Categories

മൊബൈല്‍ ഉപയോഗം ക്യാന്‍സറുണ്ടാക്കുമെന്ന് ലോകാരോഗ്യ സംഘടന

മൊബൈല്‍ ഫോണും ക്യാന്‍സറും തമ്മിലുള്ള ബന്ധത്തെക്കുറിച്ചുള്ള പുതിയ റിപ്പോര്‍ട്ടുകള്‍ പുറത്തുവന്നു. മൊബൈല്‍ ഫോണ്‍ കൂടുതലായി ഉപയോഗിക്കുന്നത് ബ്രെയിന്‍ കാന്‍സറിന് കാരണമാകുമെന്നാണ് വിദഗ്ധര്‍ മുന്നറിയിപ്പ് നല്‍കുന്നത്.

മൊബൈലില്‍ നിന്നും പുറത്തേക്ക് വരുന്ന വൈദ്യതകാന്തിക തരംഗങ്ങള്‍ ഗ്ലോമ എന്ന അസുഖം വര്‍ധിക്കാനുള്ള സാധ്യതയുണ്ടെന്നും ലോകാരോഗ്യ സംഘടനയുടെ ഭാഗമായ നാഷണല്‍ ഏജന്‍സി ഫോര്‍ റിസര്‍ച്ച് ഓണ്‍ ക്യാന്‍സറിലെ വിദഗ്ധര്‍ പറയുന്നു. ലിയോണില്‍ നടന്ന ഐ.എ.ആര്‍.സി വര്‍ക്കിംഗ് ഗ്രൂപ്പിന്റെ സമ്മേളനത്തില്‍വെച്ചാണ് ഈ മുന്നറിയിപ്പ് നല്‍കുന്നത്. 14 രാഷ്ട്രങ്ങളില്‍ നിന്നുള്ള ശാസ്ത്രജ്ഞരും ഇത്തരം തരംഗങ്ങള്‍ തലച്ചോറിന് മാരകമായ പ്രശ്‌നം വരുത്തിവെക്കുമെന്ന് വ്യക്തമാക്കിയിട്ടുണ്ട്.

ലോകത്താകമാനം ഏതാണ്ട് അഞ്ച് മില്യണോളം മൊബൈല്‍ ഉപഭോക്താക്കള്‍ ഉണ്ടെന്നാണ് ഐ.എ.ആര്‍.സി പറയുന്നത്. വിദ്യാര്‍ത്ഥികളും ചെറുപ്പക്കാരുമാണ് കൂടുതലായും മൊബൈല്‍ ഫോണിലേക്ക് ആകൃഷ്ടരാകുന്നത്. ക്യാന്‍സര്‍ വരാന്‍ റിസ്‌ക് കൂടുതലുള്ളവര്‍, റിസ്‌ക് കുറഞ്ഞവര്‍ എന്നിങ്ങനെ രണ്ട് ഗ്രൂപ്പായിട്ടാണ് ആളുകളെ സംഘടന വര്‍ഗ്ഗീകരിച്ചിരിക്കുന്നത്.

മൊബൈല്‍ വില്‍പ്പന കുതിച്ചുയരുന്നതില്‍ ഏറെ ആശങ്കയുണ്ടെന്ന് കാലിഫോര്‍ണിയയിലെ ശാസ്ത്രജ്ഞന്‍ പറയുന്നു. സെല്‍ഫോണും ക്യാന്‍സറും തമ്മിലുള്ള ബന്ധം അത്ര പെട്ടെന്ന് തള്ളിക്കളയാനാവാത്തതാണെന്നും ശാസ്ത്രജഞന്‍ വ്യക്തമാക്കി. എന്നാല്‍ വിഷയത്തില്‍ കൂടുതല്‍ പഠനങ്ങള്‍ നടത്തേണ്ടതുണ്ടെന്നാണ് ഐ.എ.ആര്‍.സി മേധാവി ക്രിസ്റ്റഫര്‍ വൈല്‍ഡ് പറയുന്നത്.

ഡി.ഡി.ടി പോലുള്ള കീടനാശിനികളുടെ അതേ കാറ്റഗറിയില്‍ ഉള്‍പ്പെടുത്താന്‍ കഴിയുന്നതാണ് മൊബൈല്‍ ഫോണുകളെയെന്നാണ് ഇവര്‍ പറയുന്നത്.

LEAVE YOUR COMMENTS

Press ctrl+g to toggle between English and Malayalam.