെന്നും അദ്ദേഹം പറഞ്ഞു.

‘കോര്‍പ്പറേറ്റുകള്‍ക്കെതിരെയുള്ള പ്രക്ഷോഭം ലോകം മുഴുവന്‍ വ്യാപിച്ചുകൊണ്ടിരിക്കയാണ്. കോര്‍പറേറ്റ് വത്കരണം അഴിമതി വര്‍ധിപ്പിക്കുമെന്ന് ലോകം തിരിച്ചറിഞ്ഞിരിക്കയാണ്. നാറ്റോയും അമേരിക്കയും ലോകത്തെ ഏറ്റവും വലിയ ആക്രമണകാരികളായി മാറിയിരിക്കയാണ്. കോര്‍പ്പറേറ്റ് മാഫിയകള്‍ക്കെതിരെ സമരമല്ലാതെ മറ്റ് മാര്‍ഗമില്ല’.

‘ലോകത്ത് കോര്‍പറേറ്റുകള്‍ വളരുന്നത് സാധാരണ ജനങ്ങളുടെ പണം കൊണ്ടാണ്. കോര്‍പറേറ്റ് വത്കരണം സാധാരണ ജനങ്ങളില്‍ അമിത ഭാരം അടിച്ചേല്‍പ്പിക്കുകയാണ് ചെയ്യുന്നത്. വാള്‍സ്ട്രീറ്റ് പ്രക്ഷോഭത്തെ അടിച്ചമര്‍ത്താനാണ് അമേരിക്കന്‍ മാധ്യമങ്ങളും കോര്‍പറേറ്റുകളും ശ്രമിക്കുന്നത്. കോര്‍പറേറ്റ് വിരുദ്ധ നയങ്ങള്‍ തുടര്‍ന്നാല്‍ ഇന്ത്യയും കുഴപ്പത്തിലേക്ക് പോകും’.- പിണറായി പറഞ്ഞു. കോര്‍പറേറ്റുകളെ സഹായിക്കാന്‍ നികുതി ഘടനയില്‍ പോലും അമേരിക്കയില്‍ മാറ്റം വരുത്തുകയാണ്. ഇന്ത്യയില്‍ കോണ്‍ഗ്രസും ബിജെപിയും കോര്‍പറേറ്റുകള്‍ക്കൊപ്പമാണ് നില്‍ക്കുന്നത്.

ലിബിയയില്‍ കേണല്‍ ഗദ്ദാഫിക്കെതിരെ നടന്നത് രാജ്യത്തിന്റെ പരമാധികാരത്തിന് നേരെയുള്ള കയ്യേറ്റമാണ്. ലോകരാജ്യങ്ങളുടെ അധികാരം കവര്‍ന്നെടുക്കുന്നതിന് തെളിവാണ് ഗദ്ദാഫിക്ക് എതിരെയുള്ള കയ്യേറ്റം. ലിബിയന്‍ ഭരണം മാറ്റുകയെന്നത് അമേരിക്കയുടെയും നാറ്റോയുടെയും ലക്ഷ്യമായിരുന്നു. അമേരിക്കന്‍ താല്‍പര്യങ്ങള്‍ വരുമ്പോള്‍ എല്ലാ മര്യാദകളും ലംഘിക്കപ്പെടുകയാണ്.

ലിബിയയില്‍ അഭ്യന്തര പ്രക്ഷോഭം ഉണ്ടായിരുന്നുവെന്നത് ശരിയാണ്. എന്നാല്‍ അമേരിക്കയുടെയും നാറ്റോയുടെയും ഇടപെടല്‍ കാരണമാണ് അത് ശക്തമായത്. ഭരണകൂടത്തെ അട്ടിമറിക്കുകയെന്ന നിലപാടിന്റെ ഭാഗമായിരുന്നു ഇത്.

Advertisement