Categories

മഞ്ചാടിക്കുരു; കുട്ടികളുടെ നാടകക്കളരി ഏപ്രില്‍ 24 മുതല്‍ 30 വരെ

കോഴിക്കോട്: കുട്ടികളുടെ സര്‍ഗശേഷി വളര്‍ത്താനും അവരുടെ അഭിരുചികളെ പരിപോഷിപ്പിക്കുന്നതിനുമായി വെള്ളിമാടുകുന്ന് റെഡ് യംഗ്‌സിന്റെ ആഭിമുഖ്യത്തില്‍ നടത്തുന്ന കുട്ടികളുടെ നാടകക്കളരി ‘മഞ്ചാടിക്കുരു സീസണ്‍ 5’ 24 മുതല്‍ 30 വരെ വെള്ളിമാടുകുന്ന് വെച്ച് നടത്തും.

കഴിഞ്ഞ അഞ്ചുവര്‍ഷമായി നടത്തിവരുന്ന ഈ ക്യാമ്പ് ഇപ്പോള്‍ കോഴിക്കോട് ജില്ലയിലെ പ്രധാനപ്പെട്ട ക്യാമ്പുകളിലൊന്നായി മാറിയിരിക്കുകയാണ്.

നാടക, സിനിമ, സംഗീത, സാംസ്‌ക്കാരിക മേഖലകളിലെ പ്രമുഖ വ്യക്തിത്വങ്ങളെല്ലാം ഇവിടെ ഓരോ വര്‍ഷവും സമ്മേളിക്കാറുണ്ട്. ഏഴ് ദിവസങ്ങളിലായാണ് ക്യാമ്പ് നടക്കുന്നത്. കേരളത്തിലെ വിവിധ ജില്ലകളിലെ അറുപത് കുട്ടികള്‍ ക്യാമ്പില്‍ പങ്കെടുക്കും. യോഗ, വിനോദം, വിജ്ഞാനം, പ്രകൃതി പഠനം തുടങ്ങിയ വ്യത്യസ്ത വിഷയങ്ങളിലൂടെയാണ് ക്യാമ്പ് സഞ്ചരിക്കുന്നത്.

ഓരോ വിഷയത്തിനും പ്രഗദ്ഭരായ അധ്യാപകര്‍ കുട്ടികള്‍ക്ക് പരിശീലനം നല്‍കുന്നു. എല്ലാ ദിവസവും വൈകുന്നേരങ്ങളില്‍ കലാസാംസ്‌ക്കാരിക പരിപാടികള്‍ പൊതുജനങ്ങള്‍ക്കായി അവതരിപ്പിക്കും. മഞ്ചാടിക്കുരു ഗ്രൂപ്പ് , എ ശാന്തകുമാറിന്റെ ‘ വീടുകള്‍ക്കെന്തുപേരിടും’ എന്ന നാടക പുസ്തകം പ്രസിദ്ധീകരിച്ചുകൊണ്ട് പ്രസിദ്ധീകരണ രംഗത്തേക്കും പ്രവേശിച്ചിട്ടുണ്ട്.

ഇത്തവണത്തെ ക്യാമ്പില്‍ നടന്‍ ജോയ് മാത്യു, മാമുക്കോയ, പ്രകാശ് ബാരെ, ടിവി ബാലന്‍, സിവിക് ചന്ദ്രന്‍, ജയപ്രകാശ് കൂളൂര്‍, വിധു വിന്‍സെന്റ്, വിജയരാഘവന്‍ ചേലിയ, ശോഭീന്ദ്രന്‍ മാസ്റ്റര്‍, റീനു രാമാനന്ദ്, ഷാഹിന കെ, റഫീഖ്, ബൈജു മേരിക്കുന്ന് തുടങ്ങിയവര്‍ ക്യാമ്പിന് നേതൃത്വം നല്‍കും. ഗുരു ചേമഞ്ചേരി ക്യാമ്പിന്റെ ഉദ്ഘാടനവേളയില്‍ പങ്കെടുക്കും.

Tagged with:


മുസ്‌ലിങ്ങള്‍ക്ക ഒത്തു ചേരുന്നതിന് വെള്ളിയും ക്രിസ്ത്യനികള്‍ക്ക് ഞായറുമുള്ളതുപോലെ ഹിന്ദുക്കള്‍ക്കില്ല;’ഹിന്ദു തീവ്രവാദികള്‍ പശുവിനെ വെട്ടി ക്ഷേത്രത്തിലിട്ട് മുസ്‌ലിമിന്റെ തലയില്‍ വച്ച് സമ്മര്‍ദ്ദമുണ്ടാക്കുന്നു; രാഹുല്‍ ഈശ്വര്‍ വീഡിയോ കാണം

 കൊച്ചി: ഹിന്ദുക്കളെയും മുസ്‌ലിങ്ങളെയും പരസ്പ്പരം തെറ്റിക്കാന്‍ ഹിന്ദു തീവ്രവാദികള്‍ ശ്രമിക്കാറുണ്ടെന്നും പശുവിനെ വെട്ടി അമ്പലത്തിലിട്ട് അത് മുസ്ലിങ്ങളുടെ തലയില്‍ വയ്ക്കുന്നുവെന്നും രാഹുല്‍ ഈശ്വര്‍. മുസ്‌ലിം സഹോദരന്മാര്‍ക്ക് ഒത്തു ചേരുന്നതിന് വെള്ളിയാഴ്ച ക്രിസ്ത്യന്‍ സഹോദരന്മാര്‍ക്ക് ഒത്തു ചേരുന്നതിന് ഞായറാഴ്ചയുമുള്ളതുപോലെ ഹിന്ദുക്കള്‍ക്ക് ഒരു ദിവസമില