Categories

രാഹുല്‍ ഈശ്വറിന് താന്ത്രിക അവകാശമില്ല: ദേവസ്വം ബോര്‍ഡ്

പത്തനംതിട്ട: രാഹുല്‍ ഈശ്വറിന് ശബരിമല ശ്രീകോവിലിനുള്ളില്‍ കടക്കാനുള്ള അവകാശമില്ലെന്ന് ദേവസ്വം ബോര്‍ഡ് പ്രസിഡന്റ് രാജഗോപാല്‍ വാര്‍ത്താസമ്മേളനത്തില്‍ പറഞ്ഞു. മുന്‍കൂട്ടിയുള്ള അനുവാദമില്ലാതെ തന്നിഷ്ടപ്രകാരമാണ് തന്ത്രി ഇത്തരമൊരു കാര്യത്തിന് മുതിര്‍ന്നത്. ശ്രീകോവിലിനുള്ളില്‍ പുറത്തുനിന്നൊരാള്‍ കടക്കണമെങ്കികല്‍ ദേവസ്വത്തിന്റെ അനുമതി വേണം

ശബരിമലയിലെ ആചാരനാനുഷ്ടാനങ്ങള്‍ പാലിക്കാന്‍ ബാധ്യതയുള്ളവര്‍ ഇത്തരത്തില്‍ പ്രവര്‍ത്തിക്കുന്നത് അംഗീകരിക്കാനാവില്ല. ശ്രീകോവിലിനുള്ളില്‍ ആര് കയറണമെന്ന് തീരുമാനിക്കേണ്ടത് തന്ത്രിയാണെന്നും അവസാനവാക്ക് തന്ത്രിയുടേതാണെന്നുള്ള വാദങ്ങള്‍ പ്രചരിച്ചിരുന്നു. ഇങ്ങനെയുളള പ്രസ്താവനകള്‍ നടത്തി ജനങ്ങളെ തെറ്റിദ്ധരിപ്പിക്കരുത്. പൂജയെക്കുറിച്ചും താന്ത്രിക കാര്യങ്ങളെ കുറിച്ചും തീരുമാനിക്കാന്‍ തന്ത്രിക്ക് അവകാശമുണ്ട്, അത് അംഗീകരിക്കുന്നു. തന്ത്രി പൂജാകാര്യങ്ങള്‍ ചെയ്യുന്നതിന് അദ്ദേഹത്തിന് വേതനം നല്‍കുന്നുണ്ട്. ദേവസ്വത്തിന്റെ അനുമതി വേണ്ടിടത്ത് അത് വാങ്ങിയേ മതിയാവൂ.

ശബരിമല തന്ത്രി ദേവസ്വം ബോര്‍ഡിന്റെ ഡിസിപ്ലിനറി കണ്‍ട്രോളിന് വിധേയനാണ്. ശ്രീകോവിലില്‍ സഹായിയായി ആരെ കൊണ്ടുവരണമെങ്കിലും അതിന് അപേക്ഷ നല്‍കണം. അതില്‍ അന്തിമ തീരുമാനം എടുക്കേണ്ടത് ദേവസ്വം ബോര്‍ഡാണ്. ശ്രീകോവിലില്‍ കയറാന്‍ വന്നവന്‍ തന്ത്രിയോ പൂജാരിയോ അല്ല. ദേവസ്വം ബോര്‍ഡിന്റെ നിയമാവലി അറിഞ്ഞിട്ടും ഇത്തരത്തില്‍ പ്രവര്‍ത്തിച്ചത് ക്രമിനല്‍ കുറ്റമാണെന്നും ദേവസ്വം പ്രസിഡന്റ് രാജഗോപാല്‍ പറഞ്ഞു. ഇന്നലെ രാഹുല്‍ ഈശ്വര്‍ ദേവസ്വം ബോര്‍ഡിന്റെ അനുമതിയില്ലാതെ ശ്രീകോവിലിനുള്ളില്‍ കടക്കാന്‍ ശ്രമിച്ചത് വിവാദമായിരുന്നു.

5 Responses to “രാഹുല്‍ ഈശ്വറിന് താന്ത്രിക അവകാശമില്ല: ദേവസ്വം ബോര്‍ഡ്”

  1. Prathiba the Great

    രാഹുല്‍ എന്നാ ഭീകരന്‍ കടന്നത്‌ എന്തിനാണ്? അവന്‍ ശ്രികോവില്‍ തകര്‍ത്തിട്ടു, മുസ്ലിംകളെ കുട്ടപെടുത്തും, ഒരു വന്‍ വര്ഘീയ കലാപം സൃഷ്ടിക്കും !

  2. SAJITH

    നാളെ ഈയാള്‍ മകളെയും ശ്രീകോവില്‍ കയറ്റുമോ …..ആവോ …

  3. ശുംഭന്‍

    ഏതെങ്കിലും ചാനലില്‍ ശബരിമല തന്ത്രിയായി അഭിനയിക്കാന്‍ പറ്റുമോ എന്ന് നോക്ക് മോനെ. നല്ല മുഖശ്രീ ഉണ്ട്.

  4. nadeesh

    ഹിന്ദുത്വവാദികളുടെ ട്രോജണ്‍ കുതിരയാണ് രാഹുല്‍ ഈശ്വര്‍. പവിത്രമായ ശബരിമലയെ ഹൈജാക്ക് ചെയ്യുകയെന്ന ഹിന്ദുത്വവാദികളായ സംഘപരിവാര്‍ അജണ്ടയുടെ ഭാഗമാണ് ഇപ്പോ‍ഴത്തെ സംഭവങ്ങള്‍. ആര്‍ എസ് എസ്സിന്‍റെ ന്യായങ്ങള്‍ പറയാനെല്ലാതെ ഈ പയ്യന് എന്തറിയാം.
    ശബിരമലയെ വിവാദ കേന്ദ്രമാക്കി മുതലെടുപ്പ് നടത്താനാണ് ഇപ്പോ‍ഴത്തെ ശ്രമം. ഇവനെ തിരിച്ചറിയുക. ശബരിലയിലെ തന്ത്രിയായി , ആര്‍ എസ് എസ് അജണ്ട നടപ്പാക്കാനുള്ള ശ്രമത്തിന്‍റെ തുടക്കമാണിത്. ഒരു കാരണവശാലും ഈ വ്യക്തിയെ മലയാളികള്‍ വിശ്വസിച്ച് കൂട. അയാളുടെ ഇടപെടലുകളെല്ലാം തന്നെ ദുരൂഹമാണ്.

  5. gobind

    ഇവിടെ ആര് എന്ത് ചെയതാലും RSS എന്നാ സംഘടന ആണ് ഇതിനെല്ലാം കാരണം എന്ന് പറയുന്ന കഴുതകള്‍ നാളെ മുല്ലപെരിയാര്‍ പൊട്ടിയാലും പുടിന്‍ റഷ്യ യുടെ ഭരണത്തില്‍ നിന്ന് പോയാലും സര്‍ദാരിക്ക് ഭരണം പോയാലും ചൈന അരുണാചല്‍ പ്രദേശ്‌ പിടിചെടുതലും പറയും അതിനു കാരണം RSS ആണ് എന്ന്. കലികാല വൈഭവം അല്ലാതെ എന്ത് പറയാന്‍, ദൈവമേ ഈ മന്ത ബുദ്ധികള്‍ക്ക് ബോധം കൊടുക്കണേ….

LEAVE YOUR COMMENTS

Press ctrl+g to toggle between English and Malayalam.