Categories

ജീവിതത്തിലെ വരികളെല്ലാം കണ്ണീരുകൊണ്ട് മായ്ച്ചുകളഞ്ഞ് കിഷോര്‍ ഇന്നും ജീവിക്കുന്നു… നമ്മുടെ ഹൃദയങ്ങളില്‍…


ഹൃദയവേദനയാണ് കിഷോര്‍ കുമാറിന്റെ  വിരഹഗാനങ്ങളിലെ ഓരോ വരികളും നമ്മളിലേയ്ക്ക് പകരുന്നത്. ആ സമയമത്രയും വേദനകളുടെ ഒരു സാഗരം തന്നെ തീര്‍ക്കുന്നു. ‘സിന്ദഗീ കാ സഫര്‍ ഹെ യേ കൈസാ സഫര്‍..’ അദ്ദേഹം പാടുന്നു… രംഗത്ത് വിഷാദാര്‍ദ്രമായി രാജേഷ് ഖന്ന. പണ്ട് ശനിയാഴ്ച രാത്രികളില്‍ ദൂരദര്‍ശനില്‍ ഹിന്ദി ചിത്രങ്ങള്‍ കാണാന്‍ അടുത്ത് ടിവിയുള്ള വീട്ടിലേയ്ക്ക് ഓടിയിരുന്ന കുട്ടിക്കാലത്തിലേയ്ക്ക് സഫറിലെ (1970) ഈ രംഗം കൊണ്ടുപോകുന്നു. പ്രണയമെന്തെന്ന് മനസ്സിലാക്കിത്തുടങ്ങുന്ന ആദ്യകാലങ്ങളിലെ വിഷാദ മുദ്രകള്‍. രാജേഷ് ഖന്നയോടൊപ്പം നമ്മളെത്ര കരഞ്ഞിരിക്കുന്നു. കിഷോറിന്റെ ഈ ശബ്ദം കേട്ട്… റസിയ നൂറ എഴുതുന്നു…


kishore


ഓര്‍മ  | റസിയ നൂറാ


‘രൂപ് തെരാ മസ്താന / പ്യാര് മേരാ ദീവാനാ’ എന്ന ഗാനം അന്നത്തെ കലാലയങ്ങളെ കോരിത്തരിപ്പിച്ചു. ഇന്നും ആ ഗാനം മുഴങ്ങിയാല്‍ ചുവടുവെയ്ക്കാന്‍ തരിക്കാത്ത കാലുകളില്ല.

‘ഓ മാജീരേ ഓ മാജീരേ അപ്നാ കിനാരാ നദിയാ കി ധാരാ ഹേ…’ ഈ ഗാനത്തിന്റെ പിന്നിലെ വരികള്‍ നമ്മളാരും മറന്നു പോകാനിടയില്ല. ഹൃദയത്തില്‍ വേദനയുടെ ശോണിമകളുതിര്‍ത്തുകൊണ്ട് ഖുഷ്ബൂ (1975) എന്ന ചിത്രത്തിനുവേണ്ടി ഈ ഗാനം ആലപിക്കുമ്പോള്‍ കിഷോര്‍ കുമാര്‍ എന്ന ഗായകനെ ഇന്ത്യന്‍ സംഗീത പ്രേമികള്‍ മനസ്സുകൊണ്ട് സ്വീകരിച്ച് കഴിഞ്ഞിരുന്നു.

ഒട്ടേറെ ഗാനങ്ങള്‍ ഇന്ത്യന്‍ സിനിമയ്ക്ക് സമ്മാനിച്ച ആ അതുല്യപ്രതിഭയുടെ 85ാം ജന്മദിനമാണ് ഇന്ന്. അദ്ദേഹത്തെ സ്മരിച്ചുകൊണ്ട് ഗൂഗിള്‍ ഡൂഡിലും പുതിയ ഭാവമണിഞ്ഞിരിക്കുന്നു.

സിനിമയുടെ ഏതു മേഖലയും തനിക്ക് ചേരുമെന്ന് അദ്ദേഹം തന്റെ ജീവിതത്തിലൂടെ തെളിയിച്ചു. നര്‍ത്തകന്‍, നടന്‍, ഹാസ്യനടന്‍, തിരക്കഥാകൃത്ത്, നിര്‍മ്മാതാവ്, സംവിധായകന്‍, ഗാനരചയിതാവ്, സംഗീത സംവിധായകന്‍ എന്നീ മേഖലകളിലൊക്കെ അദ്ദേഹം തന്റെ സാന്നിദ്ധ്യം അറിയിച്ചു. എങ്കിലും ഗായകന്‍ എന്ന മുഖ്യ മേഖല കഴിഞ്ഞാല്‍ അഭിനയമായിരുന്നു അദ്ദേഹം കൂടുതലിഷ്ടപ്പെട്ടിരുന്നത്.

മുഹമ്മദ് റാഫി തിളങ്ങി നില്‍ക്കുന്ന കാലത്താണ് കിഷോറും അരങ്ങ് തകര്‍ക്കുന്നത്. കിഷോറിന്റെ ശബ്ദമായിരുന്നു ജനഹൃദയങ്ങളെ ഏറെ സ്വാധീനിച്ചത്. ഭാവതീവ്രമായിരുന്നു അദ്ദേഹത്തിന്റെ ഗാനശൈലി. ഓരോ ഗാനങ്ങള്‍കേള്‍ക്കുമ്പോഴും അതിന്റെ വൈകാരികതയെ കേള്‍വിക്കാരനിലേയ്ക്ക് ആഴത്തില്‍ സന്നിവേശിപ്പിക്കുന്ന മാന്ത്രിക വിദ്യ.

‘രൂപ് തെരാ മസ്താന / പ്യാര് മേരാ ദീവാനാ’ എന്ന ഗാനം അന്നത്തെ കലാലയങ്ങളെ കോരിത്തരിപ്പിച്ചു. ഇന്നും ആ ഗാനം മുഴങ്ങിയാല്‍ ചുവടുവെയ്ക്കാന്‍ തരിക്കാത്ത കാലുകളില്ല. അതേസമയം ഖോരാ കാഗസ് (1974) എന്ന ചിത്രത്തിലെ ‘മേരാ ജീവന്‍ കോരാ കാഗസ് കോരാഹി രേഹ് ഗയാ’ എന്ന ഗാനം വിരഹത്തിന്റെ നൊമ്പരങ്ങള്‍ അര്‍ജ്ജുനാസ്ത്രങ്ങള്‍ പോലെ ഒന്ന് പത്തായി, പത്ത് നൂറായി നമ്മുടെ മനസ്സിലേയ്ക്ക് പെയ്തിറങ്ങുന്നു. നാം വേദനയോടെ അതുമല്ലെങ്കില്‍ നഷ്ടപ്രണയിയുടെ വിരഹത്തോടെ കണ്ണടച്ച് കേട്ടുനിന്നു പോകുന്നു. ഒരു നിമിഷമെങ്കിലും ഒന്ന് പ്രണയിച്ചിരുന്നെങ്കില്‍ എന്ന് അറിയാതെ മോഹിച്ചുപൊകുന്നു. ഗാനത്തിലെ വരികളെ അന്വര്‍ത്ഥമാക്കും വിധം കണ്ണീരുകൊണ്ട് നമ്മുടെ ഓരോരുത്തരുടേയും ജീവിതത്തിലെ ഓരോ വരികളും കണ്ണുനീര്‍ വീണ് അഴിഞ്ഞഴിഞ്ഞില്ലാതാവുന്നു…

ഇതേ ഹൃദയവേദനയാണ് അദ്ദേഹത്തിന്റെ വിരഹഗാനങ്ങളിലെ ഓരോ വരികളും നമ്മളിലേയ്ക്ക് പകരുന്നത്. ആ സമയമത്രയും വേദനകളുടെ ഒരു സാഗരം തന്നെ തീര്‍ക്കുന്നു. ‘സിന്ദഗീ കാ സഫര്‍ ഹെ യേ കൈസാ സഫര്‍..’ അദ്ദേഹം പാടുന്നു… രംഗത്ത് വിഷാദാര്‍ദ്രമായി രാജേഷ് ഖന്ന. പണ്ട് ശനിയാഴ്ച രാത്രികളില്‍ ദൂരദര്‍ശനില്‍ ഹിന്ദി ചിത്രങ്ങള്‍ കാണാന്‍ അടുത്ത് ടിവിയുള്ള വീട്ടിലേയ്ക്ക് ഓടിയിരുന്ന കുട്ടിക്കാലത്തിലേയ്ക്ക് സഫറിലെ (1970) ഈ രംഗം കൊണ്ടുപോകുന്നു. പ്രണയമെന്തെന്ന് മനസ്സിലാക്കിത്തുടങ്ങുന്ന ആദ്യകാലങ്ങളിലെ വിഷാദ മുദ്രകള്‍. രാജേഷ് ഖന്നയോടൊപ്പം നമ്മളെത്ര കരഞ്ഞിരിക്കുന്നു. കിഷോറിന്റെ ഈ ശബ്ദം കേട്ട്…


‘മേരാ ജീവന്‍ കോരാ കാഗസ് കോരാഹി രേഹ് ഗയാ’ എന്ന ഗാനം വിരഹത്തിന്റെ നൊമ്പരങ്ങള്‍ അര്‍ജ്ജുനാസ്ത്രങ്ങള്‍ പോലെ ഒന്ന് പത്തായി, പത്ത് നൂറായി നമ്മുടെ മനസ്സിലേയ്ക്ക് പെയ്തിറങ്ങുന്നു. നാം വേദനയോടെ അതുമല്ലെങ്കില്‍ നഷ്ടപ്രണയിയുടെ വിരഹത്തോടെ കണ്ണടച്ച് കേട്ടുനിന്നു പോകുന്നു.


അബ്ബാസ് കുമാര്‍ ഗാംഗുലി എന്നാണ് അദ്ദേഹത്തിന്റെ യഥാര്‍ത്ഥ പേര്. സിനിമയിലഭിനയിക്കാന്‍ വേണ്ടി അദ്ദേഹം തന്റെ പേര് മാറ്റുകയായിരുന്നു. 1946ല്‍ ശിക്കാരി എന്ന ചിത്രത്തിലാണ് അദ്ദേഹം ആദ്യമായി തലകാണിക്കുന്നത്. ആദ്യമായി പാടുന്നത് സിദ്ധി (1948) എന്ന ചിത്രത്തിലും. ഖെംചന്ദ് പ്രകാശാണ് അദ്ദേഹത്തിന് പാടാന്‍ ആദ്യമായി അവസരം നല്‍കുന്നത്. പിന്നെ നിരവധി ചിത്രങ്ങളില്‍ പാടി, നിരവധി ചിത്രങ്ങളില്‍ അഭിനയിച്ചു. ന്യൂദല്‍ഹി (1957), ഹാഫ് ടിക്കറ്റ് (1962), പടോസന്‍ (1968), ചല്‍ത്തി കാ നാം ഗാഡി (1958) മുതലായ ചിത്രങ്ങള്‍ പ്രധാനം.

ആര്‍.ഡി. ബര്‍മന്റെ അച്ഛന്‍ എസ്.ഡി. ബര്‍മന്‍ എന്ന സംഗീത ചക്രവര്‍ത്തിയായിരുന്നു യഥാര്‍ത്ഥത്തില്‍ കിഷോറിന്റെ കഴിവുകള്‍ കണ്ടെത്തുന്നത്. 1950ല്‍ മാഷാല്‍ എന്ന ചിത്രത്തിനായി ബര്‍മന്‍ അശോകിന്റെ (കിഷോറിന്റെ സഹോദരന്‍) വീട്ടില്‍ വരുമ്പോഴാണ് കിഷോര്‍ സൈഗാളിനെ അനുകരിച്ചുകൊണ്ട് പാടുന്നത് കേള്‍ക്കുന്നത്.

തുടര്‍ന്ന് ആര്‍.ഡി. ബര്‍മ്മന്‍ കിഷോര്‍കുമാര്‍ കൂട്ടുകെട്ട്‌ ഹിന്ദി സിനിമാ ചരിത്രത്തില്‍ ഒരിക്കലും വിസ്മരിക്കാത്ത മുഹൂര്‍ത്തങ്ങള്‍ സമ്മാനിച്ചു. ഔദ്യോഗികമായി സംഗീതം അഭ്യസിച്ചിട്ടില്ലാത്ത കിഷോര്‍ ബര്‍മന്റെ സംവിധാനത്തില്‍ ഗാനത്തിന്റെ തേന്‍മഴകള്‍ സൃഷ്ടിച്ചു. ‘യേ ജോ മൊഹബത്ത് ഹെ’ (കാട്ടി പതങ്ക്), ‘ചിങ്കാരി കോയി ഭഡ്‌കേ..’ (അമര്‍ പ്രേം), ‘ഓ മാജീ രേ..’ (ഖുഷ്ബൂ), ‘ഹം ബേവഫാ ഹര്‍ഗിസ്..’ (ഷാലിമാര്‍), ‘ഹമേ തുംസേ പ്യാര്‍ കിത്ത്‌നാ’ (കുദ്രത്ത്) അങ്ങനെ എത്ര എത്ര ഗാനങ്ങള്‍.. ആ കൂട്ടുകെട്ട് നമുക്ക് സമ്മാനിച്ച ഗാനങ്ങള്‍ ഇപ്പോഴും മനസ്സില്‍ അലയൊലിക്കുന്നില്ലേ?

അടുത്ത പേജില്‍ തുടരുന്നു..          1  2

അടുത്ത പേജില്‍ തുടരുന്നു..          1  2

അടുത്ത പേജില്‍ തുടരുന്നു

Page 1 of 212