Categories

‘മന്മദന്‍ അമ്പ്’ തിയേറ്ററുകളിലെത്തി

കമലഹാസന്‍ രവികുമാര്‍ ടീമിന്റെ പുതിയ ചിത്രം ‘മന്മദന്‍ അമ്പ്’ ഇന്ന് തിയേറ്ററിലെത്തും. കമല്‍ അവതരിപ്പിക്കുന്ന എക്‌സ് കമാന്റോ ഓഫീസറിന്റെ ജീവിതത്തിലെ തമാശകളും പ്രണയവുമാണ് ചിത്രത്തില്‍.മേജര്‍ ആര്‍ മന്നാര്‍ എന്ന കഥാപാത്രമായാണ് കമല്‍ ചിത്രത്തില്‍ എത്തുന്നത്.

അമ്പതുകൊടി ചെലവഴിച്ചാണ് ഈ വിസ്മയചിത്രം ഒരുക്കിയിരിക്കുന്നത്. കമലിനു പുറമേ മാധവനും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നുണ്ട്. മദനഗോപാലായാണ് മാധവന്‍ എത്തുന്നത്. തെന്നിന്ത്യന്‍ സുന്ദരി തൃഷയാണ് നായിക.

ഇവര്‍ക്കുപുറമേ മലയാളി നടികളായ ഉര്‍വശി, മഞ്ജുപിള്ള എന്നിവരും ചിത്രത്തിലുണ്ട്.

കമല്‍ തന്നെ തിരക്കഥ രചിച്ചിട്ടുള്ള ചിത്രത്തിലെ ഗാനം വിവാദങ്ങള്‍ക്കിടയാക്കിയിരുന്നു. ഈ ഗാനം ചിത്രത്തില്‍ നിന്നും നീക്കിയാണ് റീലീസ് ചെയ്യുന്നത്. റെഡ് ജെയിന്റ് മൂവീസിന്റെ ബാനറില്‍ ഉദയനിധി സ്റ്റാലിന്‍ ആണ് മന്‍മദന്‍ അമ്പ് നിര്‍മിച്ചിരിക്കുന്നത്.

LEAVE YOUR COMMENTS

Press ctrl+g to toggle between English and Malayalam.