Categories
boby-chemmannur  

ദില്ലിയില്‍ നഴ്‌സുമാര്‍ സമരത്തില്‍

ദല്‍ഹിയ്ക്ക് സമീപം നോയിഡയിലെ ഫോര്‍ട്ടിസ് ആശുപത്രിയില്‍ നഴ്‌സുമാര്‍ സമരം തുടങ്ങി. ആശുപത്രിയിലെ 85 ശതമാനം നഴ്‌സുമാരും മലയാളികളാണ്. ശബള വര്‍ധന ഉള്‍പ്പെടെയുള്ള ആനുകൂല്യങ്ങള്‍ ആവശ്യപ്പെട്ടാണ് സമരം.

Tagged with: |


ചാനല്‍ ചര്‍ച്ചക്കിടെ കിസ് ഓഫ് ലവ് പ്രവര്‍ത്തകര്‍ക്കു നേരെ യുവമോര്‍ച്ച കയ്യേറ്റശ്രമം

കൊച്ചി: മാതൃഭൂമി ചാനലിലെ ഒരു ചര്‍ച്ചക്കിടെ കിസ് ഓഫ് ലവ് പ്രവര്‍ത്തകര്‍ക്കുനേരെ യുവമോര്‍ച്ച പ്രവര്‍ത്തകര്‍ക്കു നേരെ യുവമോര്‍ച്ച പ്രവര്‍ത്തകര്‍ കയ്യേറ്റശ്രമം നടത്തി. ക്യാമറയ്ക്ക് മുമ്പില്‍ വെച്ച് പരിപാടി ഷൂട്ട് ചെയ്തു കൊണ്ടിരിക്കുന്നതിനിടെ ആണ് സംഭവം. പരിപാടിയില്‍ പങ്കെടുത്ത ഡീന്‍ കുര്യാക്കോസ് ഉള്‍പ്പെടെ ഉള്ള നേതാക്കള്‍ക്ക് മുമ്പില്‍ വെച്ചായിരുന്നു യുവമോര്‍ച്ച 'സദാചാര പോലീസ്' ആകാന്‍ ശ്രമം നടത്തിയത്. ക്യാമറക്ക് മുന്നില്‍ വെച്ച് പരസ്യമായി ചുംബിക്കാന്‍ ധൈര്യമുണ്ടോ എ്ന്ന ചാനല്‍ അവതാരകയുടെ ചോദ്യത്തെത്തുടര്‍ന്ന് ചര്‍ച്ചയില്‍ പങ്കെടുത്ത രാഹുല്‍ ഈശ്വര്‍ ഭാര്യ രശ്മിക്ക്  കവിളത്ത് ചുംബനം നല്‍കിയതിനെ തുടര്‍ന്നാണ് സ്റ്റുഡിയോയിലുള്ളവരെ ഒന്നടങ്കം ഞെട്ടിച്ചു കൊണ്ട് യുവമോര്‍ച്ചയുടെ കയ്യേറ്റ ശ്രമം ഉണ്ടായത്. വെറുതെ വിടില്ല എന്നാക്രോശിച്ചു കൊണ്ടായിരുന്നു അക്രമം.ഡീന്‍ കുര്യാക്കോസ് അടക്കമുള്ളവര്‍ നില്‍ക്കുമ്പോഴായിരുന്നു സദാചാര വാദികളുടെ ഈ അതിക്രമം.

കോടതി വിധിയെ നിയമപരമായി നേരിടും : ഉമ്മന്‍ചാണ്ടി

തിരുവനന്തപുരം: ബാര്‍ കേസില്‍ സിംഗിള്‍ ബഞ്ച് വിധിക്കുണ്ടായ ഹൈക്കോടതിയുടെ സ്‌റ്റേ സര്‍ക്കാര്‍ നിയമപരമായി നേരിടുമെന്ന് മുഖ്യമന്ത്രി ഉമ്മന്‍ചാണ്ടി. സിംഗിള്‍ ബഞ്ച് വിധി സ്‌റ്റേ ചെയ്ത ഹൈക്കോടതി വിധി സര്‍ക്കാരിന് തിരിച്ചടിയായെന്ന വാദങ്ങളോട് പ്രതികരിക്കുകയായിരുന്നു അദ്ദേഹം. കോടതി വിധി സര്‍ക്കാരിന് തിരിച്ചടിയല്ല. അതു പോലെ വിമര്‍ശനത്തില്‍ ഭയമില്ലെന്നും മദ്യനയത്തില്‍ സര്‍ക്കാരിന് ഉറച്ച ബോധ്യമുണ്ടെന്നും ഉമ്മന്‍ചാണ്ടി കൂട്ടിച്ചേര്‍ത്തു. ഇന്നലെയാണ് 250 ബാറുകള്‍ അടച്ചു പൂട്ടാനുള്ള സിംഗിള്‍ ബഞ്ച് വിധി വന്നത്. സര്‍ക്കാരിന്റെ മദ്യനയത്തെ ഭാഗികമായി മാത്രം അംഗീകരിക്കുന്നതായിരുന്നു ഈ വിധി. ഇതേ തുടര്‍ന്ന് ബാറുകള്‍ അടച്ചു പൂട്ടാനുള്ള നടപടികള്‍ സര്‍ക്കാര്‍ ആരംഭിച്ചിരുന്നു. സിംഗിള്‍ ബഞ്ച് വിധിക്കെതിരെ ബാറുടമകള്‍ സമര്‍പ്പിച്ച ഹരജിയിലാണ് ഹൈക്കോടതി വിധി പറഞ്ഞത്. അതേസമയം സിംഗിള്‍ ബഞ്ച് തീരുമാനത്തെതുടര്‍ന്ന് പൂട്ടിയ ബാറുകള്‍ വീണ്ടും തുറന്നുതുടങ്ങി.

സീറ്റ് വിഭജന തര്‍ക്കം: ജാര്‍ഖണ്ഡില്‍ കോണ്‍ഗ്രസ്-ജെ.എം.എം സഖ്യം പിരിഞ്ഞു

റാഞ്ചി: രാഷ്ട്രീയ കൂടുമാറ്റങ്ങളുടെ സ്ഥിരം വേദിയായ ജാര്‍ഖണ്ഡില്‍ വീണ്ടും മുന്നണി തകര്‍ച്ച. സീറ്റ് വിഭന തര്‍ക്കത്തെ തുടര്‍ന്ന് കോണ്‍ഗ്രസ്-ജെ.എം.എം പിരിഞ്ഞു. നവംബറില്‍ വരാനിരിക്കുന്ന നിയമസഭാ തിരഞ്ഞെടുപ്പില്‍ ആകെയുള്ള 81 സീറ്റിലും ഒറ്റക്ക് മത്സരിക്കാനാണ് ഇരു പാര്‍ട്ടികളുടെയും തീരുമാനം. ദല്‍ഹിയില്‍ വച്ച് നിരവധി ഒത്ത് തീര്‍പ്പ് ചര്‍ച്ചകള്‍ നടന്നിരുന്നെങ്കിലും സഖ്യം പിരിയാന്‍ തീരുമാനമാകുകയായിരുന്നു. അവസാന നിമിഷം കോണ്‍ഗ്രസ് തങ്ങളെ ചതിച്ചതാണെന്ന് സഖ്യം പിരിഞ്ഞു കൊണ്ട് ജെ.എം.എം നേതാവും ജാര്‍ഖണ്ഡ് മുഖ്യമന്ത്രിയുമായ ഹേമന്ത് സോറന്‍ പറഞ്ഞു. ചര്‍ച്ചക്കിടെ 45 സീറ്റ് ആവശ്യപെട്ടതിനു പുറമെ മറ്റ് കക്ഷികളായ ജെ.ഡി.യു,ആര്‍.ജെ.ഡി എന്നിവരെ ബാക്കി വരുന്ന 36 സീറ്റുകളില്‍ ഉള്‍പെടുത്താനും കോണ്‍ഗ്രസ് ആവശ്യപെട്ടിരുന്നു.കോണ്‍ഗ്രസിന്റെ ഈ ആവശ്യത്തെ ജെ.എം.എം നിരാകരിച്ചിരുന്നു. കൂടാതെ ജംതാര,ഘട്‌സില,പാകുര്‍ എന്നീ സീറ്റുകള്‍ കോണ്‍ഗ്രസിന് വിട്ടു കൊടുക്കാനും ജെ.എം.എം തയാറായിരുന്നില്ല. മഹാരാഷ്ട്ര, ഹരിയാന തിരഞ്ഞെടുപ്പുകളുടെ പശ്ചാത്തലത്തില്‍ സംസ്ഥാനത്ത് ഒറ്റക്ക് മത്സരിക്കണമെന്ന നിലപാടിലായിരുന്നു ജാര്‍ഖണ്ഡിലെ കോണ്‍ഗ്രസ് നേതാക്കള്‍.ശിവസേന, ഐ.എന്‍.എല്‍.ഡി എന്നീ കക്ഷികളെ പോലെ ജനങ്ങള്‍ പ്രാദേശിക കക്ഷികളെ തള്ളിക്കളയും എന്ന വിലയിരുത്തല്‍ ആണ് ബി.ജെ.പി ക്കെതിരെ ഒറ്റക്ക് മത്സരിക്കാന്‍ കോണ്‍ഗ്രസിനെ പ്രേരിപ്പിച്ചത്. അതേ സമയം ബാബുലാല്‍ മറാണ്ടിയുടെ ജാര്‍ഖണ്ഡ് വികാസ് മോര്‍ച്ച, ജെ.ഡി.യു, ആര്‍.ജെ.ഡി എന്നീ കക്ഷികളെ കൂടെ കൂട്ടാന്‍ കോണ്‍ഗ്രസില്‍ തീരുമാനമായിട്ടുണ്ട്. കഴിഞ്ഞ ലോകസഭാ തിരഞ്ഞെടുപ്പില്‍ കനത്ത പരാജയമാണ് കോണ്‍ഗ്രസ് നേരിട്ടിരുന്നത്. ആകെയുള്ള 14 സീറ്റില്‍ 12 ഉം ബി.ജെ.പി നേടിയിരുന്നു.

ഹൈക്കോടതി വിധി ജനതാല്‍പര്യ വിരുദ്ധം: വി.എം സുധീരന്‍

തിരുവനന്തപുരം: ബാറുകള്‍ പൂട്ടാനുള്ള സിംഗിള്‍ ബഞ്ച് വിധി സ്റ്റേ ചെയ്തുകൊണ്ടുള്ള ഹൈക്കോടതി വിധി ജനതാല്‍പര്യ വിരുദ്ധമാണെന്ന് കെ.പി.സി.സി അധ്യക്ഷന്‍ വി.എം സുധീരന്‍ അഭിപ്രായപ്പെട്ടു. മദ്യനയം നടപ്പിലാക്കേണ്ടത് സര്‍ക്കാരിന്റെ ഉത്തരവാധിത്വമാമെന്നും. അതിനായി സര്‍ക്കാര്‍ആവശ്യമായ നടപടികള്‍ സ്വീകരിക്കണമെന്നും സുധീരന്‍ കൂട്ടിച്ചേര്‍ത്തു. 250 ബാറുകള്‍ പൂട്ടിക്കൊണ്ടുള്ള സിംഗിള്‍ ബഞ്ചിന്റെ വിധിയാണ് ഹൈക്കോടതി ഡിവിഷന്‍ ബഞ്ച് സ്്‌റ്റേ ചെയ്തത്. ഇതുപ്രകാരം 250 ബാറുകള്‍ക്കും ഒരുമാസത്തേക്ക് പ്രവര്‍ത്തിക്കാം. സിംഗിള്‍ ബഞ്ചിന്റെ വിധിയെതുടര്‍ന്നുള്ള നടപടിക്രമങ്ങള്‍ സര്‍ക്കാര്‍ ആരംഭിച്ചിരുന്നു. ഈ അവസരത്തിലാണ് ഹൈക്കോടതിയുടെ വിധി. അതേ സമയം കോടതി വിധി തിരിച്ചടിയാണെന്ന് എക്‌സൈസ് മന്ത്രി കെ.ബാബു പറഞ്ഞു.