ന്യൂയോര്‍ക്ക്: ഇന്ത്യന്‍ വെല്‍സ് ടെന്നിസ് ടൂര്‍ണമെന്റ് ഫൈനലില്‍ സെര്‍ബിയയുടെ നൊവാക് ഡോക്കോവിക്കും സ്‌പെയിനിന്റെ റഫേല്‍ നദാലും തമ്മില്‍ ഏറ്റുമുട്ടും.

അര്‍ജന്റീനയുടെ യുവാന്‍ മാര്‍ട്ടിന്‍ ഡെല്‍ പെട്രേയെ നേരിട്ടുള്ള സെറ്റുകള്‍ക്ക് തകര്‍ത്താണ് നദാല്‍ കലാശപ്പോരാട്ടത്തിനെത്തിയിരിക്കുന്നത്. സ്‌കോര്‍. 6-4,6-4. മുന്‍ലോക ഒന്നാംനമ്പര്‍ താരം റോജര്‍ ഫെഡററെ തോല്‍പ്പിച്ചാണ് ഡോക്കോവിക്ക് ഫൈനലിലെത്തിയത്. സ്‌കോര്‍. 6-3,3-6,6-2.

ഫെഡററെ പരാജയപ്പെടുത്തിയതോടെ ലോകടെന്നിസ്് റാങ്കിംഗില്‍ രണ്ടാംസ്ഥാനത്തെത്താന്‍ നോവാക് ഡോക്കോവിക്കിന് സാധിച്ചു. നിലവിലെ ആസ്‌ട്രേലിയന്‍ ഓപ്പണ്‍ വിജയിയാണ് ഡൊക്കോവിക്ക്.