Categories

വിപ്ലവമുന്നേറ്റത്തിനു തടയിടാന്‍ മുസ്ലീം ബ്രദര്‍ഹുഡ്

muslim brotherhood blocked Revolution's in Arab Nations

എസ്സേയ്‌സ് /ടി.കെ. മുഹമ്മദ് ഹാരിസ്

ബി.സി 1500 മുതല്‍ ഈജിപ്ത് ഭരിച്ചിരുന്ന ഫെറോ രാജ്യവംശത്തിന്റെ പതനത്തിന് ശേഷം 642 ാമാണ്ട് ഈജിപ്ഷ്യന്‍ ചരിത്രത്തിലെ സുപ്രധാനമായ നാഴികകല്ലാണ്. ഈജിപ്തിന്റെ അറബ് അധിനിവേശത്തിന് ആ വര്‍ഷമാണ് തുടക്കം കുറിച്ചത്. പ്രവാചകനായ മുഹമ്മദ് നബിയുടെ മരണശേഷം പുതിയവിശ്വാസ സംഹിത നല്‍കിയ പ്രചോദനവും ആവേശവുമുള്‍ക്കൊണ്ട് അറേബ്യയ്ക്ക് പുറത്തുള്ള സമീപ പ്രദേശങ്ങളിലേക്ക് പടവെട്ടി നീങ്ങിയ അറബ് പോരാളികള്‍ നിഷ്പ്രയാസം ഈജിപ്ത് കീഴടക്കുകയും അറബ് മേധാവിത്തം സ്ഥാപിക്കുകയും ചെയ്തു.

ക്രമേണ അറബി ഭാഷ ഈജിപ്തിലെ മുഖ്യഭാഷയായും അറബികളുടെ മതമായ ഇസ്ലാം പ്രധാനമതമായും മാറി. അധിനിവേശത്തിന് മുന്‍പ് ഈജിപ്ത് ദേശവാസികള്‍ കോപ്റ്റിക് ഓര്‍ത്തഡോക്‌സ് സഭാവിശ്വാസികളായ കൃസ്ത്യാനികളായിരുന്നു. അവര്‍ക്ക് അവരുടേതായ ഭാഷയുമുണ്ടായിരുന്നു. മതപരിവര്‍ത്തനത്തിനു വഴങ്ങാതിരുന്ന കോപ്റ്റിക് കൃസ്റ്റ്യന്‍ വിശ്വാസികളിലെ ഒരു ന്യൂനപക്ഷം ഒഴികെ ബാക്കിയെല്ലാവരും അറബി അവരുടെ ഭാഷയായും ഇസ്ലാം അവരുടെ മതമായും സ്വീകരിച്ചു. അറബികളുടെ ദ്വിഗ്‌വിജയത്തിന് ശേഷം അറബിയും കോപ്റ്റിക്കും ചേര്‍ന്ന വേദപുസ്തകങ്ങളാണ് കോപ്റ്റിക് വിഭാഗം ഉപയോഗിച്ചിരുന്നത്.

1798 ലെ നേപ്പോളിയന്‍ ബോണോപാര്‍ട്ടിന്റെ അധിനിവേശത്തോടെയായിരുന്നു ആധുനിക ഈജിപ്തിന്റെ ചരിത്രം ആരംഭിക്കുന്നത്. യൂറോപ്പിന്റെ ആധുനിക സൈനിക ഘടനയുടെ ആക്രമണസ്വഭാവവും ബലപ്രയോഗത്തിന്റെ ശക്തിയും ഈജിപ്ത് ആദ്യമായി അനുഭവിച്ചറിയുന്നതും നെപ്പോളിയന്റെ ആക്രമണത്തോടുകൂടിയാണ്. പക്ഷേ ഫ്രാന്‍സിന്റെ അധിനിവേശം ഏറെനാള്‍ നീണ്ടുനിന്നില്ല.1805 ല്‍ ഓട്ടോമന്‍ സുല്‍ത്താന്‍ അല്‍ബേനിയന്‍ വംശജനായ മുഹമ്മദ് അലിയെ ഈജിപ്തിലെ വൈസ്രോയിയായി അംഗീകരിച്ചു.

ജമാഅത്തെ ഇസ്ലാമി മൗദൂദിയുടെ കാലഹരണപ്പെട്ടതും അസഹിഷ്ണുത നിറഞ്ഞതും ആക്രമകവുമായ ആശയങ്ങളെ പരസ്യമായി തള്ളിപ്പറഞ്ഞി രുന്നെങ്കില്‍ നമുക്ക് സ്വാഗതം ചെയ്യാമായിരുന്നു

ഈജിപ്തിനെ മറ്റുപാശ്ചാത്യേതര രാജ്യങ്ങളില്‍ നിന്നെല്ലാം വ്യത്യസ്തമായി ആധുനികവല്‍ക്കരിക്കാനും ആഗോളസമ്പത് വ്യവസ്ഥയുമായി കണ്ണിചേര്‍ക്കാനും മുഹമ്മദ് അലിക്കു കഴിഞ്ഞിരുന്നു. 1849 ല്‍ മുഹമ്മദ് അലി മരണമടഞ്ഞതിനുശേഷം പിന്‍ഗാമികളായി വന്നത് അബ്ബാസ്, സെയ്യിദ് , ഇസ്മായില്‍ എന്നിവരായിരുന്നു. 1870 കളില്‍ ഇസ്മയിലിന്റെ ഭരണമായതോടെ ഈജിപ്തിന്റെ ഈ മുന്നോട്ടുള്ള പോക്കിന് തടസ്സം നേരിട്ടു. ഇതിനൊരു പ്രധാനകാരണം അക്കാലത്തെ പ്രധാന സാമ്രാജ്യത്വ ശക്തിയായ ബ്രിട്ടന്റെ ആക്രമണങ്ങളായിരുന്നു. ബ്രിട്ടന്റെ ഇടപെടലുകള്‍ മൂലം ഇസ്മയിലിന്റെ സാമ്പത്തിക കാര്യങ്ങള്‍ ബ്രിട്ടന്റെ നിയന്ത്രണത്തിലെത്തിച്ചേരുന്ന സ്ഥിതിയിലായി.

1882 ല്‍ സൈനികാധിനിവേശത്തോടെ ഈജിപ്ത് പൂര്‍ണ്ണമായും ബ്രിട്ടീഷ് സാമ്രാജ്യത്തിന്റെ അധീനതയിലായി. ഒരു ആധുനിക ഈജിപ്ത് ഉയര്‍ന്നുവരുന്നത് ഏതുവിധേനയും തടയുക എന്ന ലക്ഷ്യമായിരുന്നു ബ്രിട്ടന്. പ്രതിലോമ ചിന്താഗതികളും മധ്യകാലഘട്ട സംസ്‌കാരവും ആശയങ്ങളും ദൃഡീകരിക്കുന്നതിന് ഈജിപ്തിന്റെ രാഷ്ട്രീയ സാമൂഹ്യ സ്ഥാപനങ്ങളെയെല്ലാം ബ്രിട്ടന്‍ ഉപയോഗിച്ചു. ഇതുവഴി ഈജിപ്തിനെ പിന്നോക്കാവസ്ഥയില്‍ നിര്‍ത്തുക എന്നതായിരുന്നു ലക്ഷ്യം.

ബ്രിട്ടന്റെ കോളനി വാഴ്ചയ്‌ക്കെതിരെ തുടക്കം മുതല്‍ത്തന്നെ കലാപങ്ങള്‍ പൊട്ടിപ്പുറപ്പെട്ടിരുന്നു. പലഘട്ടങ്ങളിലായി തുടര്‍ന്നുവന്ന സ്വാതന്ത്ര്യത്തിന് വേണ്ടിയുള്ള പോരാട്ടത്തില്‍ വിവിധരാഷ്ട്രീയ ഗ്രൂപ്പുകളും പ്രസ്ഥാനങ്ങളും സജീവമായിരുന്നു. ഈ സമരങ്ങള്‍ക്ക് പ്രധാനമായും മൂന്ന് ലക്ഷ്യങ്ങളുണ്ടായിരുന്നു. ജനാധിപത്യം , ദേശീയസ്വാതന്ത്ര്യം , സാമൂഹ്യപുരോഗതി.

സ്വാതന്ത്ര്യ സമരത്തിന്റെ മുമ്പന്തിയില്‍ ഉണ്ടായിരുന്നത് 1919 ല്‍ സഅദ് അല്‍ സഘ്‌ലൂല്‍ സ്ഥാപിച്ച വഫദ് പാര്‍ട്ടിയായിരുന്നു. പരിമിത രാജാധിപത്യം നിലനിര്‍ത്തിക്കൊണ്ട് ബൂര്‍ഷ്വാ രീതിയിലുള്ള ഭരണഘടനാ ജനാധിപത്യത്തിലൂടെ രാഷ്ട്രത്തിലൂടെ ആധുനിക വത്കരിക്കുക എന്നതായിരുന്നു വഫദ് പാര്‍ട്ടിയുടെ പരിപാടി . ഈ ജനാധിപത്യ സംവിധാനം മതേതരത്വത്തില്‍ ഊന്നിയുള്ളതായിരിക്കും.

NEXT PAGE

Page 1 of 41234

13 Responses to “വിപ്ലവമുന്നേറ്റത്തിനു തടയിടാന്‍ മുസ്ലീം ബ്രദര്‍ഹുഡ്”

  1. Ajith Kumar

    ദൂള്‍ ന്യൂസുകാര്‍ പത്രപ്രവര്‍ത്തനം പഠിക്കുന്നവരാണെങ്കില്‍, താഴെ കാണുന്ന അവരുടെ ഔദ്യോഗിക വെബ്‌സൈറ്റ് ഒന്ന് പരിശോധിക്കുക. എന്നിട്ട് എവിടെയാംണ് മൂലധനാധിപത്യത്തിന് അനുകൂലമായി അവര്‍ പ്രസ്താവനയിറക്കിയതെന്ന് വ്യക്തമാക്കുക. പട്ടാളഭരണത്തിനെതിരെ ജനാധിപത്യ മാര്‍ഗങ്ങള്‍ അവലംബിച്ച് അവര്‍ നടത്തിയ അരനൂറ്റാണ്ടുകാലത്തെ പ്രവര്‍ത്തനത്തിന്റെ ഫലമാണ് ഈജിപ്ഷ്യന്‍ വിപ്ലവം. അതിനെതിരെ സൈനിക നീക്കം നടത്താന്‍ സാമ്രമാജ്യത്വ ശക്തികള്‍ ശ്രമിക്കാതിരുന്നതിന്റെ കാരണം, അതിനുള്ള ഒരു ഇടം പോലും ഈജിപ്തുകാര്‍ അവശേഷിപ്പിച്ചിരുന്നില്ല എന്നതുകൊണ്ടാണ്. സൈനിക ഭരണകൂടം വധിച്ച ഇഖ്വാന്‍ സ്ഥാപകന്‍ ഹസനുല്‍ ബന്നയുടെയും സൈദ്ധാന്തികാചാര്യന്‍ സയ്യിദ് ഖുത്വുബിന്റെയും ഇന്നും ജീവിച്ചിരിക്കുന്ന രക്തസാക്ഷിയും വനിതാ നേതാവുമായ സൈനബുല്‍ ഗസ്സാലിയുടെയും ചരിത്രം ഒരു തവണയെങ്കിലും വായിച്ചു നോക്കിയിട്ട് പോരേ ക്രൈം മോഡല്‍ പത്രപ്രവര്‍ത്തനം നടത്താന്‍? ജമായത്തെ ഇസ്ലാമിയോടുള്ള വിരോധമാണ് വാര്‍ത്തക്ക് പിന്നിലെന്ന് വായിച്ചു തുടങ്ങിയപ്പോള്‍ മനസ്സിലായി. അതിന് ഇത്ര വളഞ്ഞ് മൂക്കില്‍ തൊടേണ്ടതുണ്ടോ?

  2. Ajith Kumar
  3. Abubakar Sidheeque

    മിസ്റ്റര്‍ ഹാരിസ്….വായനക്കാര്‍ മുഴുവന്‍ മണ്ടന്മാരാണെന്ന് കരുതരുത്….നുണകള്‍ അച്ചടിച്ച്‌ വിടുമ്പോള്‍ ചരിത്രത്തോട് കുറച്ചെങ്കിലും നീതി കാനിക്കനമായിരുന്നു..!! മുസ്ലിം ടച്ചുള്ള എന്തിനെയും കന്നടചെതിര്‍ത്താലെ ‘മതെതരമാകൂ’ എന്ന് തെറ്റിദ്ധരിച്ച ‘മലയാളി ഇടതു ചിന്ത’….അത്രയേ ഉള്ളൂ ഈ ലേഖനത്തിന്റെ അ ‘മൂല്യം’……….??!!

  4. salim

    സത്യത്തെ ഊതിക്കെടുത്താന്‍ എത്ര ഹാരിസുമാര്‍ വിചാരിച്ചാലും കഴിയില്ല, അതിനു ആയിരം സൂര്യന്മാരുടെ തിളക്കമുണ്ട്
    സ്വന്തത്തില്‍ ജനാധിപത്യം പുലര്തുന്നവന് മറ്റുള്ളവരോട് അത് പുലര്തതിരിക്കാന്‍ ആവില്ല, ഏറ്റവും സുതാര്യമായ പാര്‍ട്ടി ജനാധിപത്യം പുലര്‍ത്തുന്നവര്‍ ആണ് ജമ’അത് എന്ന് ആര്‍ക്കാണ് അറിയാത്തത്.
    മനുഷ്യന്‍ ദൈവത്തിന്റെ സൃഷ്ടിയാണെന്നും ഇവിടെ നടപ്പാവേണ്ടത് ദൈവത്തിന്റെ നിയമമാണെന്നും പറയുന്നവര്‍ എങ്ങിനെ പിന്തിരിപ്പരാവും
    ആണും ആണുമാണ് വിവഹിതരവേണ്ടാവരെന്നു നിയമമുണ്ടാക്കുന്നവര്‍ നാളെ മനുഷ്യനും നായയും തമ്മില്‍ വിവാഹിതനവുന്നതിനു വേണ്ടിയും സമരം നടത്തും

  5. FEROZ

    ഇത്തരത്തിലുള്ള അസത്യങ്ങളും വ്യാജ ആരോപണങ്ങളും വസ്തുതാ വിരുദ്ധ പരാമര്‍ശങ്ങളും ആയിരുന്നു ഈജിപ്ഷ്യന്‍ ഭരണകൂടം ബ്രദര്‍ഹുഡിനെ കുറിച്ചു പറഞ്ഞു പരത്തിയിരുന്നത്‌ , അതായിരുന്നു യൂറോപ്പും അമേരിക്കയും അവിടങ്ങളിലെ ജനതയും ഒക്കെ വിശ്വസിച്ചിരുന്നതും. ബ്രദര്‍ ഹുഡിനെ കാലാകാലങ്ങളിലുള്ള അധികാരികള്‍ ഭയപ്പെടാനുള്ള കാരണമോ സുവിദിതവും – അവരുടെ വ്യക്തിത്വം. വ്യക്തിജീവിതമാവട്ടെ , കുടുംബപരമാവട്ടെ, സാമൂഹ്യപരമാവട്ടെ അവര്‍ നല്ലവരായിരുന്നു. അധികാരി വര്‍ഗ്ഗത്തിന്റെ കൊള്ളരുതായ്മകള്‍ ചോദ്യം ചെയ്യുമായിരുന്നു . ഈജിപ്തിന്റെ ബഹുസ്വരതയെ അംഗീകരിച്ചിരുന്നു. അതുകൊണ്ടാണല്ലോ മുസ്ലിം കോപ്റ്റ് (ക്രിസ്ത്യന്‍) വ്യത്യാസമില്ലാതെ അവര്‍ ജനങ്ങള്‍ക്ക്‌ സഹായം എത്തിച്ചു കൊണ്ടേ ഇരിക്കുനതും തീവ്രയാഥാസ്തികരായ സലഫികളുടെ വിമര്‍ശനങ്ങള്‍ ഏറ്റു വാങ്ങുന്നതും. ബ്രദര്‍ഹുഡിനെ ക്രൂരമായി വേട്ട ചെയ്യുന്നതിനിടയില്‍ അതിയാതാസ്ഥികരായ സലഫികള്‍ രക്ഷപ്പെടുകയായിരുന്നു – അല്ല അവരെ ഭരണകൂടം ആട്ടിന്‍ തോല്‍ അണിയിക്കുകയായിരുന്നു. ബഹുസ്വരതയെ അംഗീകരിക്കാത്ത ഈ വിഭാഗതെയായിരുന്നു അമേരിക്കയും യൂറോപ്പും മിതവാതികളായി
    കരുതിയിരുന്നത്. ചുരുക്കിപ്പറഞ്ഞാല്‍ സലഫികളുടെ തീവ്രത പുറത്തു കൊണ്ടു വരാന്‍ ഹുസ്നി മുബാരകിനെ പോലുള്ള ഭരണാധികാരികള്‍ക്ക് താല്പര്യമില്ലായിരുന്നു. കാരണം തങ്ങളുടെ എല്ലാ കൊള്ളരുതായ്മകളെയും വെള്ളപൂശാന്‍ ഈ വിഭാഗം എന്നും തയ്യാറായിരുന്നു.(ലീഗിന്റെ എല്ലാ കൊള്ളരുതായ്മകളെയും കേരള സലഫികള്‍ വെള്ളപൂശുന്നത് പോലെ. ഐസ് ക്രീം കേസ് കത്തി നില്‍ക്കുന്ന കാലത്ത് കേരളത്തിലെ ഒരു ഉഗ്രവാദി സലഫി നേതാവായ മുജാഹിദ് ശേരി , സുന്നികളുടെ നമസ്കാരങ്ങളിലെ കുനൂത് പ്രാര്‍ത്ഥന വ്യഭിചാരത്തെക്കാള്‍ കുറ്റ കരമാണെന്ന് പറഞ്ഞു വ്യഭിചാരതെയും വാണിഭങ്ങളെയും നിസ്സാര രവല്കരിക്കുകയുണ്ടായി.) ഇക്കൂട്ടര്‍ വിപ്ലവത്തിന്റെ ഒരു ഘട്ടത്തിലും ഈജിപ്ഷ്യന്‍ ജനതയുടെ കൂടെ ആയിരുന്നില്ല. മാത്രമല്ല ഭരണകൂടത്തിനെ അനുസരിക്കാതിരിക്കുക മതവിരുധമാനെന്നും വിപ്ലവത്തില്‍ ആരും പങ്കെടുക്കരുതെന്നും ഫത് വ (മതവിധി) കൊടുത്തിരുന്നു. കാലം മാറി , വിപ്ലവത്തിലൂടെ സലഫികളുടെ യജമാനന്‍ ഹുസ്നി മുബാരക്കുമാര്‍ കടപുഴകി. ആടിന്‍ തോല്‍ അണിയിച്ചു തന്നിരുന്ന യജമാനന്മാര്‍ ഇന്ന് ജയിലുകളില്‍ ആയി. ജനത തിരിച്ചറിഞ്ഞു . ജനത പറഞ്ഞു – നിങ്ങള്‍ കപട വേഷ ധാരികള്‍ , ബഹുസ്വരതയെ അംഗീകരിക്കാത്തവര്‍ . പിന്നെ ബേജാറായി വെപ്രാളമായി. ഇന്നലെ വരെ മിതവാതികളായി അഭിനയിച്ചവര്‍ . ഇന്നവര്‍ തങ്ങളുടെ യജമാനന്മാരുടെ അഭാവത്തില്‍ യഥാര്‍ത്ഥ വേഷത്തില്‍ തിരിച്ചറിയപ്പെടാന്‍ തുടങ്ങി . ഭരണകൂടം അവരെത്ര തന്നെ തെമ്മാടികള്‍ ആണെങ്കിലും അനുസ്സരിക്കണമെന്നു പറഞ്ഞ സലഫികള്‍ ഇന്ന് സൗദി മോഡല്‍ ഭരണം വേണം എന്ന് പറഞ്ഞിരിക്കുന്നു . സലഫിസം ആഗോളതലത്തില്‍ പരസ്പരബന്ധമുള്ള പ്രസ്ഥാനം . ഈജിപ്തില്‍ പ്രച്ഛന്ന മത്സരം അവസാനിച്ചിരിക്കുന്നു. നാളെ ഇങ്ങു കേരളത്തിലും ഇതേ അവസ്ഥ വന്നാല്‍ ഞങ്ങളുല്ടെ കാര്യം ????????????? കേരള സലഫികള്‍ തലപുകയ്ക്കുന്നു . വ്യജാരോപനങ്ങളും അര്‍ദ്ധ സത്യങ്ങളും പ്രചരിപ്പിക്കാന്‍ തങ്ങളുടെ ചോറ്റു പട്ടാളത്തെ ലേഖകരുടെ രൂപത്തില്‍ പടച്ചു വിടുന്നു . ആയിരം റിയാസുമാര്‍ വിചാരിച്ചാലും സത്യത്തെ അധിക കാലം പിടിച്ചു നിര്‍ത്താന്‍ സാധിക്കില്ല . കാലത്തിന്റെ കുത്തൊഴുക്കില്‍ മുബാരക്കുമാരുറെ ഗതി വരാതെ സൂക്ഷിക്കുക . ജാഗ്രതെ

  6. ansari

    അന്ജനമെന്നതെനിക്കറിയാം മഞ്ഞള് പോലെ വെളുത്തിട്ട്. ഈ പോസ്റെഴുതിയ ആള്‍ക്ക് അന്ജനവും,മഞ്ഞളും മുസ്ലിം ബ്രദര്‍ ഹുഡും,ജമാഅത്തെ ഇസ്ലാമിയും,മൌദൂദിയും ഒന്നും അറിയില്ല

  7. salim

    ഈജിപ്ഷ്യന്‍ വിപ്ലവം എല്ലാ കണക്കു കൂട്ടലുകള്‍ക്കും അപ്പുറമായിരുന്നു. തഹരീര്‍ സ്ക്വര്‍ ഒരുപാടു നല്ല മാതൃകകള്‍ ലോകത്തിനു നല്‍കി
    പ്രലോഭനങ്ങള്‍ക്ക് വശം വതരവാതെ ലക്ഷങ്ങള്‍ ഒത്തു ചേര്‍ന്നു. അവിടെ ടൊഇലെട്ടുകല്, കാന്റീനുകള്‍, ക്ലീനിക്കുകള്‍ ഒക്കെ ഉണ്ടായിരുന്നു
    സഹനത്തിന്റെയും ത്യാഗത്തിന്റെയും അനുഭവങ്ങലുലെയും പരിപക്വതയുള്ള ഒരു നേത്ര്ത്വത്തിന്റെ അദ്ര്ശ്യ സ്വാധീനം അവിടെ നിഴലിച്ചിരുന്നു
    അവര്‍ ആളാവാന്‍ വേണ്ടി പണിയെടുക്കുന്നവരയിരുന്നില്ല. ലക്‌ഷ്യം കാണാന്‍ കാത്തിരിക്കുന്ന മനുഷ്യര്‍, അവര്‍ വിപ്ലവ വിജയം ആഘോഷിച്ചത് യൂസഫുല്‍ ഖര്‍ദാവിയെ ക്ഷണിച്ചു കൊണ്ടായിരുന്നു. ഹരിസുമാര്‍ക്ക് അത് കാണാനാവില്ല; കാരണം അവര്‍ തങ്ങളുടെ സാമാന്യ ബുദ്ദിയെ പണയപ്പെടുതിയവരാണ്

  8. observer

    ഈജിപ്ഷ്യന്‍ പ്രക്ഷോഭത്തിനു പിന്നിലെ ചാലകശക്തി ബ്രദര്‍ഹുഡ് ആണെന്നറിയാത്ത സാര്‍വദേശീയ നിരക്ഷരനായ ഒരാളില്‍ നിന്ന് സൃഷ്ടികള്‍ വാങ്ങി പോസ്റ്റ്‌ചെയ്യുന്നതിലൂടെ ഡ്യൂള്‍ ന്യൂസ് ലക്ഷ്യംവയ്ക്കുന്നതെന്താണ് ?. സത്യം വായനക്കാരെ അറിയിക്കലാണ് ലക്ഷ്യമെങ്കില്‍ മുഹമ്മദ് ഹാരിസിന്റെ ലേഖനങ്ങള്‍ അബദ്ധങ്ങളുടെ സംഹാരമാണെന്ന് പറയാതെ വയ്യ.
    പശ്ചിമേഷ്യയെ കുറിച്ച് മുമ്പും ഹാരിസിന്റെ ലേഖനങ്ങള്‍ ഡ്യൂള്‍ ന്യൂസില്‍ വായിച്ചിട്ടുണ്ട്. എന്തിന് ഇത്തരം ശരിക്കേടുകളുടെ വിളബംരങ്ങള്‍ക്ക് വെബ്‌പോര്‍ട്ടലില്‍ സ്ഥലം അനുവദിക്കുന്നു ?

  9. SHAMEEM

    Islamists Win 70% of Seats in the Egyptian അര്ലിഅമെന്ട
    CAIRO — Egyptian authorities confirmed Saturday that a political coalition dominated by the Muslim Brotherhood, the 84-year-old group that virtually invented political Islam, had won about 47 percent of the seats in the first Parliament elected since the ouster of Hosni Mubarak. An alliance of ultraconservative Islamists won the next largest share of seats, about 25 percent.

  10. SHAMEEM

    ഹാരിസ് , നിങ്ങള്‍ കണ്ണടച്ചാല്‍ നിങ്ങല്കെ മാത്രമേ ഇരുട്ടക്കൂ ,

  11. indian

    അസഹിഷ്ണുത ,ഇത് തന്നെയാണ് അപകടം .തങ്ങള്‍ക്കെത്രേ ഉയരുന്ന ശബ്ദത്തെ എന്‍ട് കാരണം പറഞ്ഞും എതിര്‍ക്കുക .ഇസ്ലാമിക രാഷ്ട്രം ജമ അത് സ്വപ്നം മാത്രം .

  12. latheef

    മുന്‍സൈനിക ഭരണകൂടങ്ങളില്‍നിന്ന് സംരക്ഷണവും പ്രോത്സാഹനവും ലഭിച്ചത് മുസ്ലീം ബ്രദര്‍ ഹൂഡിനുമാത്രമായിരുന്നു. സാദത്തും മുബാറക്കും വിദ്യാഭ്യാസം, കോടതികള്‍, ദൃശ്യമാധ്യമങ്ങള്‍ എന്നിവയുടെ നിയന്ത്രണാധികാരം അവര്‍ക്കു വിട്ടുകൊടുത്തു,
    dool news ഇത്തരം നില്വരമിലാത്ത ലെക്നം കൊടുക്കാതിരിക്കുക , കല്തരം പ്രജരിപ്പിക്കാന്‍ ആണ് വടിക്കരുത്. ബ്രദര്‍ ഹുഡ് എപ്പോള്‍ വിജയിച്ചത് കണ്ടിളീ, ദയവു ചെയ്തെ ടൂള്‍ നുസ് കള്ളം പരാജരിപ്പിക്കരുതെ

  13. binu

    കച്ചറ, ചവറു, നാറിയത് ,കള്ളം ടൂള്‍ നുസിനു യോഗിക്കാതട്-ഇത്തരം നാരികല്ക് അവസരം കൊടുക്കരുട്
    ഇത് നിങ്ങളുടെ മുദ്രാവാക്യത്തിനു എതിര്
    സ്വാതന്ത്ര്യത്തിന്റെ വായുവിന് വേണ്ടി മാധ്യമങ്ങള്‍ നടത്തിയ പോരാട്ടങ്ങള്‍ക്ക് പച്ച രക്തത്തിന്റെ മണമുണ്ട് . ആ രക്തത്തെ ചരിത്രത്തിന്റെ ഓര്‍മ്മകള്‍ക്ക് വിട്ടുകൊടുക്കാതെ അതിന്റെ സമരോത്സുകത ഏറ്റെടുത്ത് ജീവിക്കുന്ന വര്‍ത്തമാന സാക്ഷ്യങ്ങളും നമ്മുടെ മുമ്പിലുണ്ട്. അതിന്റെ തുടര്‍ച്ചകളെ ശക്തിപ്പെടുത്തേതുണ്ടെന്ന് ഞങ്ങള്‍ കരുതുന്നു

    സ്വാതന്ത്ര്യത്തിന്റെ വായുവിന് വേണ്ടി മാധ്യമങ്ങള്‍ നടത്തിയ പോരാട്ടങ്ങള്‍ക്ക് പച്ച രക്തത്തിന്റെ മണമുണ്ട് . ആ രക്തത്തെ ചരിത്രത്തിന്റെ ഓര്‍മ്മകള്‍ക്ക് വിട്ടുകൊടുക്കാതെ അതിന്റെ സമരോത്സുകത ഏറ്റെടുത്ത് ജീവിക്കുന്ന വര്‍ത്തമാന സാക്ഷ്യങ്ങളും നമ്മുടെ മുമ്പിലുണ്ട്. അതിന്റെ തുടര്‍ച്ചകളെ ശക്തിപ്പെടുത്തേതുണ്ടെന്ന് ഞങ്ങള്‍ കരുതുന്നു

LEAVE YOUR COMMENTS

Press ctrl+g to toggle between English and Malayalam.