Categories

Headlines

ഇന്ന് ഞാന്‍ ജീവനോടെ ഇരിക്കാന്‍ കാരണം മനോജ് കെ ജയന്‍: മഞ്ജു വാര്യര്‍

തിരുവനന്തപുരം: സിനിമയുടെ ഷൂട്ടിങ്ങിനിടെ താരങ്ങള്‍ക്ക് പല തരത്തിലുള്ള അപകടങ്ങളും പറ്റാറുണ്ട്. ചിലര്‍ അതില്‍ നിന്നെല്ലാം അത്ഭുതകരമായി രക്ഷപ്പെടുകയും ചെയ്യും. അത്തരത്തില്‍ സിനിമാ ഷൂട്ടിങ്ങിനിടെ താനും മരണത്തെ മുഖാമുഖം കണ്ടുവെന്ന് പറയുകയാണ് നടി മഞ്ജുവാര്യര്‍.

താന്‍ നായികമായി വേഷമിട്ട ആദ്യ ചിത്രമായ സല്ലാപം എന്ന സിനിമയുടെ ഷൂട്ടിങ്ങിനിടെ മരണത്തെ മുന്നില്‍ കണ്ട അനുഭവം തുറന്ന് പറയുകയാണ് മഞ്ജു.

ചിത്രത്തിന്റെ ക്ലൈമാക്‌സ് ട്രെയിനിന് മുന്നില്‍ ചാടാന്‍ വേണ്ടി ഓടുന്ന രംഗമാണ്. ആ സമയം ഏതോ ഒരു അമാനുഷിക ശക്തി തന്നെ ഓടാന്‍ പ്രേരിപ്പിച്ചെന്ന് മഞ്ജു പറയുന്നു.

ട്രെയിനിന്റെ ഏതോ ഒരു കമ്പയിലോ കൊളുത്തിലോ എന്റെ മുടി നാര് തൊട്ടിരുന്നു. പക്ഷേ എങ്ങനെയോ മനോജേട്ടന് എന്നെ പിടിച്ചുനിര്‍ത്താന്‍ സാധിച്ചു. ഇന്ന് ഞാന്‍ ജീവനോടെ ഇരിക്കാന്‍ കാരണം ഒരു പക്ഷെ മനോജേട്ടനാണ്- മഞ്ജു പറയുന്നു.

മഴവില്‍ മനോരമ ചാനലില്‍ റിമി ടോമി അവതരിപ്പിക്കുന്ന ഒന്നും ഒന്നും മൂന്ന് എന്ന പരിപാടിക്കിടെയായിരുന്നു മഞ്ജുവിന്റെ പരാമര്‍ശം. എപ്പിസോഡിന്റെ പ്രമോ വീഡിയോ പുറത്തുവന്നിട്ടുണ്ട്.

പുതിയ ചിത്രമായ കെയര്‍ ഓഫ് സൈറ ഭാനുവിന്റെ പ്രമോഷനുമായി ബന്ധപ്പെട്ടാണ് ഷയിന്‍ നിഗത്തിനൊപ്പം മഞ്ജു പരിപാടിയില്‍ അതിഥിയായി എത്തിയത്.

Tagged with:


നിങ്ങള്‍ ഇന്ത്യയെ അപമാനിച്ചു; ഇനി ഇവിടേക്ക് തിരിച്ചുവരണമെന്നില്ല; സ്വാതന്ത്ര്യദിനത്തില്‍ ധരിച്ച വസ്ത്രത്തിന്റെ പേരില്‍ പ്രിയങ്കയെ കടന്നാക്രമിച്ച് സോഷ്യല്‍മീഡിയയില്‍ തീവ്രദേശീയ വാദികള്‍

ന്യൂദല്‍ഹി: ട്രോളുകാരുടെ ആക്രമണത്തിന് മിക്കപ്പോഴും ഇരയാകുന്ന വ്യക്തിയാണ് ബോളിവുഡ് താരം പ്രിയങ്ക ചോപ്ര. പലപ്പോഴും പ്രിയങ്ക ട്വിറ്ററിലും ഇന്‍സ്റ്റഗ്രാമിലും പോസ്റ്റു ചെയ്യുന്ന ചിത്രങ്ങളാണ് പ്രിയങ്കയെ ആക്രമിക്കാനായി സദാചാരക്കാര്‍ ഉപയോഗിക്കാറ്.ഇന്ത്യന്‍ പതാകയുടെ നിറത്തിലുള്ള ഷോള്‍ ധരിച്ച് സ്വാതന്ത്ര്യദിനാശംസ പറഞ്ഞതിന്റെ പേരിലാണ് ഇത്തവണ സൈബര്‍ ആക്രമണത്തിന് പ്

സ്വാതന്ത്ര്യദിനാഘോഷ പരിപാടി അട്ടിമറിക്കാന്‍ പിണറായിയുടെ ഓഫീസില്‍ അര്‍ദ്ധരാത്രിയില്‍ ഗൂഢാലോചന നടന്നെന്ന് സുരേന്ദ്രന്‍; കളക്ടര്‍ക്കും എസ്.പിക്കും ഉന്നതനുമെതിരെ കേസെടുക്കണമെന്നും ആവശ്യം

തിരുവനന്തപുരം: പാലക്കാട് സ്‌കൂളില്‍ ചട്ടംലംഘിച്ച് പതാകയുയര്‍ത്തിയ ആര്‍.എസ്.എസ് സര്‍സംഘ്ചാലക് മോഹന്‍ ഭാഗവതിനെതിരെ കേസെടുക്കണമെന്ന നിര്‍ദേശത്തിനെതിരെ രൂക്ഷവിമര്‍ശനവുമായി ബി.ജെ.പി നേതാവ് കെ. സുരേന്ദ്രന്‍.പതാകയുയര്‍ത്തിയതിന്റെ പേരില്‍ കേസ്സെടുക്കേണ്ടത് മോഹന്‍ ഭഗവതിനെതിരെയല്ലെന്നും സ്വാതന്ത്ര്യദിനാഘോഷ പരിപാടി അട്ടിമറിക്കാന്‍ ശ്രമിച്ചവര്‍ക്കെതിരെയാണെന്നും കെ