Categories

മുല്ലപ്പെരിയാര്‍ തകര്‍ന്നാല്‍ വെള്ളം താങ്ങാനാകുമെന്ന് സര്‍ക്കാര്‍ വിദഗ്ധനും

ഇടുക്കി: മുല്ലപ്പെരിയാര്‍ ഡാമിനെ സംബന്ധിച്ചുള്ള അഡ്വക്കറ്റ് ജനറലിന്റെ വാദങ്ങള്‍ അംഗീകരിക്കുന്ന പ്രസ്താവനയുമായി മുല്ലപ്പെരിയാറിലെ സര്‍ക്കാര്‍ വിദഗ്ധനും. മുല്ലപ്പെരിയാര്‍ ഡാം തകര്‍ന്നാല്‍ ഇടുക്കി ഡാമിന് വെള്ളം താങ്ങാനാകുമെന്ന് മുല്ലപ്പെരിയാര്‍ സെല്‍ ചെയര്‍മാര്‍ എം. കെ. പരമേശ്വരന്‍ നായര്‍ ഹൈക്കോടതിയില്‍ വ്യക്തമാക്കി.

ഇപ്പോഴത്തെ നിലയില്‍ മുല്ലപ്പെരിയാറിലെ വെളളം ഇടുക്കി അണക്കെട്ടിന് ഉള്‍ക്കൊളളാനാവുമെന്നാണ് എം. കെ. പരമേശ്വരന്‍ നായര്‍ കോടതിയെ അറിയിച്ചിരിക്കുന്നത്. മുല്ലപ്പെരിയാര്‍ വിഷയത്തില്‍ കേരളത്തിന്റെ അഡ്വക്കറ്റ് ജനറല്‍ കെ.പി ദണ്ഡപാണിയുടെയും അഭിപ്രായം ഇതുതന്നെയായിരുന്നു. എ. ജിയുടെ നിലപാട് സര്‍ക്കാര്‍ വിദഗ്ധനും ഹൈക്കോടതിയില്‍ ആവര്‍ത്തിച്ചിരിക്കുകയാണ്.

പുതിയ ഡാമിനു വേണ്ടിയുള്ള കേരളത്തിന്റെ വാദങ്ങളെ ദുര്‍ബലപ്പെടുത്താന്‍ ഗൂഢാലോചന നടക്കുന്നുവെന്ന് പ്രതിപക്ഷ ഉപനേതാവ് കോടിയേരി ബാലകൃഷ്ണന്‍ പ്രതികരിച്ചു.

അതേസമയം, മുല്ലപ്പെരിയാര്‍ ഡാമില്‍ ജലനിരപ്പ് ഇന്ന് 135.9 അടിയായി. ഇന്നലെ ജലനിരപ്പ് 136 അടിയായിരുന്നു.

Malayalam News
Kerala News in English

3 Responses to “മുല്ലപ്പെരിയാര്‍ തകര്‍ന്നാല്‍ വെള്ളം താങ്ങാനാകുമെന്ന് സര്‍ക്കാര്‍ വിദഗ്ധനും”

  1. Rajesh kumar

    എന്തായാലും മുല്ലപെരിയാര്‍ കേസ് അട്ടിമറിച്ചു
    എല്ലാവര്ക്കും നന്ദി

  2. akhil

    ഇങ്ങനെയും കുറേ വിദഗ്ദന്മാര്‍ കേരളത്തില്‍ ഉണ്ടല്ലേ…? ഇനി ഡാം തകര്‍ന്നു (അങ്ങനെ സംഭവിക്കാതിരിക്കട്ടെ) എല്ലാം കുടി അറബികടലില്‍ പോയി അടിയുമ്പോള്‍ ag യും വിടഗ്ദാനുമെല്ലാം എവിടേ ആയിരിക്കുമോ എന്തോ..?

  3. ശുംഭന്‍

    ഈ വിദഗ്ദന്റെ കണക്കു സാമാന്യ ബുദ്ധിക്കു നിരക്കുന്നതല്ല. മുല്ലപ്പെരിയാറിലെ വെള്ളത്തിന്റെ അളവും, ഇടുക്കി ഡാമില്‍ ബാക്കിയുള്ള സംഭരണ ശേഷിയും വച്ചുള്ള വെറും LKG Mathematics മാത്രമാണ് വിദഗ്ദന്‍ പറയുന്നത്. ഡാം പൊട്ടി വെള്ളം ഒഴുകി വരുന്നത്, മഴ പെയ്തു വെള്ളം വരുന്നത് പോലെ ആണെന്നാണ്‌ ഇദ്ദേഹം കരുതിയിരിക്കുന്നത്. ഡാം പൊട്ടി അതിഭീകര ശക്തിയില്‍ കുത്തിയൊലിച്ചു വരുന്ന വെള്ളം, വരുന്ന വഴിയിലുള്ള സകലതിനെയും തൂത്തു വാരിക്കൊണ്ടാണ് വരിക. കല്ലും മണ്ണും മരങ്ങളും എല്ലാം ഉണ്ടാകും അതില്‍. അതെത്ര അളവുണ്ടാകുമെന്ന് ഈ വിദഗ്ദനു കണക്കു കൂട്ടിയെടുക്കാന്‍ ആവുമോ?
    ഇത്തരം വിദഗ്ദന്മാര്‍ എല്ലാം കൂടി ചേര്‍ന്ന് നാട്ടിലെ ജനങ്ങളെ കുരുതി കൊടുക്കും.

LEAVE YOUR COMMENTS

Press ctrl+g to toggle between English and Malayalam.