Categories

വര്‍ണ്ണവിസ്മയമായി ഓര്‍ക്കിഡ് സുന്ദരികള്‍

kerala-karshakan

കേരള ഫാം ഇന്‍ഫര്‍മേഷന്‍ ബ്യൂറോ, കേരള കര്‍ഷന്‍ മാസിക എന്നിവയുടെ സഹായത്തോടെ ഡൂള്‍ ന്യൂസ് പ്രസിദ്ധീകരിക്കുന്നു.


കര്‍ഷകര്‍ക്കും അഭ്യസ്തവിദ്യരായ യുവതീ-യുവാക്കള്‍ക്കും വീട്ടമ്മമാര്‍ക്കും ഒരേ പോലെ ഏര്‍പ്പെടാവുന്ന അന്തസ്സുറ്റ ഒരു വ്യവസായ സംരംഭമാണ് മോണോപോഡിയല്‍ ഓര്‍ക്കിഡ് കൃഷി.


 

orchid
black-line                                  കിസ്സാന്‍ / ഡോ. ബീനാ തോമസ്, ഡോ. ലേഖാ റാണി. സി.
black-line
വര്‍ണ്ണവൈവിധ്യവും രൂപഭംഗിയുമാണ് ഓര്‍ക്കിഡ് പൂക്കളുടെ മുഖമുദ്ര.  ഏറെനാള്‍ വാടാതെയിരിക്കുമെന്നതിനാല്‍ പുഷ്പാലങ്കാരത്തിലും അഗ്രഗണ്യര്‍.  പൂക്കള്‍ മുറിച്ചെടുത്ത് ഉപയോഗിക്കുന്നതോടൊപ്പം അലങ്കാര സസ്യമെന്ന നിലയില്‍ പൂന്തോട്ടങ്ങളില്‍ പ്രൗഢമായ സ്ഥാനം കൈവരിച്ചതിനാലാണ് അന്തര്‍ദേശീയ തലത്തില്‍ പുഷ്പവിപണി കീഴടക്കാന്‍ ഇവയ്ക്ക് കഴിഞ്ഞത്.

പരിപാലനത്തിലെ സവിശേഷതകള്‍ കാരണം  വൈദഗ്ദ്ധ്യം നേടിയവര്‍ മാത്രം കുത്തകയായി കരുതിയിരുന്ന ഓര്‍ക്കിഡ് വളര്‍ത്തല്‍ ഇന്ന് കേരളത്തില്‍ കൂടുതല്‍ ജനകീയമായിരിക്കുന്നു. താരതമേ്യന എളുപ്പം വളര്‍ത്താവുന്ന മോണോപോഡിയല്‍ ഒറ്റക്കമ്പന്‍ ഓര്‍ക്കിഡുകള്‍) ഇനങ്ങളുടെ പ്രചാരമാണ് ഇതിനു വഴിയൊരുക്കിയത്.

നമ്മുടെ നാട്ടില്‍ സാധാരണയായി കൃഷി ചെയ്യുന്ന ഡെന്‍ഡ്രോബിയം, സിമ്പീഡിയം, ഓണ്‍സിഡിയം തുടങ്ങിയ ഇനങ്ങള്‍ സിംപോഡിയല്‍ (ശാഖാ ഓര്‍ക്കിഡുകള്‍) വിഭാഗത്തില്‍പ്പെടുന്നു. വളര്‍ച്ചാരീതിയുടെ അടിസ്ഥാനത്തിലാണ് ഇപ്രകാരം തരംതിരിച്ചിരിക്കുന്നത്.

റൈസോം എന്ന ഭൂകാണ്ഡങ്ങളില്‍ നിന്നും പാര്‍ശ്വങ്ങളിലേയ്ക്ക് വളരുന്നവയാണ് സിംപോഡിയല്‍. ഒരു സസ്യം പുഷ്പിണിയാകുന്നതോടൊപ്പം ചുവട്ടിലെ മുകുളത്തില്‍ നിന്ന് മറ്റൊരു ചെറുസസ്യം വളര്‍ന്നു വരും. ഇപ്രകാരം പല വലുപ്പത്തിലുള്ള സസ്യങ്ങളുടെ കൂട്ടമായാണ് സിംപോഡിയലുകള്‍ കാണപ്പെടുക.

orhid മോണോപോഡിയലുകളിലാകട്ടെ അഗ്രമുകുളം വളര്‍ന്നുകൊണ്ടേയിരിക്കും. മുകളിലേയ്ക്ക് വളരുന്നതിനാല്‍ പ്രധാനകാണ്ഡത്തില്‍ ഇലകളും വേരുകളും പ്രതേ്യകരീതിയില്‍ വിന്യസിച്ചിരിക്കും. ഇലകള്‍ തണ്ടുമായി ചേരുന്നഭാഗത്തുനിന്നും മുകുളങ്ങള്‍ വളര്‍ന്ന് പൂങ്കുലകളായി മാറും.

സിംപോഡിയലുകളേക്കാള്‍ മോണോപോഡിയലുകളെയാണ് പരിചരിക്കാന്‍ എളുപ്പം.  നിറങ്ങളുടെ വന്‍നിര തന്നെ മോണോപോഡിയലിലുണ്ട് – വെള്ള, പിങ്ക്, വയലറ്റ്,  മജന്ത, ചുവപ്പ്, നീല, മഞ്ഞ, ഓറഞ്ച്, മെറൂണ്‍ എന്നിങ്ങനെ.

കര്‍ഷകര്‍ക്കും അഭ്യസ്തവിദ്യരായ യുവതീ-യുവാക്കള്‍ക്കും വീട്ടമ്മമാര്‍ക്കും ഒരേ പോലെ ഏര്‍പ്പെടാവുന്ന അന്തസ്സുറ്റ ഒരു വ്യവസായ സംരംഭമാണ് മോണോപോഡിയല്‍ ഓര്‍ക്കിഡ് കൃഷി.

orchid1ഇനങ്ങള്‍
കേരളത്തിലെ കാലാവസ്ഥയില്‍ വാണിജ്യ കൃഷിക്ക് യോജിച്ച ചില മോണോപോഡിയല്‍ ഓര്‍ക്കിഡ് ഇനങ്ങള്‍ പരിചയപ്പെടാം.

അരാന്‍ഡ സലയാ റെഡ് – ഭംഗിയുള്ള ചുവപ്പ് പൂക്കള്‍.
അരാെന്തറ ആനി ബ്ലാക്ക് – മെറൂണ്‍ പൂക്കള്‍. നീണ്ട് വളഞ്ഞു വളരുന്ന  പൂങ്കുലകള്‍ ബൊക്കെ നിര്‍മ്മാണത്തിന് ഉത്തമം.
അരാന്തെറ ജെയിംസ് സ്റ്റോറി- രണ്ടിനങ്ങളുണ്ട് :  ഇളം ചുവപ്പ് പൂക്കളും മഞ്ഞ പൂക്കളുമുണ്ടാകും.
കഗ്വാര ക്രിസ്റ്റീലോ – ചുവന്ന പൂക്കള്‍.  പൂമ്പൊടിയുള്ള ഭാഗം തെളിഞ്ഞ മഞ്ഞനിറം.
മൊക്കാറാ കലിപ്‌സോ – വാടാമല്ലിയുടെ നിറം; ആകര്‍ഷകം.
മൊക്കാറാ ചക്വാന്‍ പിങ്ക് – റോസില്‍ കടുംറോസ് പുള്ളികളുണ്ട്.   താരതമ്യേന വലുപ്പം കൂടുതല്‍.
മൊക്കാറാ ലംസം സണ്‍ലൈറ്റ് – മഞ്ഞപ്പൂക്കളില്‍ മങ്ങിയ കുത്തുകള്‍ കാണാം.
മൊക്കാറാ സിങ്കപ്പൂര്‍ റെഡ് –  മജന്ത കലര്‍ന്ന ചുവന്ന പൂക്കള്‍ ആരെയും ആകര്‍ഷിക്കും.
മൊക്കാറാ തായ്‌ലന്റ് സണ്‍സ്‌പോട്ട് – കടുംമഞ്ഞയില്‍ ചുവന്ന കുത്തുകള്‍ നിറഞ്ഞ പുഷ്പങ്ങള്‍.
മൊക്കാറാ വാള്‍ട്ടര്‍ ഒമെ വൈറ്റ് – വെള്ളയില്‍ വാടാമല്ലി നിറത്തില്‍ കുത്തുകളുള്ള പൂക്കള്‍.
റെനാന്തെറ കോക്‌സിനിയ – ശാഖകളോടുകൂടിയ പൂങ്കുലകളില്‍ നിറയെ ചെറിയ ചുവന്ന പൂക്കള്‍.
വാന്‍ഡ ജോണ്‍ ക്ലബ്ബ് – വയലറ്റ് കലര്‍ന്ന പിങ്ക് പൂക്കളില്‍ ഇളം മജന്ത നിറത്തിലുള്ള മദ്ധ്യഭാഗം തെളിഞ്ഞു കാണാം.
വാന്‍ഡ പോപ്പോ ഡയാന – വളരെ വലിയ വെളുത്ത പൂക്കള്‍.
വാന്‍ഡ റൂബി പ്രിന്‍സ് – വയലറ്റില്‍ കടും പര്‍പ്പിള്‍ മധ്യ ഇതളുള്ള പൂക്കള്‍.
വാന്‍ഡ സ്പാത്തുലേറ്റ – മഞ്ഞപ്പൂക്കള്‍ ആണിവയുടെ പ്രതേ്യകത.
ഫലനോപ്‌സിസ് – ശലഭ ഓര്‍ക്കിഡുകള്‍ എന്നറിയപ്പെടുന്നു.  വെളുപ്പ്, പിങ്ക്, വയലറ്റ്, മഞ്ഞ എന്നീ നിറങ്ങളില്‍ വരയുള്ള ഇനങ്ങളും കാണാറുണ്ട്.

അടുത്ത പേജില്‍ തുടരുന്നു

Page 1 of 212
Tagged with:


മുസ്‌ലിങ്ങള്‍ക്ക ഒത്തു ചേരുന്നതിന് വെള്ളിയും ക്രിസ്ത്യനികള്‍ക്ക് ഞായറുമുള്ളതുപോലെ ഹിന്ദുക്കള്‍ക്കില്ല;’ഹിന്ദു തീവ്രവാദികള്‍ പശുവിനെ വെട്ടി ക്ഷേത്രത്തിലിട്ട് മുസ്‌ലിമിന്റെ തലയില്‍ വച്ച് സമ്മര്‍ദ്ദമുണ്ടാക്കുന്നു; രാഹുല്‍ ഈശ്വര്‍ വീഡിയോ കാണം

 കൊച്ചി: ഹിന്ദുക്കളെയും മുസ്‌ലിങ്ങളെയും പരസ്പ്പരം തെറ്റിക്കാന്‍ ഹിന്ദു തീവ്രവാദികള്‍ ശ്രമിക്കാറുണ്ടെന്നും പശുവിനെ വെട്ടി അമ്പലത്തിലിട്ട് അത് മുസ്ലിങ്ങളുടെ തലയില്‍ വയ്ക്കുന്നുവെന്നും രാഹുല്‍ ഈശ്വര്‍. മുസ്‌ലിം സഹോദരന്മാര്‍ക്ക് ഒത്തു ചേരുന്നതിന് വെള്ളിയാഴ്ച ക്രിസ്ത്യന്‍ സഹോദരന്മാര്‍ക്ക് ഒത്തു ചേരുന്നതിന് ഞായറാഴ്ചയുമുള്ളതുപോലെ ഹിന്ദുക്കള്‍ക്ക് ഒരു ദിവസമില