Categories

2G സ്‌പെക്ട്രം: ജെ പി സി അന്വേഷണമില്ലെന്ന് യു പി എ

ന്യൂദല്‍ഹി: രണ്ടാംതലമുറ സ്‌പെക്ട്രം വിതരണവുമായി ഉയര്‍ന്ന വിവാദങ്ങളില്‍ സംയുക്ത പാര്‍ലമെന്ററി കമ്മീഷന്‍ അന്വേഷണം ആവശ്യമില്ലെന്ന് യു പി എ ആവര്‍ത്തിച്ചുവ്യക്തമാക്കി. വിഷയവുമായി ബന്ധപ്പെട്ട് ഇന്ന് നടന്ന യു പി എ ഘടകകക്ഷികളുടെ സംയുക്തചര്‍ച്ചയ്ക്കുശേഷമാണ് പ്രണാബ് മുഖര്‍ജി ഇക്കാര്യം വ്യക്തമാക്കിയത്.

യു പി എയിലെ പ്രധാനകക്ഷിയായ തൃണമൂല്‍ കോണ്‍ഗ്രസ് പ്രശ്‌നത്തില്‍ ജെ പി സി രൂപീകരിക്കുന്നതിന് അനുകൂലഅഭിപ്രായപ്രകടനം നടത്തിയിരുന്നു. ഇത് യു പി എ ഘടകകക്ഷികള്‍ക്കിടയില്‍ ഭിന്നതയുണ്ടെന്ന ധാരണപരത്തിയിരുന്നു. എന്നാല്‍ യു പി എയിലെ കക്ഷികള്‍ക്കിടയില്‍ അഭിപ്രായഭിന്നതയില്ലെന്നും ജെ പി സി അന്വേഷണത്തെ യു പി എ ഒറ്റക്കെട്ടായി എതിര്‍ക്കുകയാണെന്നും പ്രണാബ് മുഖര്‍ജി പറഞ്ഞു.

അതിനിടെ സ്‌പെക്ട്രം വിഷയത്തില്‍ ഇന്നും പാര്‍ലമെന്റിന്റെ ഇരുസഭകളും സ്തംഭിച്ചു. ഏഷ്യന്‍ ഗെയിംസില്‍ മെഡല്‍ നേടിയ താരങ്ങളെ അഭിനന്ദിച്ചശേഷം പ്രതിപക്ഷം ജെ പി സി ആവശ്യവുമായി സഭയുടെ നടുക്കളത്തിലേക്ക് ഇറങ്ങുകയായിരുന്നു.

LEAVE YOUR COMMENTS

Press ctrl+g to toggle between English and Malayalam.