Categories

എം.എന്‍ വിജയന്‍ പഠന ഗവേഷണ കേന്ദ്രം ഉദ്ഘാടനം ഇന്ന്

കോഴിക്കോട്: എം.എന്‍. വിജയന്‍ പഠന ഗവേഷണ കേന്ദ്രത്തിന്റെ ഔപചാരിക ഉദ്ഘാടനം ഇന്ന് (ഒക്ടോബര്‍ രണ്ട്) തൃശൂരില്‍ നടക്കും. തൃശൂര്‍ സാഹിത്യ അക്കാദമി ബഷീര്‍ വേദിയില്‍ രാവിലെ 10.30ന് നടക്കുന്ന പരിപാടി പ്രമുഖ മാധ്യമപ്രവര്‍ത്തകന്‍ പ്രഫുല്‍ബിദ്വായ് ഉദ്ഘാടനം നിര്‍വ്വഹിക്കും.

ഡോ.എം ലീലാവതി, ഡോ.പി.വി ഗംഗാധരന്‍, ഡോ.കെ.എം സീതി, കമല്‍, പി.എന്‍ ഗോപീകൃഷ്ണന്‍, വി.പി വാസുദേവന്‍, എന്‍ പ്രഭാകരന്‍ പങ്കെടുക്കും.

വിജയന്‍ മാഷ് ഉള്‍പ്പെട്ട ധൈഷണികവും പ്രായോഗികവുമായ പ്രവര്‍ത്തനങ്ങളുടെ തുടര്‍ച്ചയും വികാസവും രൂപപ്പെടുത്തുകയാണ് പഠന കേന്ദ്രത്തിന്റെ ലക്ഷ്യമെന്ന് സംഘാടകര്‍ അറിയിച്ചു. ബഹുരാഷ്ട്ര മൂലധന അധിനിവേശത്തെ ചെറുക്കുന്നതിനുള്ള സൈദ്ധാന്തികവും പ്രായോഗികവുമായ പ്രവര്‍ത്തനങ്ങള്‍ സംഘടിപ്പിക്കുകയും രാജ്യത്തിന്റെ പരമാധികാരത്തെ തന്നെ അപകടപ്പെടുത്തും വിധമുള്ള സിദ്ധാന്തങ്ങളെയും അവര്‍ക്ക് നേതൃത്വം നല്‍കുന്ന ഏജന്‍സികളെയും ആശയരംഗത്തും
പ്രായോഗികമായും എതിര്‍ക്കുകയുമാണ് സ്ഥാപനത്തിന്റെ രാഷ്ട്രീയം.

3 Responses to “എം.എന്‍ വിജയന്‍ പഠന ഗവേഷണ കേന്ദ്രം ഉദ്ഘാടനം ഇന്ന്”

  1. Manojkumar.R

    പ്രത്യയശാസ്ത്രത്തിനും വിജയന്മാഷിനും ഒരേ ശബ്ദം തന്നെയായിരുന്നു…മനുഷ്യന്റെ ഹൃദയ സ്പന്ദനങ്ങള്‍ക്ക് വിപ്ലവത്തിന്റെ ഈണം ഉണ്ടെന്നും …ആ ഈണം ഒന്നിച്ചു ചേര്‍ന്ന് ഒരു മഹാ സംഗീതമായി തീരുമെന്നും അത് സ്നേഹത്തിന്റെ സുഗന്ധം പോഴിക്കുമെന്നും വിജയന്‍ മാഷാണ് പറഞ്ഞു തന്നത്….പ്രത്യയ ശാസ്ത്രത്തിന്റെ ഏടുകള്‍ക്കിടയ്ക്കു പതുങ്ങിയിരുന്നു ഇരപിടിക്കാനും ഒടുവില്‍ ഇരയുടെ വിശപ്പകറ്റാന്‍ പ്രസ്ഥാനത്തെ തന്നെ കഴുത്തുഞ്ഞെരിക്കാനും കെല്പുള്ളവര്‍ വരുന്നുണ്ടെന്നും മാഷാണ് പ്രവചിച്ചത്. ….

  2. ബൈജു മേരികുന്നു

    മാസ്റെര്‍ എല്ലാ കാര്യവും പറഞ്ഞത് സത്യ സന്തമായിട്ടായിരുന്നു,സത്യ സന്തതകള്‍ക്ക് വിലയിടിയുന്ന കാലത്ത് ഒരു പക്ഷെ ഈ ശബ്ദം വളരെ നേര്‍ത് പോകുമായിരിക്കും എങ്കിലും വയലറ്റ് മഷിയില്‍ അദ്ദേഹം കുറിച്ചിട്ടു പോയതോക്കയും വരാനിരിക്കുന്ന പെരുമഴകാലത്ത് കൂടുതല്‍ തെളിമ നേടുക തന്നെ ചെയ്യും ,മാസ്റെരുടെ തന്നെ ഭാഷയില്‍ പറഞ്ഞാല്‍; ശത്രുക്കള്‍ ഇല്ലാതെ മരിക്കുന്നവന്‍ ഇവിടെ ഒന്നും ചെയ്തിട്ടില്ല എന്നാണല്ലോ ..

  3. aNIL

    എല്ലാവിധ ആശംസകളും അറിയിക്കുന്നു.
    എല്ലാ പിന്തുണയും നല്കാന്‍ തയ്യാര്‍

LEAVE YOUR COMMENTS

Press ctrl+g to toggle between English and Malayalam.