Categories

പി.രാജീവിനെ പാര്‍ലമെന്റില്‍ സഹായിക്കുന്നത് ഫോര്‍ഡ് ഫൗണ്ടേഷന്‍

ന്യൂദല്‍ഹി: സി.പി.ഐ.എം സംസ്ഥാന സമിതിയംഗവും എം.പിയുമായ പി. രാജീവിനെ പാര്‍ലമെന്ററി പ്രവര്‍ത്തനത്തിന് സഹായിക്കുന്നത് അമേരിക്കയിലെ ഫോര്‍ഡ് ഫൗണ്ടേഷന്‍. പാര്‍ലമെന്റില്‍ ഉന്നയിക്കേണ്ട ചോദ്യം മുതല്‍ മണ്ഡലത്തിന്റെ സമഗ്ര ചിത്രം വരെ ഇവരാണ് പി. രാജീവിന് തയ്യാറാക്കി നല്‍കുന്നത്. അമേരിക്കയിലെ ഫോര്‍ഡ് ഫൗണ്ടേഷന്റെ സഹായത്തോടെ ദല്‍ഹി കേന്ദ്രമായി പ്രവര്‍ത്തിക്കുന്ന സന്നദ്ധ സംഘടനയായ പി.ആര്‍.എസിന്റെതാണ് ഈ വെളിപ്പെടുത്തല്‍.

വിദേശ സഹായം പറ്റുന്നതില്‍ രാജീവിന് കൂട്ടായി ബംഗാളില്‍ നിന്നുള്ള സി.പി.ഐ.എം എം.പി മോയിനുല്‍ ഹസ്സനുമുണ്ട്. പി.ആര്‍.എസിന്റെ ‘ലെജിസ്ലേറ്റീവ് അസിസ്റ്റന്റ് ടു മെമ്പേഴ്‌സ് ഓഫ് പാര്‍ലമെന്റ് ഫെല്ലോഷിപ്പ്’ നേടിയ ശ്വേത വെങ്കിട്ടറാം ആണ് പാര്‍ലമെന്റിന്റെ വര്‍ഷകാല സമ്മേളനം മുതല്‍ ബജറ്റ് സെഷന്‍ വരെ പി. രാജീവിനെ സഹായിച്ചത്. മോയിനുല്‍ ഹസ്സന് പി.ആര്‍.എസില്‍ നിന്നും സഹായിക്കുന്നത് റെബേക്ക ജോര്‍ജ് എന്ന വനിതയുമാണ്.

2005ല്‍ പി.ആര്‍.എസ് സ്ഥാപിച്ചത് ഫോര്‍ഡ് ഫൗണ്ടേഷന്റെ സാമ്പത്തിക സഹായത്തോടെയാണ്. പി.ആര്‍.എസിന്റെ ഇപ്പോഴത്തെ നടത്തിപ്പില്‍ ഗൂഗിള്‍ ഫൗണ്ടേഷനും സഹയാക്കുന്നുണ്ട്. പി.ആര്‍.എസിന്റെ വെബ്‌സൈറ്റ് ഇക്കാര്യങ്ങള്‍ സാക്ഷ്യപ്പെടുത്തുന്നുണ്ട്.

പി.ആര്‍.എസിന്റെ ‘ലെജിസ്ലേറ്റീവ് അസിസ്റ്റന്റ് ടു മെമ്പേഴ്‌സ് ഓഫ് പാര്‍ലമെന്റ് ഫെല്ലോഷിപ്പ്’ അഥവാ ലാംപ്  ഫെല്ലോഷിപ്പുകള്‍  2010ല്‍ 12 പേര്‍ക്കും 2011ല്‍ 46 പേര്‍ക്കും ലഭിച്ചിട്ടുണ്ട്. എം.പി മാര്‍ക്ക് ഗവേഷണ പിന്തുണ നല്‍കാനാണെന്ന് ഈ ഫെല്ലോഷിപ്പുകള്‍ എന്ന് പി.ആര്‍.എസിന്റെ വെബ് സൈറ്റ് പറയുന്നു. ഇത്തരത്തില്‍ ഫെല്ലോഷിപ്പുകള്‍ നേടിയവരാണ് പി. രാജീവിനെയും മോയിനുല്‍ ഹസ്സനെയും സഹായിക്കുന്ന ശ്വേത വെങ്കിട്ടറാമും റെബേക്ക ജോര്‍ജ്ജും.

എന്നാല്‍, എം.പി എന്ന നിലയില്‍ താന്‍ പ്രവര്‍ത്തിക്കുന്നത് സ്വതന്ത്രമായിട്ടാണെന്ന് പി. രാജീവ് എം.പി പ്രതികരിച്ചു.

അമേരിക്കന്‍ ചാരസംഘടനയായ സി.ഐ.എയുടെ മേല്‍നോട്ടത്തിലാണ് ഫോര്‍ഡ് ഫൗണ്ടേഷന്‍ പ്രവര്‍ത്തിക്കുന്നത് എന്ന ആരോപണം ഇപ്പോഴും നിലനില്‍ക്കുന്നുണ്ട്. സി.പി.ഐ.എം ജനറല്‍ സെക്രട്ടറി പ്രകാശ് കാരാട്ടിന്റെ പുസ്തകത്തില്‍ യു.എസ്.എ ഐഡിയും ഫോര്‍ഡ് ഫൗണ്ടേഷനും സി.ഐ.എയുടെ സാമ്പത്തിക സഹായം പറ്റുന്ന സംഘടനകളാണെന്ന് ആരോപിച്ചിട്ടുണ്ട്.

നേരത്തെ, ഡോ. തോമസ് ഐസക്ക് ഫോര്‍ഡ് ഫൗണ്ടേഷന്റെ പണം ഉപയോഗിക്കുന്നുവെന്ന് ആരോപണം ഉയര്‍ന്നപ്പോള്‍, പാര്‍ട്ടിയെ കരിവാരി തേയ്ക്കാനാണ് ഇത്തരം ആരോപണങ്ങള്‍ എന്ന് പറഞ്ഞ് അദ്ദേഹം അത് നിഷേധിച്ചിരുന്നു. അണ്ണാ ഹസാരെയുടെ സമരത്തെ എതിര്‍ത്ത് സി.പി.ഐ.എം നിലപാടെടുത്തപ്പോള്‍, ഫോര്‍ഡ് ഫൗണ്ടേഷന്റെ സഹായം വാങ്ങുന്ന സംഘടനകള്‍ ഹസാരെയുടെ സമരത്തിനു പിന്നിലുണ്ടെന്നാണ് ചൂണ്ടിക്കാട്ടിയിരുന്നത്.

എന്‍.ജി.ഓകളെ അടുമുടി എതിര്‍ക്കുന്നതാണ് സി.പി.ഐ.എം നയം. സി.പി.ഐ.എം അതിന്റെ 20-ാം പാര്‍ട്ടി കോണ്‍ഗ്രസിലേക്ക് അടുത്തു കൊണ്ടിരിക്കുന്ന ഈ സമയത്ത്, മുതലാളിത്ത ചട്ടക്കൂടിന്റെ മറയില്‍ ആഗോളീകരണ വിരുദ്ധ ജനകീയ സമരങ്ങളെ എന്‍.ജി.ഒകള്‍ അട്ടിമറിക്കുന്നുവെന്ന 2005ലെ പാര്‍ട്ടി സമീപനരേഖ ഓര്‍ക്കേണ്ടതുണ്ട്.

Malayalam news

Kerala news in English

16 Responses to “പി.രാജീവിനെ പാര്‍ലമെന്റില്‍ സഹായിക്കുന്നത് ഫോര്‍ഡ് ഫൗണ്ടേഷന്‍”

  1. suresh

    ഈ വാര്‍ത്ത‍ പി രാജീവ്‌ ശക്തമായി നിഷേധിച്ചിരിക്കുന്നു…
    ——
    എന്‍.ജി.ഓകളെ അടുമുടി എതിര്‍ക്കുന്നതാണ് സി.പി.ഐ.എം നയം. സി.പി.ഐ.എം അതിന്റെ 20-ാം പാര്‍ട്ടി കോണ്‍ഗ്രസിലേക്ക് അടുത്തു കൊണ്ടിരിക്കുന്ന ഈ സമയത്ത്, മുതലാളിത്ത ചട്ടക്കൂടിന്റെ മറയില്‍ ആഗോളീകരണ വിരുദ്ധ ജനകീയ സമരങ്ങളെ എന്‍.ജി.ഒകള്‍ അട്ടിമറിക്കുന്നുവെന്ന 2005ലെ പാര്‍ട്ടി സമീപനരേഖ ഓര്‍ക്കേണ്ടതുണ്ട്.
    ——————-
    മേല്പ്പരഞ്ഞത് ഇത് ഡൂല്‍ നുസുകാരുടെ മസാല തിരുകല്‍ … നല്ലത് ! കാള പെറ്റു എന്ന് കേള്‍ക്കുമ്പോള്‍ കയറെടുത് ഓടാതെ ..നന്നായി വാര്‍ത്ത‍ അന്വഷിക്കു വേറിട്ട മാധ്യമ ക്കാരെ … പി രാജീവ്‌ ,സി പി എം എന്നൊക്കെ കേള്‍ക്കുമ്പോള്‍ ഇങ്ങനെ ആക്രാന്തം പിടിക്കാതെ ……

  2. MANJU MANOJ.

    കൊള്ളാല്ലോ രാജീവേ,
    പരസ്യമായി അമേരിക്കയെ കുറ്റം പറയുകയും,
    രഹസ്യമായി അവരുടെ പണവും,ബുദ്ധിയും ഉപയോഗിക്കുക….

    ഇതിലും നല്ലത് താങ്കള്‍ കൊണ്ഗ്രസ്സില്‍ ചേരുന്നതല്ലേ??????

  3. MANJU MANOJ.

    രാജീവിന് കഴ്വില്ലെങ്കില്‍ ഈ പണി വിട്ടു ,
    കുടുംബത് ഇരുന്നു കൂടെ?????

    എന്തിനാണ് മറ്റുള്ളവരുടെ സഹായം വാങ്ങുന്നത്??????

  4. suresh

    കാള പെറ്റു എന്ന് കേള്‍ക്കുമ്പോള്‍ കയറെടുത് ഓടാതെ .. വാര്‍ത്ത‍യെ കുറിച്ച ആദ്യം അന്വഷിക്കു വേറിട്ട മാധ്യമക്കാരെ … പി രാജീവ്‌ ,സി പി എം എന്നൊക്കെ കേള്‍ക്കുമ്പോള്‍ ഇങ്ങനെ ഗ്രഹണി പിടിച്ച പിള്ളാര്‌ ചക്ക കൂട്ടാന്‍ കണ്ടമാതിരി ആക്രാന്തം പിടിക്കാതെ ……!!
    റിച്ചാര്‍ഡ്‌ ഫ്രാങ്കിയെകൊണ്ട് കൊറേക്കാലം ഒന്ട്ക്കിയതാണല്ലോ എല്ലാവരും കൂടി… ,അവസാനം തെളിയിക്കാന്‍ ഡോ; തോമസ്‌ ഐസക് വെല്ലുവിളിച്ചപ്പോള്‍ ഒരു മാധ്യമക്കരാന്റെയോ ,യഥാര്‍ത്ഥ ഇടതന്റെയോ പൊടി പോലും കണ്ടിട്ടില്ല ഇവിടെ ….

  5. ഖാദര്‍ മൊയ്തീന്‍

    വെറുതേ നിന്ന് കൂവാതേ സുരേശേ….. തോമസ് ഐസകിന്റെ ഒരു കോടി രൂപയുടെ മാനഷ്ടക്കേസ്സിനെ കുറിച്ചും കേട്ടിരുന്നു മലയാളികള്‍. നീ പറഞ്ഞ ആരോപണം ഉന്നയിച്ച എം.എന്‍ വിജയനും പാഠം ടീമിനുമെതിരേ ആയിരുന്നല്ലോ കേസ് നല്‍കുമെന്ന് പറഞ്ഞത്. എന്നിട്ട് കേസ്സവിടെ. തോമസ് ഐസകിന്റെ കൂട്ട് പ്രതിയായ പരിഷത്ത് കൊടുത്ത മാനനഷ്ട കേസ് തള്ളിയതോടെ പേടിച്ച് പോയോ…. കള്ളി വെളിച്ചത്ത് വരുമെന്ന പേടയിലായിരിക്കും നമ്മുടെ തോമസ് ഐസക് അല്ലേ…

  6. Urmila

    Ennalum P Rajeev-nte oru karyam , Eyal endinanu Communistkare pareyippikkan undayathano?

    suresh chetttan endina engane bejar avunnathu? News sathyamano allayo ennu ennu rathri news channels kandal ariyam..Eni Doolnews syndicate pathram anu ennu mathram paranjekkaruthu ketto 🙂

  7. suresh

    ജ്ജ് കാദര്‍ മോയ്ദീനെ ….നിക്ക് നുമ്മടെ ‘മഞ്ഞ പയ്ന്കിളി ‘പാഠം സുധീഷിന്റെ വയരെളക്കം പിടിച്ചാ…. നിന്റെ ഈ ആരോപണ വീരന്‍ പരട്ട സുധീഷ്‌ ചത്തോ അതോ ഇപ്പോള്‍ ജീവിച്ചിരിപ്പുണ്ടോ ..?! ആരോപണം ഉന്നയിച്ചു ഉന്നയിച് .. എം എന്‍ വിജയനെ വലിച്ചു കൊണ്ട് പോയി കൊന്നത് മാത്രം മെച്ചം …. !!
    നീ പറഞ്ഞ പരിഷത്തും ഐസക്കും എല്ലാം ഈ നാട്ടില്‍ തന്നയൂന്ദ് ,അവര്‍ ഇപ്പോഴും സജീവ ജനകീയ രാഷ്ട്രീയ സാമൂഹിക പ്രവര്‍ത്തനങ്ങളുമായി കേരള്മുടനീളം സഞ്ചരിച്ചുകൊണ്ടിരിക്കുന്നു……
    തിരു മണ്ടന്‍ ഖാദറെ… വല്ല്ല പാഠം ടീമെല്ലാം കൂവുന്നത് അപ്പടി ബിഴ്ങ്ങി മുക്രിട്ടല്‍ പ്പോര മോനെ … ഇവരെല്ലാം ചാരന്മാരെന്ന് തെളിയിക്കാന്‍ കഴിയണം .. ഇവരുടെ വെല്ലു വിളികള്‍ ഏറ്റെടുത് മറുപിടി പറയാനും ഉറച്ചു നില്‍ക്കാനും മുന്നോട്ട് കൊണ്ടുപോകാനും കഴിയണം … അല്ലെങ്കില്‍ വ്യക്തി വരാഗ്യം തീര്‍ക്കാന്‍ താറടിക്കുന്ന ഈ നാലാംകിട പണി നിര്‍ത്തി വേറെ പണി നോക്ക് ന്റെ കുഞ്ഞാലി കാദര്‍ മോയ്ദീനെ …..

    നിനക്ക് ഇംഗ്ലീഷ് വായിക്കാന്‍ അറിയുമെങ്കില്‍

    Rajeev Ponnadath
    Manorama channel published a bogus story regarding my parliamentary work. They have reported that my parliamentary works are supported by US. Totally basless and an example of stupid journalism.
    MPs are selected by Constitution Club of India for getting assistance. Constitution club is a club of MPs and former MPs which was started in 1947. Speaker is the chairperson and Hannanmulla cpim. Central secretariat member is the treasurer. The assistants are giving the information as directed by the MPs. Everybody can check the official website of Rajyasabha and find out all the questions raised by myself and the debates and can decide whose intrest are trying to protect.

  8. suresh

    മറുപിടി കമന്റുകള്‍ പ്രസിദ്ടികരിക്കാതെ ഡിലീറ്റു ചെയ്യുന്നത് അങ്ങേയറ്റം അപലപനീയം ആണ് . ഓശാന പാടുന്നവരുടെ അഭിപ്രായങ്ങള്‍ മാത്രം കൊടുക്കുക ,എന്നിട്ട് ജനതിപത്യത്തെ കുറിച്ച സഹിഷ്ണുതെയെ കുറിച്ച ഗീര്‍വാണം അടിക്കുക , യഥാര്‍ത്ഥ ഫാസിസ്റ്റുകള്‍ എന്നാണ് നിങ്ങള്ക്ക് ഏറ്റവും യോജിച്ച പേര് ….

  9. suresh

    ഡൂല്‍ ന്യൂസിലെ വാര്‍ത്തകളും , രസകരങ്ങളായ ലഖുലേഖനങ്ങളും, ചിരിപ്പിക്കുകയും ചിന്തിപ്പിക്കുകയും ചെയ്യുന്ന തമാശകളും , പുതിയ ചലച്ചിത്ര വിശേഷങ്ങളും ചിത്രങ്ങളും, എല്ലാം തന്നെ ഇനി മുതല്‍ …………………………………….

  10. vinod

    മോനെ, എവിടുന്നു വേണമെങ്കിലും കോപ്പി അടിച്ചു വാര്‍ത്ത‍ ഉണ്ടാക്കിക്കോ..പക്ഷെ മനോരമ യെ വിടുക…നീ യും കൂടെ നാറും…വാര്‍ത്ത‍ കൊടുക്കുന്നതിനു മുന്‍പ് മിനിമം homework ചെയ്യുക…പണി അറിയാവുന്നവര്‍ പിന്നെ വേറെ പണി ചെയ്യേണ്ടി വരും വായനക്കാരെ രക്ഷിക്കാന്‍…..
    http://www.facebook.com/note.php?note_id=10150697924426159

  11. Sunil

    എംപിമാര്‍ക്ക് വിദേശസഹായം: മനോരമ വാര്‍ത്ത വ്യാജം

    സിപിഐ എം രാജ്യസഭാ അംഗം പി രാജീവിന്റെ പാര്‍ലമെന്ററി പ്രവര്‍ത്തനം ഫോര്‍ഡ് ഫൗണ്ടേഷന്റെ സഹായത്തോടെയാണെന്ന മനോരമ ന്യൂസ് ചാനല്‍ വാര്‍ത്ത വ്യാജമാണെന്ന് എംപിമാരുടെയും മുന്‍ എംപിമാരുടെയും വേദിയായ കോണ്‍സ്റ്റിറ്റ്യൂഷന്‍ ക്ലബ് ഭാരവാഹികള്‍ പറഞ്ഞു. കോണ്‍സ്റ്റിറ്റ്യൂഷന്‍ ക്ലബ് മുന്‍കൈയെടുത്തു നടത്തുന്ന “ലെജിസ്ലേറ്റീവ് അസിസ്റ്റന്‍സ് ഫോര്‍ മെമ്പേഴ്സ് ഓഫ് പാര്‍ലമെന്റ്” (ലാമ്പ്) എന്ന പദ്ധതിയെയാണ് ഫോര്‍ഡ് ഫൗണ്ടേഷന്റെ പരിപാടിയായി മനോരമ വക്രീകരിച്ചത്. കേരളത്തില്‍ നിന്ന് ജോസ് കെ മാണി എംപിയും ലാമ്പ് പദ്ധതിയിലുണ്ട്. ലോക്സഭാ സ്പീക്കര്‍ മീരാകുമാര്‍ അധ്യക്ഷയും ബിജെപി എംപി രാജീവ്പ്രതാപ് റൂഡി ജനറല്‍ സെക്രട്ടറിയുമായ കോണ്‍സ്റ്റിറ്റ്യൂഷന്‍ ക്ലബ്ബില്‍ എല്ലാ എംപിമാരും മുന്‍ എംപിമാരും അംഗങ്ങളാണ്. സിപിഐ എം കേന്ദ്രസെക്രട്ടറിയറ്റ് അംഗവും മുന്‍ എംപിയുമായ ഹന്നന്‍മുള്ളയാണ് ട്രഷറര്‍ . എംപിമാര്‍ക്ക് ആവശ്യമായ സൗകര്യങ്ങളൊരുക്കുകയാണ് 1946ല്‍ രൂപീകരിച്ച ക്ലബ്ബിന്റെ മുഖ്യലക്ഷ്യം.

    2010-11ലാണ് ലാമ്പ് പദ്ധതി പിആര്‍എസ് ലെജിസ്ലേറ്റീവ് റിസര്‍ച്ച് എന്ന സംഘടനയുമായി ചേര്‍ന്ന് പരീക്ഷണാടിസ്ഥാനത്തില്‍ തുടങ്ങിയത്. നിയമനിര്‍മാണസഭകളുടെ പ്രവര്‍ത്തനമറിയാന്‍ താല്‍പ്പര്യമുള്ള വിദ്യാര്‍ഥികളെ തെരഞ്ഞെടുത്ത് എംപിമാരുമായി സഹകരിച്ചുപ്രവര്‍ത്തിക്കാന്‍ അവസരമൊരുക്കുന്ന പരിപാടിയില്‍ ആദ്യവര്‍ഷം കോണ്‍സ്റ്റിറ്റ്യൂഷന്‍ ക്ലബ് തെരഞ്ഞെടുത്തത് സിപിഐ ദേശീയ സെക്രട്ടറി ഡി രാജയടക്കം 12 എംപിമാരെയാണ്. ലാമ്പ് ഫെലോഷിപ് എന്ന പേരില്‍ വിവിധ സര്‍വകലാശാലകളില്‍ നിന്നുള്ള 12 വിദ്യാര്‍ഥികളെ തെരഞ്ഞെടുത്ത് എംപിമാരുമായി സഹകരിച്ചു പ്രവര്‍ത്തിക്കുന്നതിന് കോണ്‍സ്റ്റിറ്റ്യൂഷന്‍ ക്ലബ് അവസരമൊരുക്കി. എംപിമാര്‍ക്ക് ചര്‍ച്ചകള്‍ക്കും മറ്റും ആവശ്യമായ വിവരങ്ങള്‍ ശേഖരിച്ചുനല്‍കുക, നിയമനിര്‍മാണസഭകളുടെ പ്രവര്‍ത്തനങ്ങളുമായി ബന്ധപ്പെട്ട് വിദ്യാര്‍ഥികള്‍ക്കുള്ള സംശയങ്ങള്‍ ദൂരീകരിക്കുക എന്നിവയാണ് 11 മാസം നീളുന്ന ഫെലോഷിപ്പിന്റെ മുഖ്യപ്രവര്‍ത്തനം.

    2011-12ല്‍ 46 എംപിമാരെയാണ് ലാമ്പ് പദ്ധതിയുമായി സഹകരിക്കുന്നതിന് ക്ലബ് തെരഞ്ഞെടുത്തത്. ഇതില്‍ സിപിഐ എമ്മില്‍ നിന്ന് പി രാജീവിനെയും മൊയ്നുള്‍ ഹസനെയും ഉള്‍പ്പെടുത്തി. കോണ്‍ഗ്രസ്, ബിജെപി തുടങ്ങി എല്ലാ പാര്‍ടിയിലുമുള്ള എംപിമാരും പദ്ധതിയിലുണ്ട്. വരുംവര്‍ഷങ്ങളില്‍ പരിപാടി കൂടുതല്‍ എംപിമാരിലേക്ക് വ്യാപിപ്പിക്കാനാണ് ഉദ്ദേശിക്കുന്നതെന്ന് രാജീവ്പ്രതാപ് റൂഡി പറഞ്ഞു. പരിപാടിയിലേക്ക് സ്കോളര്‍മാരെ വിട്ടുനല്‍കുകയെന്നതു മാത്രമാണ് പിആര്‍എസിന്റെ ദൗത്യമെന്നും പൂര്‍ണമായും കോണ്‍സ്റ്റിറ്റ്യൂഷന്‍ ക്ലബാണ് പദ്ധതിക്ക് മുന്‍കൈയെടുക്കുന്നതെന്നും റൂഡി അറിയിച്ചു. ഒരു സാമ്പത്തിക ഇടപാടുമില്ലാത്ത പദ്ധതിയെ മാധ്യമങ്ങള്‍ ഗോസിപ്പിന് വേദിയാക്കുന്നത് നിര്‍ഭാഗ്യകരമാണെന്നും ഭാരവാഹികള്‍ പറഞ്ഞു.

  12. Sunil

    വിദേശസഹായം: വാര്‍ത്ത വസ്തുതാവിരുദ്ധം- പി രാജീവ്

    അമേരിക്കയുടെ സഹായത്തോടെയാണ് താന്‍ പാര്‍ലമെന്ററി പ്രവര്‍ത്തനം നടത്തുന്നതെന്ന തലക്കെട്ടില്‍ മനോരമ ചാനല്‍ പ്രസിദ്ധീകരിച്ച വാര്‍ത്ത വസ്തുതകള്‍ക്കു വിരുദ്ധവും ബോധപൂര്‍വം ആശയക്കുഴപ്പം സൃഷ്ടിക്കുന്നതുമാണെന്ന് പി രാജീവ് എംപി പ്രസ്താവനയില്‍ പറഞ്ഞു. വസ്തുത എന്താണെന്ന് അന്വേഷിക്കാതെയുള്ള പത്രപ്രവര്‍ത്തനത്തിന്റെ ഉദാഹരണമാണിത്.

    തെരഞ്ഞെടുക്കപ്പെട്ട എംപിമാര്‍ക്ക് വിവരശേഖരണത്തിനായി സഹായികളെ നല്‍കുന്ന പദ്ധതി ആവിഷ്കരിച്ചത് ഡല്‍ഹിയിലെ കോണ്‍സ്റ്റിറ്റ്യൂഷന്‍ ക്ലബ്ബാണ്. 1947ല്‍ ഭരണഘടന അസംബ്ലിയിലെ അംഗങ്ങള്‍ക്കായി തുടങ്ങിയ ക്ലബ്ബില്‍ എംപിമാരും മുന്‍എംപിമാരും അംഗങ്ങളാണ്. ലോക്സഭാ സ്പീക്കറാണ് ക്ലബ്ബിന്റെ അധ്യക്ഷ. പിആര്‍എസ് എന്ന സ്ഥാപനവും ഈ പദ്ധതിയില്‍ സഹായിക്കുന്നുണ്ട്. എന്നാല്‍ , എംപിമാര്‍ക്ക് കോണ്‍സ്റ്റിറ്റ്യൂഷന്‍ ക്ലബ്ബുമായി മാത്രമാണ് ബന്ധമുള്ളത്. ഈ വിവരങ്ങളെല്ലാം ക്ലബ്ബിന്റെ വെബ്സൈറ്റില്‍ ലഭ്യവുമാണ്. 2010-11 പദ്ധതിയില്‍ ഇടതുപക്ഷ എംപിമാരായ ഡി രാജ, മൊയിനുള്‍ ഹസന്‍ ഉള്‍പ്പെടെയുള്ളവര്‍ക്ക് സഹായികളെ നല്‍കിയിരുന്നു. പാര്‍ലമെന്റിലെ അംഗത്വത്തിന് അനുസരിച്ചാണ് ഒരോ സംസ്ഥാനത്തുനിന്നും എംപിമാരെ തെരഞ്ഞെടുക്കുന്നത്. കേരളത്തില്‍നിന്ന് ജോസ് കെ മാണിക്കും സഹായം ലഭിച്ചിട്ടുണ്ട്. പുതിയ ലിസ്റ്റില്‍ പി സി ചാക്കോയും ഉള്‍പ്പെട്ടിട്ടുണ്ട്.

    എംപിമാര്‍ ആവശ്യപ്പെടുന്ന വിവരങ്ങള്‍ ശേഖരിച്ചുനല്‍കുന്ന പ്രവര്‍ത്തനങ്ങളാണ് സഹായികള്‍ ചെയ്യുന്നത്. പാര്‍ലമെന്റില്‍നിന്നും സംസ്ഥാനസര്‍ക്കാരില്‍നിന്നും ഉള്‍പ്പെടെ നല്‍കിയിട്ടുള്ള അസിസ്റ്റന്റുകള്‍ ഇത്തരം വിവരങ്ങള്‍ ശേഖരിക്കുന്നതിന് സഹായിക്കുന്നു. ഈ വിവരങ്ങളെല്ലാം ഉപയോഗിച്ച് പാര്‍ടിനയത്തിന് അനുസരിച്ചാണ് പ്രവര്‍ത്തിക്കുന്നത്. കഴിഞ്ഞ മൂന്നുവര്‍ഷത്തിനിടയില്‍ പാര്‍ലമെന്റില്‍ ഞാന്‍ ചോദിച്ച 111 ചോദ്യങ്ങളും ചര്‍ച്ചകളും മറ്റും രാജ്യസഭ വെബ്സൈറ്റില്‍ ലഭ്യമാണ്. മനോരമ ആരോപിക്കുന്നതുപോലെ സാമ്രാജ്യത്വതാല്‍പ്പര്യമുള്ള എന്താണുള്ളതെന്ന് തെളിയിക്കാന്‍ വെല്ലുവിളിക്കുന്നു. സിപിഐ എം നയങ്ങള്‍ക്കുള്ള ശക്തമായ ഇടപെടലുകളാണ് ഈ ചോദ്യങ്ങളിലൂടെ നടത്തിയിട്ടുള്ളത്.

    പിആര്‍എസ് എല്ലാ എംപിമാര്‍ക്കും വിവരം നല്‍കുന്ന സ്ഥാപനമാണ്. ബില്ലുകള്‍ സംബന്ധിച്ച വിവരങ്ങളും സ്റ്റാന്‍ഡിങ് കമ്മറ്റി ശുപാര്‍ശകളുമാണ് അവര്‍ നല്‍കുന്നത്. ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മാനേജ്മെന്റ് ഉള്‍പ്പെടെയുള്ള സ്ഥാപനങ്ങളുമായി സഹകരിച്ച് പിആര്‍എസ് എംഎല്‍എമാര്‍ക്കും സഹായം നല്‍കുന്നുണ്ട്. കേരളത്തില്‍നിന്നുള്ള എംഎല്‍എമാര്‍ ഉള്‍പ്പെടെയുള്ളവര്‍ക്ക് ഹൈദരാബാദില്‍ നല്‍കുന്ന പരിശീലനം സംഘടിപ്പിക്കുന്നതും പിആര്‍എസാണ്. ഇതൊന്നും അന്വേഷിക്കുകപോലും ചെയ്യാതെ വാര്‍ത്തയും അതുസംബന്ധിച്ച ചര്‍ച്ചയും നടത്തുന്നത് വ്യക്തിഹത്യയും ഹീനമായ പത്രപ്രവര്‍ത്തനവുമാണെന്ന് രാജീവ് വാര്‍ത്താക്കുറിപ്പില്‍ പറഞ്ഞു.

  13. ഖാദര്‍ മൊയ്തീന്‍

    സുരേഷേ…. ഉത്തരം ചോദിക്കുന്നവന്റെ മതം നോക്കി കുഞ്ഞാലിക്കുട്ടിയുടെ ആളാക്കുന്ന നിനക്ക് എന്ത് ബോധം. ഞങ്ങള്‍ മലബാറുകാര്‍ക്ക് സഖാവ് കുഞ്ഞാലിയെന്ന ഒരു പോരാളിയെ കുറിച്ച് ഓര്‍ക്കാനുണ്ട്. അതവിടെ നില്‍ക്കട്ടെ.. തോമസ് ഐസക് പറഞ്ഞ ഒരു കോടിയുടെ കേസ്സവിടെ….. പരിഷത്തിന്റെ കേസ് കോടതി തള്ളിയതോടെ അത് ഉപേക്ഷിച്ചോ… മറുപടി പറയണം…..

  14. suresh

    ഖാദര്‍ മൊയ്തീനെ ….കള്ളപ്പേരില്‍ ജനകീയ പ്രസ്ഥാനങ്ങളെയും വ്യക്തികളെയും താറടിക്കുന്ന കമന്റുകള്‍ എഴുതിവിടുന്ന നിന്നെയൊക്കെ അങ്ങ് കേറി ബഹുമാനിക്കാന്‍ ഞാന്‍ ‘ഡൂല്‍ നുസിനല്ല ‘ പഠിക്കുന്നത് !.
    ഐസക്കും , പരിഷത്തും അമേരിക്കന്‍ ചാരന്‍ മാരെന്ന് മുറവിളി കൂട്ടി നടന്ന ,സുധീഷും കൂട്ടരും എവിടെ ? വലതുപക്ഷത്തിന്റെ ഫണ്ട് വാങ്ങി കേരളത്തിലെ പുരോഗമന പ്രസ്ഥാനങ്ങളെ തകര്‍ക്കാന്‍ കച്ച കെട്ടിയിറങ്ങിയ അഞ്ചാം പത്തികള്‍ എവിടെ ? ഇതിനുള്ള ഉത്തരം നീ ആദ്യം കൊടുക്ക്‌ ….. എം എന്‍ വിജയനെ വലിച്ചു കൊണ്ട് പോയി കൊന്നതോഴിച് “ചാരരോപണം ”കൊണ്ട് എന്ത് നടന്നു ? , വലതുപക്ഷത്തെ അധികാരത്തില്‍ കൊണ്ടുവരാന്‍ ,കുത്തക മാധ്യമങ്ങളെയും മറ്റും കൂടു പിടിച് ഇടതു വേഷം കെട്ടി നടത്തിയ കള്ള കഥ മെനയാല്‍ ജനങ്ങള്‍ തിരിച്ചറിഞ്ഞു കഴിഞ്ഞു ,
    അതോടെ പാഠം ടീമും സുധീഷും എല്ലാം മുങ്ങി ,പരിഷത്തും ഐസക്കും പുതിയ കേരളത്തിനായി രാ പകലില്ലാതെ സജീവമായി മുന്നോട്ടു പോകുന്നു !

  15. comrade

    എം എന്‍ വിജയനെ വലിച്ചു കൊണ്ട് പോയി കൊന്നതോഴിച് “ചാരരോപണം ”കൊണ്ട് എന്ത് നടന്നു ?
    @suresh : kashttam..vimarshikkumbol oru communist kaaran kaanikkenda maanyatha enkilum vaakkukalil kaanikkoo..ningale polullavaraanu ee paartye nashippikkunnath..ee vaartha enthumaayikkotte..itharam oru comment idunnathu vazhi ningalude raashtreeyamillaayma vyakthamaayirikkunnu..

  16. Suman Kochi

    ഇതിപ്പോ ഒരു രാജീവ് മാത്രമല്ല, ഇന്ത്യയിലെ ഒട്ടു മിക്ക എം.പിമാരും സംസ്ഥാന അസ്സംബ്ലികളിലെ എല്ലാ എം.എല്‍.എ മാരും ഇന്ത്യയുടെ ചരിത്രാന്വേഷകര്‍ ചരിത്രനിമ്മിതിക്കാര്‍, ഗവേഷണ പ്രഭുക്കള്‍, കോടതികള്‍, യൂണിവേഴ്സിറ്റികള്‍ എന്നിങ്ങനെ ഈ രാജ്യത്തിന്റെ ഭരണ,ബൌദ്ധിക പരിപ്രേക്ഷ്യം ഏതാണ്ട് മൊത്തമായിത്തന്നെ ഇത്തരം സ്വാധീനങ്ങളില്‍ പെട്ട് കിടക്കുകയാണ്. നാടിനെ ഒറ്റുകൊടുക്കുക എന്ന പരിപാടി ഒരു ഉളുപ്പുമില്ലാതെ ചെയ്യുകയും മുന്തിയ രാജ്യസ്നേഹിയായി തുടരാന്‍ കഴിയുകയും ചെയ്യുന്ന മാതിരി രാജ്യത്തിന്റെ സാഹചര്യം മാറിയിരിക്കുന്നു. വിക്കിപ്പീഡിയ എന്ന അതിഗംഭീരം എന്ന് നാം കരുതുന്ന സംരംഭംആര്‍ക്കും എങ്ങിനെയും വളച്ചോടിക്കാവുന്ന ചരിത്ര നിര്‍മ്മിതിക്കാരാണ്.

LEAVE YOUR COMMENTS

Press ctrl+g to toggle between English and Malayalam.