Administrator
Administrator
ധോണി ത്രില്ലടിപ്പിക്കുന്ന കളിക്കാരന്‍: മുഷറഫ്
Administrator
Saturday 4th December 2010 4:51pm

ന്യൂദല്‍ഹി: ഇന്ത്യന്‍ ക്യാപ്റ്റന്‍ മഹേന്ദ്രസിംഗ് ധോണിയുടെ ആരാധകര്‍ക്ക് കണക്കില്ല. ഇത്തവണ പാക്കിസ്താന്‍ മുന്‍ പ്രസിഡന്റ് പര്‍വേസ് മുഷറഫാണ് ധോണിയെ പുകഴ്്ത്തിയിരിക്കുന്നത്. ആധുനിക ക്രിക്കറ്റിലെ ഏറ്റവും ത്രില്ലടിപ്പിക്കുന്ന കളിക്കാരനാണ് ധോണിയെന്നാണ് ഈ മുന്‍ സൈന്യാധിപന്റെ അഭിപ്രായം.

ഇന്ത്യന്‍ ക്യാപ്റ്റന്‍ ധോണിയുടെ പ്രകടനം ഏതൊരാളെയും അയാളുടെ ആരാധകനാക്കും. ക്രിക്കറ്റില്‍ സ്ഥിരതയുള്ള കളിക്കാരനാണ് സച്ചിന്‍ എന്നതില്‍ തര്‍ക്കമില്ല. എന്നാല്‍ ഏറ്റവും ത്രസിപ്പിക്കുന്ന താരം ധോണി തന്നെ. മുഷറഫ് പറഞ്ഞു.

നേരത്തേ താന്‍ ധോണിയുടെ ‘മുടിയഴകി’ ലായിരുന്നു ആകൃഷ്ടനായത്. മുടി മുറിച്ചെങ്കിലും ധോണിയുടെ പ്രകടനത്തില്‍ കുറവൊന്നും വന്നിട്ടില്ല. എന്നാല്‍ പാക്കിസ്താന്‍ ക്രിക്കറ്റിന്റെ നിലവാരത്തകര്‍ച്ചയില്‍ ഏറെ ദു:ഖമുണ്ടെന്നും ‘ന്യൂസ്24’ ന് അനുവദിച്ച അഭിമുഖത്തില്‍ മുഷറഫ് വ്യക്തമാക്കി.

Advertisement