Categories

വന്‍കിട വ്യവസായ സ്ഥാപനങ്ങളുടെ വിവരങ്ങളും എന്‍.എസ്.എ ചോര്‍ത്തിയതായി സ്‌നോഡന്‍

edward-snowden

മോസ്‌കോ: അമേരിക്കന്‍ രഹസ്യാന്വേഷണ ഏജന്‍സിയായ എന്‍.എസ്.എ വന്‍കിട വ്യവസായ സ്ഥാപനങ്ങളിലെ വിവരങ്ങളും ചോര്‍ത്തിയെന്ന് മുന്‍ എന്‍.എസ്.എ ഉദ്യോഗസ്ഥന്‍ എഡ്വേര്‍ഡ് സ്‌നോഡന്‍.

ഒരു ജര്‍മ്മന്‍ ചാനലിനു നല്‍കിയ അഭിമുഖത്തിലാണ് റഷ്യയില്‍ ഒരു വര്‍ഷത്തേക്ക് താല്‍ക്കാലിക അഭയം നേടിയ സ്‌നോഡന്‍ പുതിയ വെളിപ്പെടുത്തല്‍ നടത്തിയത്.

എന്‍.എസ്.എ ദേശീയ സുരക്ഷയുമായി ബന്ധപ്പെട്ടുള്ള വ്യക്തികളുടെയും സ്ഥാപനങ്ങളുടെയും വിവരങ്ങള്‍ മാത്രമല്ല ചോര്‍ത്തിയതെന്നും വന്‍കിട വ്യവസായ സ്ഥാപനങ്ങളുടെ ഫോണ്‍, ഇമെയില്‍ വിവരങ്ങളും ചോര്‍ത്തിയതായാണ് സ്‌നോഡന്‍ പറഞ്ഞത്.

ജര്‍മ്മന്‍ എഞ്ചിനിയറിങ് സ്ഥാപനമായ സീമെന്‍സും രഹസ്യാനേഷണ ഏജന്‍സി ലക്ഷ്യമിട്ടവയില്‍ ഒന്നായിരുന്നുവെന്ന് സ്‌നോഡന്‍ എ.ആര്‍.ഡി ടിവി ചാനലിനു നല്‍കിയ അഭിമുഖത്തില്‍ വ്യക്തമാക്കി.

വ്യവസായ സ്ഥാപനങ്ങളുടെ വിവരങ്ങള്‍ ചോര്‍ത്തിയത് യു.എസിന്റെ ദേശീയ താല്‍പര്യത്തിനുവേണ്ടിയാകാമെന്നും എന്തിരുന്നാലും എന്‍.എസ്.എ ഇത്തരം സ്ഥാപനങ്ങളുടെ വിവരങ്ങളും ചോര്‍ത്തിയിരുന്നതായും അദ്ദേഹം പറഞ്ഞു.

എന്‍.എസ്.എ യുടെ ഇത്തരം പ്രവൃത്തികളുമായി ബന്ധപ്പെട്ട രേഖകളൊന്നും കൈവശമില്ലെന്നും സ്‌നോഡന്‍ അറിയിച്ചു.

യു.എസ്. രഹസ്യാന്വേഷണ ഏജന്‍സികള്‍ രാഷ്ട്രത്തലവന്മാരുള്‍പ്പെടെയുള്ളവരുടെ ഫോണ്‍, ഇമെയില്‍ വിവരങ്ങള്‍ ചോര്‍ത്തിയെന്ന വിവരം പുറത്തുവിട്ടതിനെ തുടര്‍ന്ന് സ്‌നോഡനു മേല്‍ അമേരിക്ക ചാരവൃത്തി ആരോപിച്ച് അറസ്റ്റു വാറന്റ് പുറപ്പെടുവിച്ചിരുന്നു.

എന്നാല്‍ സഖ്യകക്ഷികളുടേയും സുഹൃദ് രാജ്യങ്ങളിലെ നേതാക്കളുടേയും രഹസ്യങ്ങള്‍ ചോര്‍ത്തരുതെന്ന് അമേരിക്കന്‍ പ്രസിഡണ്ട് ബരാക്ക് ഒബാമ രഹസ്യാന്വേഷണ ഏജന്‍സിയായ എന്‍.എസ്.എയോട് നിര്‍ദേശിച്ചിരുന്നു.

അമേരിക്ക ഇതുവരെ ചോര്‍ത്തിയ രേഖകളുടെ നിയന്ത്രണം സുരക്ഷാ ഏജന്‍സിയായ എന്‍.എസ്.എയില്‍നിന്ന് മാറ്റാനും ഫോണ്‍ ചോര്‍ത്തലില്‍ സൂക്ഷ്മത പാലിക്കണമെന്നും സ്വദേശികളുടേയും വിദേശികളുടേയും സ്വകാര്യത ഒരുപോലെ പാലിക്കണമെന്നും ഒബാമ നിര്‍ദേശിച്ചിരുന്നു.



മുസ്‌ലിങ്ങള്‍ക്ക ഒത്തു ചേരുന്നതിന് വെള്ളിയും ക്രിസ്ത്യനികള്‍ക്ക് ഞായറുമുള്ളതുപോലെ ഹിന്ദുക്കള്‍ക്കില്ല;’ഹിന്ദു തീവ്രവാദികള്‍ പശുവിനെ വെട്ടി ക്ഷേത്രത്തിലിട്ട് മുസ്‌ലിമിന്റെ തലയില്‍ വച്ച് സമ്മര്‍ദ്ദമുണ്ടാക്കുന്നു; രാഹുല്‍ ഈശ്വര്‍ വീഡിയോ കാണം

 കൊച്ചി: ഹിന്ദുക്കളെയും മുസ്‌ലിങ്ങളെയും പരസ്പ്പരം തെറ്റിക്കാന്‍ ഹിന്ദു തീവ്രവാദികള്‍ ശ്രമിക്കാറുണ്ടെന്നും പശുവിനെ വെട്ടി അമ്പലത്തിലിട്ട് അത് മുസ്ലിങ്ങളുടെ തലയില്‍ വയ്ക്കുന്നുവെന്നും രാഹുല്‍ ഈശ്വര്‍. മുസ്‌ലിം സഹോദരന്മാര്‍ക്ക് ഒത്തു ചേരുന്നതിന് വെള്ളിയാഴ്ച ക്രിസ്ത്യന്‍ സഹോദരന്മാര്‍ക്ക് ഒത്തു ചേരുന്നതിന് ഞായറാഴ്ചയുമുള്ളതുപോലെ ഹിന്ദുക്കള്‍ക്ക് ഒരു ദിവസമില