Categories

നിര്‍ബന്ധിത മതപരിവര്‍ത്തനം തടയണം: എന്‍ എസ് എസ്

nss-kerala

പെരുന്ന: നിര്‍ബന്ധിത മതപരിവര്‍ത്തനം തടയാന്‍ സംസ്ഥാന സര്‍ക്കാര്‍ നിയമം കൊണ്ട്‌വരണമെന്ന് എന്‍ എസ് എസ് പ്രമേയം. തിരഞ്ഞെടുപ്പുകളിലെ സ്ഥാനാര്‍ത്ഥി നിര്‍ണ്ണയത്തിലും മന്ത്രിമാരെ തീരുമാനിച്ചതിലും കോണ്‍ഗ്രസ് നേതൃത്വം നല്‍കുന്ന യു ഡി എഫ് വിവേചനം കാട്ടിയെന്ന് എന്‍ എസ് എസ് പ്രസിഡന്റ് വി പി നീകലണ്ഠപ്പിള്ള വ്യക്തമാക്കി. മന്നം ജയന്ത ഘോഷയാത്രയോട് അനുബന്ധിച്ച് നടന്ന സമ്മേളനത്തില്‍ നീലകണ്ഠപിള്ളയുടെ സന്ദേശം അസി.ജനറല്‍ സെക്രട്ടറി സുകുമാരന്‍ നായര്‍ വായിക്കുകയായിരുന്നു.

പാര്‍ലമെന്റെ് തിരഞ്ഞെടുപ്പിലും നിയമസഭാ ഉപതെരഞ്ഞെടുപ്പിലും രാജ്യാസഭാംഗങ്ങളെ തീരുമാനിച്ചതിലും യു ഡി എഫില്‍ നിന്നും മാന്യമായ സമീപനമുണ്ടായില്ല. പ്രകടമായ വിവേചനമാണ് കോണ്‍ഗ്രസ് കാട്ടിയത്. വിദ്യാഭ്യാസം, ദേവസ്വം എന്നീ കാര്യങ്ങളിളില്‍ സര്‍ക്കാര്‍ നിലപാടുകള്‍ക്കെതിരായ പോരാട്ടം നായര്‍ സമുദായം തുടരും.
തിരുവിതാംകൂര്‍, കൊച്ചി ദേവസ്വം ബോര്‍ഡുകള്‍ നിലവിലുള്ള നീയമം അനുസരിച്ച് തന്നെ രൂപീകരിക്കുക, നായര്‍ സമുദായത്തിനും സംവരണം ഏര്‍പ്പെടുത്തുക എന്നീ കാര്യങ്ങള്‍ ആവശ്യപ്പെട്ടുള്ള പ്രമേയങ്ങളും യോഗത്തില്‍ പാസാക്കി. സമ്മേളനത്തില്‍ അവതരിപ്പിച്ച മറ്റൊരു പ്രമേയത്തിലാണ് നിര്‍ബന്ധിത മതപരിവര്‍ത്തനം തടയണമെന്ന് സംഘടന ആവശ്യപ്പെട്ടിട്ടുള്ളത്.

LEAVE YOUR COMMENTS

Press ctrl+g to toggle between English and Malayalam.