Administrator
Administrator
വി.എസ് അപവാദ പ്രചാരണങ്ങളുടെ വക്താവ്: പി.സി.ജോര്‍ജ്
Administrator
Thursday 20th October 2011 1:56pm

pc-georgeതിരുവനന്തപുരം: പ്രതിപക്ഷ നേതാവ് വി.എസ് അച്യുതാനന്ദന്‍ അപവാദ പ്രചാരണങ്ങളുടെ വക്താവാണെന്ന് സര്‍ക്കാര്‍ ചീഫ് വിപ്പ് പി.സി.ജോര്‍ജ് ആരോപിച്ചു. തിരുവനന്തപുരത്ത് വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം.

വി.എസ് നന്നാകുമെന്ന് പ്രതീക്ഷയില്ല. വി.എസിന്റെ പാവയാണ് കെ.എ.റൗഊഫ്. ഇരുവരും ചേര്‍ന്ന് കുഞ്ഞാലിക്കുട്ടിക്കെതിരേ കള്ളക്കേസ് ഉണ്ടാക്കുകയാണെന്നും പി.സി.ജോര്‍ജ് ആരോപിച്ചു.

കോഴിക്കോട്ട് ആത്മഹത്യ ചെയ്ത പെണ്‍കുട്ടികള്‍ പീഡനത്തിനിരയായിട്ടില്ല. ഇക്കാര്യം പോസ്റ്റ്‌മോര്‍ട്ടം റിപ്പോര്‍ട്ടില്‍ വ്യക്തമാണ്. 20 വര്‍ഷമായി കുഞ്ഞാലിക്കുട്ടിക്കെതിരെ അപവാദം പ്രചരിപ്പിക്കുന്നു. അച്യുതാനന്ദന്‍ കുടുംബങ്ങള്‍ തകര്‍ക്കുകയാണ്. വി.എസ് ഭരിച്ചപ്പോഴും കേസില്‍ യാതൊരു നടപടിയും ഉണ്ടായിട്ടില്ല. വി.എസിന്റെ പാവയാണു റഊഫ്.

മരിച്ച കുട്ടിയുടെ പിതാവായ നജ്മല്‍ ബാബുവിനെ വി.എസ് അങ്ങോട്ടു വിളിച്ചു കേസില്‍ പരാതി കൊടുക്കാന്‍ ആവശ്യപ്പെടുകയായിരുന്നു. നജ്മല്‍ ബാബുവിനെ കാണാനില്ലെന്നു വി.എസ്.അച്യുതാനന്ദന്‍ പറഞ്ഞതു തെറ്റാണ്. കുഞ്ഞാലിക്കുട്ടി നജ്മലിനെ ഒളിപ്പിച്ചു എന്നായിരുന്നു വി.എസിന്റെ ആരോപണം. എന്നാല്‍ തന്നെയാരും ഒളിപ്പിച്ചിട്ടില്ലെന്നു നജ്മല്‍ കത്തെഴുതിയിട്ടുണ്ടെന്നും പി.സി ജോര്‍ജ് പറഞ്ഞു.

Advertisement