Categories

യതീംഖാന പ്രിന്‍സിപ്പല്‍ അന്തേവാസികളെ പീഡിപ്പിച്ചതായി പരാതി

പാലക്കാട്: യതീംഖാന പ്രിന്‍സിപ്പല്‍ അന്തേവാസികളായ പെണ്‍കുട്ടികളെ ലൈംഗികമായി  പീഡിപ്പിച്ചതായി പരാതി. പാലക്കാട് മര്‍ക്കസുല്‍ റഹ്മ എന്ന സ്ഥാപനത്തിലാണ് സംഭവം. ഈ സ്ഥാപനത്തിന്റെ പ്രിന്‍സിപ്പലും അധ്യാപകനുമായ ഉസ്മാന്‍ സഖാഫി എന്നയാളാണ് പെണ്‍കുട്ടികളെ ലൈംഗികമായി ചൂഷണം ചെയ്തത്.

വീട്ടില്‍ നിന്ന് ഫോണ്‍ വന്നുവെന്ന് പറഞ്ഞ് പെണ്‍കുട്ടികളെ ഓഫീസിലേക്ക് വിളിച്ചു വരുത്തിയാണ് ഇയാള്‍ കുട്ടികളെ ശാരീരികമായി പീഡിപ്പിച്ചിരുന്നത്. നിരവധി പെണ്‍കുട്ടികള്‍ ഇത്തരത്തില്‍ ഇയാളുടെ പീഡനത്തിന് ഇരയായിട്ടുണ്ട്. ഇയാളുടെ ഭീഷണിക്ക് വഴങ്ങി പെണ്‍കുട്ടികളാരും തന്നെ ഇക്കാര്യം പുറത്ത് പറഞ്ഞിരുന്നില്ല.

യതീംഖാനയില്‍ അന്തേവാസിയായ ഒരു പെണ്‍കുട്ടി തന്റെ സഹപാഠിക്കുണ്ടായ അനുഭവം വീട്ടില്‍ പറഞ്ഞതോടെയാണ് സംഭവം പുറത്തറിയുന്നത്. ഈ വീട്ടുകാര്‍ തങ്ങളുടെ മകള്‍ പറഞ്ഞ പെണ്‍കുട്ടിയുടെ വീട്ടില്‍ വിവരം അറിയിക്കുകയും തുടര്‍ന്ന് പ്രസ്തുത പെണ്‍കുട്ടിയോട് ഇതേക്കുറിച്ച് ചോദിച്ചപ്പോള്‍ എല്ലാം തുറന്ന് പറയുകയുമായിരുന്നു.

യതീംഖാനയുടെ പ്രിന്‍സിപ്പലിനെതിരെ പോലീസില്‍ പരാതി നല്‍കാനൊരുങ്ങിയപ്പോള്‍ കടുത്ത സമ്മര്‍ദ്ദമാണ് ഈ വീട്ടുകാര്‍ നേരിട്ടത്. പ്രതിഷേധത്തെ തുടര്‍ന്ന് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

കാന്തപ്പുരം സുന്നി വിഭാഗത്തിന്റെ മര്‍ക്കസു സ്സഖാഫത്തി സ്സുന്നിയ്യയുടെ നിയന്ത്രണത്തിലുള്ള യതീംഖാനയാണ് പാലക്കാട്ടെ മര്‍ക്കസുല്‍ റഹ്മ. സമസ്ത മുശാവറ നേതാക്കള്‍ പ്രശ്‌നത്തില്‍ ഇടപെട്ട് ഉസ്മാന്‍ സഖാഫിയെ സ്ഥാപനത്തിന്റെ പ്രിന്‍സിപ്പല്‍ സ്ഥാനത്തു നിന്നും നീക്കുകയും സംഭവം അന്വേഷിക്കാന്‍ അന്വേഷണ കമ്മീഷനെ നിയോഗിക്കുകയും ചെയ്തിട്ടുണ്ട്.

42 കുട്ടികളാണ് മര്‍ക്കസുല്‍ റഹ്മ യതീംഖാനയില്‍ അന്തേവാസികളായി പഠിക്കുന്നത്.

5 Responses to “യതീംഖാന പ്രിന്‍സിപ്പല്‍ അന്തേവാസികളെ പീഡിപ്പിച്ചതായി പരാതി”

  1. FEROZ

    വ്യജകേശം വിറ്റു കാശുണ്ടാക്കിയ പുരോഹിതന്മാര്‍ ജീവിതം ആസ്വദിച്ചു തുടങ്ങി . സാംസ്കാരിക കേരളമേ ജാഗ്രതേ…………………………………………………………..

  2. amahjeddha

    പാലക്കാട് ജില്ലാ കാരന്തൂരീ നേതാവിന്റെ പീഡന വാര്‍ത്ത
    യതീം മക്കളുടെ കഞ്ഞിയില്‍ കയ്യിട്ടു വാരിയാണ് ഈ വര്‍ഗ്ഗം കേമന്മാരായത്.
    ഇപ്പോഴിതാ പാവം പെണ്മക്കളെ പീഡിപ്പിച്ചു രസിക്കുന്നു…
    നാണമില്ലാത്ത നാറിയ വര്‍ഗ്ഗം..!
    ഉസ്മാന്‍ സഖാഫി പയ്യനെടം എന്ന ഈ പണ്ഡിത വേഷധാരിയെ പോലീസെ തെരയുകയാണ്.
    ഏതു കാരന്തൂരീ മാളത്തിലാണാവോ ടിയാനെ ഇവര്‍ ഒളിപ്പിചിരിക്കുന്നത്…!

  3. iqbal

    കൊടിയത്തൂരില്‍ ഒരു യുവാവിന്റെ ജീവനെടുത്ത സദാചാര പോലീസ് എവിടെപോയി ??? പ്രതികരണവും പ്രധിശേധവും കണ്ടില്ല..!!! പ്രായപൂര്‍ത്തിയായ 2 വ്യക്തികള്‍ തമ്മില്ലുള്ള ബന്ധത്തെ സദാചാരത്തിന്റെ പേരില്‍ പരസ്യ വിചാരണ ചെയ്തവര്‍, ഒരു ചെറുപ്പക്കാരനെ കൊന്നവര്‍, അനാഥ മക്കള്‍ക്ക്‌ നേരെയുള്ള ഇത്തരം നീചവും, നികൃഷ്ടവുമായ താന്തോന്നിതരങ്ങള്‍ക്ക് നേരെ പ്രതികരിക്കാനുള്ള ധാര്‍മികതയും സധാചാരബോധവും ഉണ്ടാവണം.
    പക്ഷെ കഴിയില്ലല്ലോ.. കൊടിയുടെ കളര്‍, അംഗബലം എല്ലാം പ്രശനമാണ്.. സത്യത്തില്‍ ഉസ്മാന്‍ സകഫിയെപൊലുല്ലവര്ക്ക സംരക്ഷണം കൊടുക്കുന്നവരാണ്‌ യഥാര്‍ത്ഥ വില്ലന്മാര്‍.., അവര്‍ക്ക് സംരക്ഷിച്ചേ പറ്റു കാരണം “പാപം ചെയ്യതാത്തവര്‍ കല്ലെറിയട്ടെ”

  4. jith

    തമിഴനായ ഗോവിണ്ടാചാമിക്ക് വധശിക്ഷ , സഗഫിക്ക് സുഗവാസമോ?
    പണ പൌരോഹിത മാഫിയയുടെ പുത്തന്‍ സദാചാര മാതൃകകള്‍ …..
    എവിടെ തിരുവാതിരകളി അലങ്കോലമാക്കുന്ന, കയ്യും കാലും വെട്ടുന്ന സദാചാര പോലീസ് ….
    ആദ്യം സ്വന്തം സമൂഹത്തിലെ അഴുക്കുകളെ നീക്ക് എന്നിട്ടാകാം ഇസ്ലാമിയ ഇന്ത്യയും ഭരണഗടന പൊളിക്കലും, സെക്രട്ടേറിയറ്റ് വളക്കലും, മലബാര്‍ രാജ്യം ഉണ്ടാക്കലും, കേരളത്തെ കഷ്മീരക്കലും തുടങ്ങിയ വിദേശ സംഭാവന പ്രോഗ്രമ്മുകള്‍ ……. ( കുറിപ്പ് : ചേകന്നൂര്‍ ഉണ്ടായിരുന്നെക്കില്‍ ?)

  5. Haneesh

    കുപ്രചാരണങ്ങള്‍ കൊണ്ട് അനാതാലയങ്ങളെ തക ര്ക്കാമെന്നു കരുതിയ, കൈവെട്ടു തീവ്രവാദികള്‍ തിരക്കഥ എഴുതി ഇ കെ സുന്നികളും ക്രിസ്ത്യന്‍ മിഷനറി യും ചേര്‍ന്ന് സംവിധാനം ചെയ്ത പീടനകത ഗംഭീരമായിരിക്കുന്നു. പക്ഷെ ഒരുനാള്‍ സത്യം പുറത്തുവരും..കുപ്രചാരണങ്ങള്‍ നടത്തുന്നവര്‍ കാലത്തിന്റെ കാവ്യ നീതിക്കായി കാത്തിരിക്കുക.

LEAVE YOUR COMMENTS

Press ctrl+g to toggle between English and Malayalam.