Categories

ഹോട്ടലിലെ ഭക്ഷ്യവില ഏകീകരിക്കാന്‍ നിയമനിര്‍മാണം പരിഗണനയിലെന്ന് മുഖ്യമന്ത്രി

തിരുവനന്തപുരം: ഹോട്ടലുകളില്‍ ന്യായവിലയും ഗുണനിലവാരവും ഉറപ്പു വരുത്താന്‍ കര്‍ശന നടപടിയെടുക്കുമെന്നു മുഖ്യമന്ത്രി ഉമ്മന്‍ചാണ്ടി. ഭക്ഷ്യവില ഏകീകരിക്കാന്‍ നിയമം കൊണ്ടുവരുമെന്ന് ഉമ്മന്‍ചാണ്ടിയും ഭക്ഷ്യമന്ത്രി അനൂപ് ജേക്കബും പറഞ്ഞു.

ഹോട്ടലുകളിലെ ഭക്ഷണവില അനിയന്ത്രിതമായി വര്‍ധിപ്പിക്കുന്നത് തടയാന്‍ സംവിധാനമുണ്ടാക്കാന്‍ നിയമം കൊണ്ടുവരണമെന്ന ഹൈക്കോടതിയുടെ അഭിപ്രായം നിയമനിര്‍മാണത്തിന് ശക്തിപകരുമെന്ന് മുഖ്യമന്ത്രി പറഞ്ഞു. ഈ നിയമസഭാ കാലയളവില്‍ നിയമം കൊണ്ടുവരാന്‍ കഴിയില്ലെന്ന് ഭക്ഷ്യമന്ത്രി അനൂപ് ജേക്കബ് പറഞ്ഞു. ഇക്കാര്യത്തില്‍ പൊതുചര്‍ച്ച ആവശ്യമായതിനാലാണിത്. എല്ലാ താലൂക്കുകളിലും ന്യായവിലയ്ക്ക് ഭക്ഷണം നല്‍കുന്ന മാവേലി ഹോട്ടലുകള്‍ തുറക്കും. ഇതിനായി മുന്നോട്ടുവരുന്ന സംഘടനകള്‍ക്കും വ്യക്തികള്‍ക്കും ആവശ്യമായ സഹായം നല്‍കുമെന്നും മന്ത്രി വ്യക്തമാക്കി.

ഹോട്ടലുകളില്‍ ഭക്ഷണവില അന്യായമായി വര്‍ധിപ്പിക്കുന്നത് സര്‍ക്കാര്‍ തടയണമെന്ന് കഴിഞ്ഞദിവസം ഹൈക്കോടതി നിര്‍ദേശിച്ചിരുന്നു. ഹോട്ടലുകളിലെ യാതൊരു മാനദണ്ഡവുമില്ലാത്ത ഭക്ഷണവില സാധാരണ ജനത്തെ ബുദ്ധിമുട്ടിക്കുകയാണെന്നും ഹൈക്കോടതി നിരീക്ഷിച്ചിരുന്നു.

ഒരേ നിലവാരത്തിലുളള ഹോട്ടലുകളില്‍ നിന്ന് ഒരേ ഗുണമുളള മസാലദോശക്ക് പല വില നല്‍കേണ്ടിവരുന്ന സാഹചര്യം ഇല്ലാതാക്കാന്‍ സര്‍ക്കാര്‍ ഇടപെടണം.

ഹോട്ടല്‍ ആന്‍ഡ് റസ്‌റ്റോറന്റെ അസോസിയേഷനും, കണ്‍സ്യൂമര്‍ എഡ്യുക്കേഷന്‍ സൊസൈറ്റിയും തമ്മിലുളള കേസ് തീര്‍പ്പാക്കിക്കൊണ്ടായിരുന്നു ജസ്റ്റിസ് എസ് സിരിജഗന്റെ ഉത്തരവ്. ഒരു മാനദണ്ഡവുമില്ലാതെ അനുദിനം കുതിച്ചുകയറുന്ന ഹോട്ടലുകളിലെ ഭക്ഷണവില സാധാരണ ജനങ്ങള്‍ക്ക്, പ്രത്യേകിച്ച് നഗരങ്ങളില്‍ ജീവിക്കുന്നവര്‍ക്ക് ഹോട്ടല്‍ ഭക്ഷണം അപ്രാപ്യമാക്കുകയാണെന്നും കോടതി ചൂണ്ടിക്കാട്ടിയിരുന്നു.

Tagged with: |


മുസ്‌ലിങ്ങള്‍ക്ക ഒത്തു ചേരുന്നതിന് വെള്ളിയും ക്രിസ്ത്യനികള്‍ക്ക് ഞായറുമുള്ളതുപോലെ ഹിന്ദുക്കള്‍ക്കില്ല;’ഹിന്ദു തീവ്രവാദികള്‍ പശുവിനെ വെട്ടി ക്ഷേത്രത്തിലിട്ട് മുസ്‌ലിമിന്റെ തലയില്‍ വച്ച് സമ്മര്‍ദ്ദമുണ്ടാക്കുന്നു; രാഹുല്‍ ഈശ്വര്‍ വീഡിയോ കാണം

 കൊച്ചി: ഹിന്ദുക്കളെയും മുസ്‌ലിങ്ങളെയും പരസ്പ്പരം തെറ്റിക്കാന്‍ ഹിന്ദു തീവ്രവാദികള്‍ ശ്രമിക്കാറുണ്ടെന്നും പശുവിനെ വെട്ടി അമ്പലത്തിലിട്ട് അത് മുസ്ലിങ്ങളുടെ തലയില്‍ വയ്ക്കുന്നുവെന്നും രാഹുല്‍ ഈശ്വര്‍. മുസ്‌ലിം സഹോദരന്മാര്‍ക്ക് ഒത്തു ചേരുന്നതിന് വെള്ളിയാഴ്ച ക്രിസ്ത്യന്‍ സഹോദരന്മാര്‍ക്ക് ഒത്തു ചേരുന്നതിന് ഞായറാഴ്ചയുമുള്ളതുപോലെ ഹിന്ദുക്കള്‍ക്ക് ഒരു ദിവസമില