Categories

പാര്‍ലമെന്റിനാണ് പരമാധികാരം ഹസാരെയ്ക്കല്ല: യു.പി.എ

ന്യൂദല്‍ഹി: ലോക്പാല്‍ വിഷയം തീരുമാനിക്കേണ്ടത് പാര്‍ലമെന്റാണ് അണ്ണാ ഹസാരെയല്ലെന്ന് യു.പി.എ. ഹസാരെയുടെ സത്യാഗ്രഹ വേദിയില്‍ പാര്‍ലമെന്റിന്റെ പരമാധികാരത്തെപറ്റി സംസാരിച്ചത് നന്നായെന്ന് എന്‍.സി.പി നേതാവ് ശരദ് പവാര്‍ പറഞ്ഞു.

‘ ജന്തര്‍മന്ദിറില്‍ എല്ലാ രാഷ്ട്രീയ പാര്‍ട്ടികളും പാര്‍ലമെന്റിന്റെ പ്രാധാന്യത്തിന് ഊന്നല്‍ നല്‍കിയെന്നത് നല്ലതാണ്. പാര്‍ലമെന്റിനെ മറികടക്കാന്‍ നമുക്കാവില്ല.’ പവാര്‍ പറഞ്ഞു.

അണ്ണ ഹസാരെ മുന്നോട്ട് വച്ച ജന്‍ലോക്പാല്‍ ബില്ലിനെക്കുറിച്ച് ചോദിച്ചപ്പോള്‍ എല്ലാവര്‍ക്കും അവരവരുടെ അഭിപ്രായങ്ങള്‍ തുറന്നുപറയാനുള്ള അധികാരമുണ്ട്, അത് നല്ലതാണെങ്കില്‍ സ്വാഗതം ചെയ്യുമെന്നായിരുന്നു പവാറിന്റെ മറുപടി. പക്ഷെ എല്ലാ കാര്യങ്ങളും ചര്‍ച്ച ചെയ്ത് തീരുമാനമെടുക്കേണ്ടത് പാര്‍ലമെന്റാണെന്നും അദ്ദേഹം വ്യക്കമാക്കി.

ലോക്പാല്‍ വിഷയത്തില്‍ പ്രതിപക്ഷ പാര്‍ട്ടികളുടേത് ഇരട്ടത്താപ്പാണ്. പാര്‍ലമെന്റ് നടപടികള്‍ ആരംഭിക്കുന്നതിനിടയിലും അവര്‍ സഭയ്ക്ക് പുറത്താണ് പ്രശ്‌നമുണ്ടാക്കുന്നതെന്നും അദ്ദേഹം കുറ്റപ്പെടുത്തി.

‘ജനാധിപത്യത്തില്‍ എല്ലാകാര്യവും ചര്‍ച്ച ചെയ്യാന്‍ ഒരു വേദിയുണ്ട്. ഈ ചര്‍ച്ചകള്‍ക്കുള്ള ഏറ്റവും നല്ല വേദിയാണ് പാര്‍ലമെന്റ്. ‘ വാര്‍ത്താവിതരണമന്ത്രി അംബികാ സോണി പറഞ്ഞു. പാര്‍ലമെന്റിന് പുറത്ത് വിഷയം ഉന്നയിക്കുന്നത് പ്രതിപക്ഷ കക്ഷികളുടെ ഇരട്ടത്താപ്പാണ് വ്യക്തമാക്കുന്നത്. ഇത് അംഗീകരിക്കാന്‍ കഴിയില്ല. ഞങ്ങള്‍ പാര്‍ലമെന്റിന് പുറത്ത് എന്തെങ്കിലും പറയാന്‍ ശ്രമിച്ചാല്‍ അവര്‍ പറയും ഇത് ചട്ടങ്ങള്‍ക്ക് വിരുദ്ധമാണെന്ന്.

പാര്‍ലമെന്റ് പ്രതിനിധികള്‍ ഒരിക്കലും സഭയുടെ വില ഇകഴ്ത്തുന്ന കാര്യങ്ങള്‍ക്ക് കൂട്ടുനില്‍ക്കരുതെന്ന് പാര്‍ലമെന്റിന് പുറത്ത് ലോക്പാല്‍ ചര്‍ച്ച ചെയ്യാമെന്ന ഹസാരെയുടെ ആശയത്തിന് മറുപടിയായി നാഷണല്‍ കോണ്‍ഫറന്‍സ് നേതാവ് ഫാറൂഖ് അബ്ദുള്ള പറഞ്ഞു.

Malayalam news

Kerala news in English

3 Responses to “പാര്‍ലമെന്റിനാണ് പരമാധികാരം ഹസാരെയ്ക്കല്ല: യു.പി.എ”

  1. mohanan

    സ്വാതത്ര്യം ലഭിക്കുന്നതിനു മുന്‍പ് ബ്രിട്ടീഷ്‌ ഗവേര്‍ന്മെന്റിനാണ് പരമാതികാരം എന്ന് ഇന്ത്യന്‍ ജനത വിച്ചരിചിരുന്നങ്ങില്‍ സ്വാതന്ത്ര്യം നമ്മുക്ക് ഇന്നും പാരതന്ത്ര്യം തന്നെയകിലെ നേതാക്കളെ

  2. ശുംഭന്‍

    പരമാധികാരം പാര്‍ലമെന്റില്‍ ആയിപ്പോയത് കൊണ്ടാണല്ലോ ഇന്ന് ഹസാരെക്ക് സമരം ചെയ്യേണ്ടി വരുന്നത്. പവാറിനെന്താ ഒരു സംശയം? ഹസാരെ പാര്‍ലമെന്റിനേക്കാള്‍ ഉയരത്തിലെത്തുമെന്നു ഭയക്കുന്നോ?
    പാര്‍ലമെന്റിന് പുറത്ത് ലോക്പാല്‍ ചര്‍ച്ച ചെയ്‌താല്‍ സഭയുടെ വില ഇകഴ്ത്തുന്ന കാര്യമാകുമെന്ന് ഫാറൂഖ് അബ്ദുള്ള പറയുന്നു. പാര്‍ലമെന്റിന് പുറത്തുള്ളവരെയെല്ലാം അത്രയ്ക്ക് നികൃഷ്ടരായിട്ടാണോ നമ്മുടെ നേതാക്കള്‍ കാണുന്നത്?

  3. KP ANIL

    ഇയാള്‍ക്ക് കിട്ടിയത് പോരാ എന്ന് തോന്നുന്നു . വായില്‍ തോന്നിയത് പറഞ്ഞു നടന്നാല്‍ ഭാരതത്തിലെ എല്ലാ കോണില്‍ നിന്നും ഇവനൊക്കെ ദിവസവും വായിലിടാന്‍ കിട്ടും. ഈ രീതിയില്‍ ഭരണം മുന്നോട്ടു പോയാല്‍ താമസിയാതെ ഇവിടെ ഒരു ജാനകിയ സമരം ഉണ്ടാകും അതിന്റെ അലയോലിയില്‍ ഇവിടെ ഉള്ള മുഴുവന്‍ കപട രാഷ്ട്രിയ സദാചാര ദ്രോഹികളും കത്തി നശിക്കും. മലയാളിയുടെ സ്വപ്നം മാവേലി നാട് ഭാരതിയന്റെ സ്വപ്നം ഒരു രാമരാജ്യം ഉണ്ടാകണം. ഇന്നുള്ള ഒരു രാഷ്ട്രിയ കാരനും (INC BJP CPIM CPI SP BSP DMK AIADMK , TC പിന്നെ ലാലു, പാസ്വാന്‍, ജയലളിത, മായാവതി, കരുണാനിധി, മുലായം, ശരത് പവാര്‍ , ഉണ്ടാകരുത്.

LEAVE YOUR COMMENTS

Press ctrl+g to toggle between English and Malayalam.