Categories

പുതിയ ടെലികോം കരട് അവതരിപ്പിച്ചു: റോമിങ് സൗജന്യമാക്കും

ന്യൂദല്‍ഹി: പുതിയ ടെലികോം കരട് നയം കേന്ദ്ര സര്‍ക്കാര്‍ അവതരിപ്പിച്ചു. രാജ്യത്തിനകത്ത് റോമിങ് സൗജന്യമാക്കല്‍, അതത് കാലത്തെ വിപണിക്കനുസരിച്ച് സ്‌പെക്ട്രം വില നിശ്ചയിക്കല്‍, സ്‌പെക്ട്രം വിതരണത്തിന് നിയമനിര്‍മാണം തുടങ്ങിയവ ഉള്‍ക്കൊള്ളിച്ചതാണ് പുതിയ സ്‌പെക്ട്രം നയം. വാര്‍ത്താ വിതരണ മന്ത്രി കപില്‍ സിബലാണ് കരട് അവതരിപ്പിച്ചത്.

രാജ്യത്തെ ചെലവു കുറഞ്ഞ ബ്രോഡ് ബാന്‍ഡ് കേന്ദ്രമാക്കുക, മൊബൈല്‍ പോര്‍ട്ടബിലിറ്റി സംവിധാന പ്രകാരം മൊബൈല്‍ നമ്പര്‍ മാറാതെ രാജ്യത്തെ ഏതുസ്ഥലത്തേക്കു മാറുന്നതിനു അനുവാദം നല്‍കുക, ഒരു മൊബൈല്‍ കമ്പനിക്ക് ഇന്ത്യയിലെ വിവിധ ഭാഗങ്ങളില്‍ പ്രവര്‍ത്തിക്കാന്‍ ഒരു ലൈസന്‍സ് മതിയെന്ന സ്ഥിതി ഉണ്ടാക്കുക തുടങ്ങിവയാണ് പുതിയ ടെലികോം നയത്തിലെ പ്രധാനപ്പെട്ട മറ്റു വ്യവസ്ഥകള്‍.

2020 ഓടെ എല്ലാ ഗ്രാമങ്ങളിലും ടെലഫോണ്‍ എത്തിക്കും, ഗ്രാമങ്ങളിലെ ടെലിഫോണ്‍ സാന്ദ്രത 2017 ഓടെ 35 ശതമാനത്തില്‍നിന്ന് 60 ശതമാനമാക്കും തുടങ്ങിയ വാഗ്ദാനങ്ങളും കപില്‍ വിശദീകരിച്ചു.

പുതിയ കരട് നയത്തില്‍ അഭിപ്രായം അറിയിക്കാന്‍ ഒരുമാസമാണ് അനുവദിച്ചിട്ടുള്ളത്.

One Response to “പുതിയ ടെലികോം കരട് അവതരിപ്പിച്ചു: റോമിങ് സൗജന്യമാക്കും”

  1. Manojkumar.R

    2G കൊണ്ട് മന്ത്രിമാര്‍ക്കും മറ്റും ഏറെ ഗുണമുണ്ടായി.പാവം പൊതു ജനത്തിന് ഈ കരടു നയം കൊണ്ടെങ്കിലും വല്ലതും കിട്ടുമെന്ന് പ്രതീക്ഷിക്കാം.രാജ്യത്തു റോമിഗ് നിര്തലക്കാനുള്ള തീരുമാനം എന്ത് കൊണ്ടും സ്വഗതര്‍ഹാമാണ്.കരാറില്‍ പറയന്ന മിക്കതും നടപ്പിലവുകയാണെങ്കില്‍ ഉപഭോക്താക്കള്‍ക്ക് ഏറെ ഉപകാരപ്രദമാകും.ഇത് സ്പെക്ട്രം അഴിമതിയില്‍ മുങ്ങിനില്‍ക്കുന്ന സര്‍ക്കാരിന്റെ മുഖം മിനുക്കാനുള്ള ഒരു ശ്രമം മാത്രമാകാതെ നിയമമായി മാറുമെന്നു പ്രതീക്ഷിക്കാമോ? അല്ലങ്കില്‍ ഇതൊരു “കരടു” മാത്രമേ ആകുകയുള്ളൂ.

LEAVE YOUR COMMENTS

Press ctrl+g to toggle between English and Malayalam.