Padmapriya, actress, പത്മപ്രിയ

സ്ത്രീകള്‍ ജോലിക്ക് പോയാല്‍ തുല്യത കൈവരുമെന്നും സ്വാതന്ത്ര്യം കിട്ടുമെന്നുമെല്ലാം പുരുക്ഷന്‍മാര്‍ പറഞ്ഞുണ്ടാക്കിയ നുണകളാണെന്ന് പ്രശസ്ത്ര സിനിമ താരം  പത്മപ്രിയ. ഇപ്പോള്‍ സ്ത്രീകള്‍ പകല്‍ സമയം മുഴുവനും ജോലി ചെയ്യുകയും ബാക്കി സമയത്ത് വീട്ടിലെ അടുക്കളയില്‍ ജോലി ചെയ്യുകയാണെന്നും പത്മപ്രിയ വ്യക്തമാക്കി.

Subscribe Us:

കുട്ടികളെ നോക്കണം, മുതിര്‍ന്നവരെ നോക്കണം, പച്ചക്കറി വാങ്ങണം, പാത്രം കഴുകണം, ഇതെല്ലാം കഴിഞ്ഞ് ഭര്‍ത്താക്കന്‍മാരൊപ്പം പാര്‍ട്ടിക്ക് അണിഞ്ഞൊരുങ്ങി ചന്തത്തില്‍ പോകണം. പുറത്ത് പോകുമ്പോള്‍ വലിയ വയറുള്ള തടിച്ച ഭാര്യയെ ഒപ്പം കൂട്ടാന്‍ ഭര്‍ത്താക്കന്‍മാര്‍ക്ക് മടിയാണ്. അതിനാല്‍ അവള്‍ രാത്രിയില്‍ ജിമ്മിന് പോകണം- പത്മപ്രിയ പറയുന്നു. നിന്റെ ആരോഗ്യത്തിന് വേണ്ടിയെന്ന് പറഞ്ഞ് അവിടെയും സ്ത്രീകള്‍ പറ്റിക്കപ്പെടുകയാണെന്നും താരം പറഞ്ഞു. അതിനെല്ലാം പുറമെ കിടപ്പറയിലും സ്ത്രീകള്‍ സജീവമാകേണ്ടതുണ്ട്.

ജോലി ചെയ്യുന്ന മിക്കവാറും സ്ത്രീകളുടെ ജീവിതം ദുരിതമാണെന്നും പത്മപ്രിയ വിലയിരുത്തുന്നു. പുരുഷന്‍ വീട്ടു ജോലി പങ്കുവെയ്ക്കുവാന്‍ തയാറാകുന്നില്ല. ജോലിയുടെ ഭാരമനുസരിച്ച് ഇരുവരുടെയും ശമ്പളം കൃത്യമായി പങ്കുവെയ്ക്കാന്‍ തയ്യാറായാല്‍ പുരുഷന്‍മാരും വീട്ടിലെ ജോലി ചെയ്യുമെന്നും പത്മപ്രിയ അഭിപ്രായപ്പെട്ടു.

ഗോവയില്‍ കടപ്പുറത്തൊരു ഒരു പെണ്‍കുട്ടി തനിയെ കിടന്നുറങ്ങിയാലും ഒരു പ്രശ്‌നവുമില്ല. പക്ഷെ ദല്‍ഹിയില്‍ പകല്‍ പോലും മാനഭംഗം ചെയ്യപ്പെടും. കേരളത്തില്‍ അത്ര പ്രശ്‌നമില്ല. രാജ്യത്ത് എല്ലായിടത്തും പുരുഷന്‍ സ്ത്രീയോട് മോശമായാണ് പെരുമാറുന്നത്. ഇത് മാറുമെന്ന് ഞാന്‍ കരുതുന്നില്ല. സിനിമ എപ്പോഴും നായകന്റെതാണ്. അവിടെ സ്ത്രീകള്‍ രണ്ടാം തരക്കാരാണ്. ഇത് സ്ത്രീകള്‍ വിചാരിച്ചാല്‍ മാറില്ലെന്നും അവര്‍ വ്യക്തമാക്കി. മലയാള മനോരമ വാരന്ത പതിപ്പിനുവേണ്ടി ഉണ്ണി കെ വാരിയര്‍ നടത്തിയ അഭിമുഖത്തിലാണ് അവര്‍ ഇക്കാര്യം വ്യക്തമാക്കിയത്.

Malayalam News

Kerala News in English