Administrator
Administrator
പിള്ളയെ വിളിച്ചത് 12മാസം തടവ് ലഭിക്കാവുന്ന കുറ്റം: പി.സി ജോര്‍ജ്
Administrator
Monday 3rd October 2011 12:24pm

pc-georgeതിരുവനന്തപുരം: തടവില്‍ കഴിയവെ മൊബൈല്‍ ഫോണ്‍ ആര്‍. ബാലകൃഷ്ണ പിള്ളയ്ക്ക് ലഭിക്കാവുന്ന പരമാവധി ശിക്ഷ നാലു ദിവസത്തെ കൂടുതല്‍ തടവ് ആണെന്നു ചീഫ് വിപ്പ് പി.സി.ജോര്‍ജ്. അതേസമയം, പിള്ളയെ അങ്ങോട്ടു വിളിച്ച മാധ്യമപ്രവര്‍ത്തകന്‍ 12 മാസത്തെ തടവു ശിക്ഷയും 10, 000 രൂപയില്‍ കവിയാത്ത പിഴയും ഇതുരണ്ടുമോ ലഭിക്കാവുന്ന കുറ്റമാണു ചെയ്തിരിക്കുന്നതെന്നും പി.സി.ജോര്‍ജ് പറഞ്ഞു. കുറ്റം ചെയ്യുന്നതിനേക്കാള്‍ വലിയ കുറ്റം കുറ്റം ചെയ്യാന്‍ പ്രേരിപ്പിക്കുന്നതാണ്.

കഴിഞ്ഞ സര്‍ക്കാരിന്റെ കാലത്തുണ്ടാക്കിയ ജയില്‍ ആക്ട് പ്രകാരം പിള്ള ചെയ്ത കുറ്റത്തെക്കാള്‍ ഗുരുതരമായ കുറ്റമാണ് മാധ്യമപ്രവര്‍ത്തകന്‍ ചെയ്തത്. പിള്ളയ്ക്ക് ഗണ്‍മാനെ കൊടുത്തത് ഈ സര്‍ക്കാരല്ല, ജയില്‍ ചട്ടലംഘനം ആരംഭിച്ചത് ഇടതു സര്‍ക്കാരാണെന്നും അദ്ദേഹം കുറ്റപ്പെടുത്തി.

പ്രതികളെ പ്രതിപക്ഷം ചൂണ്ടിക്കാണിച്ചു തരേണ്ട. കിളിരൂര്‍ കേസിലെ ശാരിയെ കാണാന്‍ ശ്രീമതി ടീച്ചര്‍ പോയതിന്റെ അനുഭവം ഉണ്ട്. ടീച്ചര്‍ ചെന്നപ്പോള്‍ ശാരി ബോധം കെട്ടു. പിന്നീടു ബോധം തെളിഞ്ഞിട്ടില്ലെന്നും ജോര്‍ജ് കൂട്ടിച്ചേര്‍ത്തു.

Advertisement