Categories

സര്‍ക്കാര്‍ ഫണ്ട് വരവില്‍ കവിഞ്ഞ് ചെലവഴിച്ചു: ഷീല ദീക്ഷിതിനെതിരെ ഹരജി

shiela-1

ന്യൂദല്‍ഹി: സര്‍ക്കാര്‍ ഫണ്ട് വരവില്‍ കവിഞ്ഞ് ചെലവഴിച്ചെന്നാരോപിച്ച് ദല്‍ഹി മുഖ്യമന്ത്രി ഷീല ദീക്ഷിതിനെതിരെ കോടതിയില്‍ ഹരജി ഫയല്‍ ചെയ്തു.

ഷീല ദീക്ഷിത് 2008 തെരഞ്ഞെടുപ്പു പ്രചാരണത്തിനായി തന്റെ ഒദ്യോഗികപദവി ദുരുപയോഗം ചെയ്‌തെന്ന് ഡല്‍ഹി ലോകായുക്ത ആരോപണമുന്നയിച്ച് ഒരാഴ്ചയ്ക്ക് ശേഷമാണ് കോടതിയില്‍ പരാതി ഫയല്‍ ചെയ്തത്.

Ads By Google

ആര്‍.ടി.ആ ആക്ടിവിസ്റ്റ് വിവേക് ഗാര്‍ഗാണ് ഷീല ദീക്ഷിതിനും ചില മന്ത്രിമാര്‍ക്കും ദല്‍ഹി സര്‍ക്കാരിന്റെ പരസ്യ മന്ത്രാലയത്തിനും സാമ്പത്തിക വിഭാഗത്തിനുമെതിരെ എഫ്.ഐ.ആര്‍ രജിസ്റ്റര്‍ ചെയ്യണമെന്നാവശ്യപ്പെട്ട് ദല്‍ഹി കോടതിയില്‍ ഹരജി നല്കിയത്.

തെരഞ്ഞെടുപ്പ് പ്രചാരണത്തിന്റെ ഭാഗമായി പരസ്യങ്ങള്‍ക്കുവേണ്ടി ചെലവഴിച്ച 11 കോടി രൂപ തിരികെ നല്കാന്‍ ദീക്ഷിതിനോട് ആവശ്യപ്പെടണമെന്ന് രാഷ്ട്രപതി പ്രണബ് മുഖര്‍ജിയോട് ലോകായുക്ത ആവശ്യപ്പെട്ടിരുന്നു.

ബി.ജെ.പി ദല്‍ഹി നേതൃത്വം നല്കിയ പരാതിയിലാണ് ലോകായുക്ത അന്വേഷണം നടത്തിയത്. വഞ്ചനക്കുറ്റവും ക്രിമിനല്‍ ഗൂഡാലോചനക്കുറ്റവും ചുമത്തി ഇവര്‍ക്കെതിരെ കേസെടുക്കണമെന്നും ഹരജിയില്‍ പറയുന്നു.

2008-ലെ നിയമസഭാ തെരഞ്ഞെടുപ്പിനു മുമ്പ് ഷീല ദീക്ഷിത് തന്റെയും പാര്‍ട്ടിയുടെയും താല്പര്യങ്ങള്‍ക്കുവേണ്ടി പൊതുമുതല്‍ ദുരുപയോഗം ചെയ്‌തെന്ന് ഡല്‍ഹി ലോകായുക്ത മന്‍മോഹന്‍ സരിന്‍ കുറ്റപ്പെടുത്തിയിരുന്നു.

Tagged with:


‘കാല്‍പ്പന്തിന്റെ വസന്തത്തെ എഴുത്തില്‍ സന്നിവേശിപ്പിച്ചവര്‍’; ഡൂള്‍ന്യൂസ്-സ്‌പോര്‍ട്‌സ് പാരഡീസോ കോണ്‍ഫെഡറേഷന്‍ കപ്പ് റൈറ്റ് അപ്പ് കോണ്ടസ്റ്റ് വിജയികള്‍ക്ക് പുരസ്‌കാരങ്ങള്‍ സമ്മാനിച്ചു

കോഴിക്കോട്: പ്രമുഖ സ്‌പോര്‍ട്‌സ് ഗ്രൂപ്പായ സ്‌പോര്‍ട്‌സ് പാരഡീസോ ക്ലബ്ബും ഡൂള്‍ന്യൂസും ചേര്‍ന്ന് നടത്തിയ കോണ്‍ഫെഡറേഷന്‍ കപ്പ് റൈറ്റ് അപ്പ് കോണ്ടസ്റ്റ് വിജയികള്‍ക്ക് സമ്മാനങ്ങള്‍ വിതരണം ചെയ്തു.കോണ്‍ഫെഡറേഷന്‍ കപ്പ് വിജയികളായ ജര്‍മനിയുടെ അവസാനിക്കാത്ത വസന്തത്തെ കുറിച്ചെഴുതിയ അജ്മല്‍ എം.കെ മാണിക്കോത്തിന്റെ 'വസന്തം അവസാനിക്കുന്നില്ല; ജര്‍മനിയില്‍ പുതിയ പൂക്കള്‍