Categories

താങ്കള്‍ മാധ്യമപ്രവര്‍ത്തനം അവസാനിപ്പിക്കുമോ എന്നാണ് രാജ്യത്തിനറിയേണ്ടത്; വ്യാജ അവകാശവാദം നടത്തിയ അര്‍ണബിനോട് രജദീപ് സര്‍ദേശായി

ന്യൂദല്‍ഹി: എന്‍.ഡി.ടിവിയില്‍ ജോലി ചെയ്യവേ 2002 ലെ ഗുജറാത്ത് കലാപം താന്‍ ജീവന്‍ പണയപ്പെടുത്തി റിപ്പോര്‍ട്ട് ചെയ്തതാണെന്ന റിപ്പബ്ലിക് ചാനല്‍ തലവന്‍ അര്‍ണബ് ഗോസ്വാമിയുടെ തള്ളിനെ പൊളിച്ചടുക്കിയതിന് പിന്നാലെ വീണ്ടും വിമര്‍ശനവുമായി മാധ്യമപ്രവര്‍ത്തകനും ഇന്ത്യാ ടുഡെ ടിവി കണ്‍സള്‍ട്ടിങ് എഡിറ്ററുമായ രജദീപ് സര്‍ദേശായി.

താങ്കളുടെ കള്ളം ലോകം മനസിലാക്കിയ സാഹചര്യത്തില്‍ രാജിവെച്ച് പുറത്തുപോകാനും മാധ്യമപ്രവര്‍ത്തനം അവസാനിപ്പിക്കാനും തയ്യാറുണ്ടോയെന്നാണ് രജദീപ് സര്‍ദേശായിയുടെ ചോദ്യം. ട്വിറ്ററിലൂടെയായിരുന്നു സര്‍ദേശായി അര്‍ണബിനെതിരെ രംഗത്തെത്തിയത്.

‘വളരെ ലളിതമായ ഒരു ചോദ്യമാണ് എനിക്ക് താങ്കളോട് ചോദിക്കാനുള്ളത്. താങ്കളുടെ വെളിപ്പെടുത്തല്‍ പച്ചക്കള്ളമായിരുന്നെന്ന് ജനങ്ങള്‍ തിരിച്ചറിഞ്ഞ സാഹചര്യത്തില്‍ രാജിവെച്ച് മാധ്യമപ്രവര്‍ത്തനം അവസാനിപ്പിക്കുമോ എന്ന് ഈ രാജ്യത്തെ ജനങ്ങള്‍ക്ക് അറിയണം’.


Dont Miss അന്ന് മോദിയെ കുറിച്ച് പറഞ്ഞതൊക്കെ താങ്കള്‍ ഓര്‍ക്കുന്നുണ്ടോ? : ഗുജറാത്ത് കലാപത്തെ കുറിച്ചുള്ള അര്‍ണബ് ഗോസ്വാമിയുടെ വെളിപ്പെടുത്തലുകളെ പൊളിച്ചടുക്കി മാധ്യമപ്രവര്‍ത്തകന്‍ രജദീപ് സര്‍ദേശായി


ഗുജറാത്ത് വംശഹത്യ എന്‍.ഡി.ടി.വിക്ക് വേണ്ടി 2002 ല്‍ അര്‍ണബ് ഗോസ്വാമി ജീവന്‍ പണയം വെച്ച് റിപ്പോര്‍ട്ട് ചെയ്തുവെന്ന് അവകാശപ്പെടുന്ന
പഴയ വീഡിയോ ഷെയര്‍ ചെയ്തുകൊണ്ടായിരുന്നു കഴിഞ്ഞ ദിവസം സര്‍ദേശായി അര്‍ണബിനെതിരെ രംഗത്തെത്തിയത്. രജദീപ് സര്‍ദേശായിയും ക്യാമറാമാനും ആക്രമിക്കപ്പെട്ട സംഭവത്തെ സ്വന്തം അനുഭവമാക്കി പറയുകയായിരുന്നു അര്‍ണബ്.
അന്ന് തനിക്കൊപ്പം ഗുജറാത്ത് കലാപം റിപ്പോര്‍ട്ട് ചെയ്യാന്‍ എത്തിയ ക്യമാറാമാന്‍ വൈകാതെ തന്നെ സത്യം ക്യാമറയിലൂടെ പറയുമെന്നും സര്‍ദേശായി പറയുന്നു. ‘ആദ്യം കള്ളം പറയും. പിന്നെ അത് കൊണ്ടുപോകാനായി അതിന് മുകളില്‍ കൂടുതല്‍ കള്ളങ്ങള്‍ പറയും. രൂപന്‍ പെഹ്‌ലയായിരുന്നു അന്ന് ഞങ്ങള്‍ ആക്രമിക്കപ്പെടുമ്പോള്‍ എനിക്കൊപ്പം ഉണ്ടായിരുന്നത്. ക്യാമറയ്ക്ക് മുന്നില്‍ വന്ന് അദ്ദേഹം എല്ലാം പറയും. നിങ്ങള്‍ കണ്ടോളൂ..രജദീപ് സര്‍ദേശായി ട്വിറ്ററില്‍ കുറിച്ചു.

താങ്കള്‍ ഈ ആരോപണം ശരിവെക്കാത്തിടത്തോളവും തുറന്ന ഖേദപ്രകടനത്തിന് തയ്യാറാവാത്തിടത്തോളവും ഇത് അവസാനിപ്പിക്കാന്‍ ഞാന്‍ ഉദ്ദേശിക്കുന്നില്ല- സര്‍ദേശായി പറയുന്നു.


Dont Miss ഗുര്‍മീത് റാം റഹീമിന്റെ ദേരാ ആശ്രമത്തില്‍ നിന്നും കണ്ടെത്തിയത് 600 ഓളം മനുഷ്യാസ്ഥിക്കൂടങ്ങള്‍


ഗുജറാത്ത് കലാപത്തിന്റെ സമയത്ത് മുഖ്യമന്ത്രിയുടെ വീടിന് സമീപം വെച്ച് അര്‍ണബിന്റെ കാര്‍ ചിലര്‍ ആക്രമിച്ചു എന്നാണ് അദ്ദേഹം പറയുന്നത്. എന്നാല്‍ അഹമ്മദാബാദ് കലാപം അദ്ദേഹം റിപ്പോര്‍ട്ട് ചെയ്തിരുന്നുപോലുമില്ല. അത് ഞങ്ങളായിരുന്നു ചെയ്തത്. കളവ് വിളിച്ച് പറയുന്നതിന് ഒരു പരിധിയൊക്കെയുണ്ട്. അര്‍ണബിന്റെ ഈ തുറന്നുപറച്ചില്‍ കേള്‍ക്കുമ്പോള്‍ ഈ പ്രൊഫഷനെ തന്നെ വെറുത്തുപോകുകയാണെന്നും രജദീപ് സര്‍ദേശായി കഴിഞ്ഞ ദിവസം പറഞ്ഞിരുന്നു.

Tagged with:


ഹാദിയയെ മയക്കി കിടത്താന്‍ മരുന്ന് നല്‍കുന്നുവെന്ന് ഡോക്യുമെന്ററി സംവിധായകന്റെ വെളിപ്പെടുത്തല്‍; അച്ഛന്‍ തന്നെ ക്രൂരമായി മര്‍ദ്ദിക്കുന്നുവെന്ന് ഹാദിയ പറയുന്ന വീഡിയോ രാഹുല്‍ ഈശ്വറിന്റെ പക്കലുണ്ട്

കൊല്ലം: മതം മാറിയതിന്റെ പേരില്‍ വീട്ടുതടങ്കലില്‍ കഴിയുന്ന ഹാദിയക്ക് പിതാവില്‍ നിന്നും ക്രൂരമര്‍ദ്ദനമേല്‍ക്കുന്നതായി വെളിപ്പെടുത്തല്‍. ഡോക്യുമെന്ററി സംവിധായകനായ ഗോപാല്‍ മേനോന്റതാണ് വെളിപ്പെടുത്തല്‍. ഹാദിയയെ മരുന്നുകള്‍ കുത്തിവെച്ച് മയക്കി കിടത്തിയിരിക്കുകയാണെന്നും ഗോപാല്‍ മേനോന്‍ പറയുന്നു.നാളെ പുറത്തിറക്കുന്ന അയാം ഹാദിയ എന്ന ഡോക്യുമെന്ററിയുടെ വിശദാംശങ്ങള