Categories

‘ചെറിയ മനോരോഗമുള്ള സന്തോഷ് പണ്ഡിറ്റിനും പ്രേക്ഷകരുണ്ടാവുന്നത് കഷ്ടം’

ചെറിയ മനോരോഗമുള്ള സന്തോഷ് പണ്ഡിറ്റിനെ പോലുള്ളവരുടെ സിനിമക്കും കേരളത്തില്‍ പ്രേക്ഷകരുണ്ടാകുന്നത് കഷ്ടമാണെന്ന് ചലച്ചിത്ര താരം മാമുക്കോയ. ഇത് കാണാനും ആളുണ്ടാകുന്നതാണ് ഇത്തരം സിനിമകള്‍ക്ക് വന്‍ പ്രചാരം ലഭിക്കാന്‍ കാരണമെന്നും അദ്ദേഹം പറഞ്ഞു. ദുബൈയില്‍ വാര്‍ത്താ ലേഖകരോട് സംസാരിക്കുകയായിരുന്നു അദ്ദേഹം.

സ്വന്തമായി സിനിമയൊരുക്കി അത് തിയ്യേറ്ററിലെത്തിച്ച സന്തോഷ് പണ്ഡിറ്റിന്റെ സാഹസികത താന്‍ അംഗീകരിക്കുന്നു. വീട് വരെ വിറ്റാണ് അയാള്‍ സിനിമയെടുക്കുന്നത് എന്നാണ് അറിയുന്നത്. ഇത്തരം ആളുകള്‍ക്ക് എന്ത്‌കൊണ്ടാണ് അംഗീകാരം ലഭിക്കുന്നതെന്ന് മനസിലാവുന്നില്ലെന്നും അദ്ദേഹം പറഞ്ഞു. 30 വര്‍ഷം നാടകത്തില്‍ അഭിനയിച്ചശേഷമാണ് താന്‍ സിനിമയിലെത്തിയത്. അവാര്‍ഡിന് വേണ്ടി ഒരിക്കലും അഭിനയിച്ചിട്ടില്ല. എങ്കിലും ചില അംഗീകാരങ്ങള്‍ തേടിയെത്തിയതില്‍ സന്തോഷമുണ്ടെന്നും മാമുക്കോയ വ്യക്തമാക്കി.

പലര്‍ക്കും അര്‍ഹിച്ച പരിഗണന സര്‍ക്കാറിന്റെ ഭാഗത്തുനിന്ന് ലഭിക്കാറില്ല. നൂറുകണക്കിന് ചിത്രങ്ങളില്‍ അഭിനയിക്കുകയും ഒട്ടേറെ സിനിമകളുടെ സംവിധാനം നിര്‍വഹിക്കുകയും നിര്‍മിക്കുകയും ചെയ്ത മധുവിന് ഇതുവരെ പത്മശ്രീ ലഭിച്ചിട്ടില്ല. എന്നാല്‍ ജയറാമിന് ലഭിച്ചിട്ടുണ്ടെന്നും അദ്ദേഹം അഭിപ്രായപ്പെട്ടു.

കോഴിക്കോട് ഗുരുവായൂരപ്പന്‍ കോളജ് അലുംനിയുടെ ‘തളിരിട്ട കിനാക്കള്‍’ എന്ന സംഗീത പരിപാടിയില്‍ പങ്കെടുക്കാന്‍ ദുബൈയിലെത്തിയതായിരുന്നു മാമുക്കോയ. പ്രമുഖ ഗായകന്‍ പത്മശ്രീ കെ.പി ഉദയഭാനു, തിരക്കഥാകൃത്തും സംവിധായകനുമായ രഘുനാഥ് പലേരി, അലുംനി യു.എ.ഇ ചാപ്റ്റര്‍ പ്രസിഡന്റ് സലീം, പ്രോഗ്രാം ജന.കണ്‍വീനര്‍ കെ.കെ സതീഷ് എന്നിവരും വാര്‍ത്താസമ്മേളനത്തില്‍ പങ്കെടുത്തു.

ഇന്ന് വൈകുന്നേരം ആറിന്് ദുബൈ ശൈഖ് റാശിദ് ഓഡിറ്റോറിയത്തിലാണ് പരിപാടി. ബാബുരാജിന്റെ 24 പാട്ടുകള്‍ ഗായകരായ സതീഷ് ബാബു, ദലീമ എന്നിവരും യു.എ.ഇയില്‍ നിന്നുള്ള റിയാസ്, അഭിരാമി എന്നീ ഗായകരും ആലപിക്കും. രഘുനാഥ് പലേരിയാണ് പരിപാടി സംവിധാനം ചെയ്യുന്നത്.

malayalam news

10 Responses to “‘ചെറിയ മനോരോഗമുള്ള സന്തോഷ് പണ്ഡിറ്റിനും പ്രേക്ഷകരുണ്ടാവുന്നത് കഷ്ടം’”

  1. preethi

    അത്യന്താധുനിക വിപനനതന്ത്രത്തിന്റെ ഉപത്ന്യാതാവാണ് ഈ സന്തോഷ്‌ പണ്ഡിറ്റ്‌..ജനങ്ങള്‍ തന്നെ അയാള്‍ക് പ്‌ബ്ലിസിടി ഉണ്ടാക്കി കൊടുക്കുന്നു..ഒരു ചിലവുമില്ലാതെ അയാളുടെ സിനിമക്ക് പരസ്യവാചകം ഉണ്ടാക്ക്കുന്നു അറിഞ്ഞോ അറിയാതെയോ ഞാന്‍ ഉള്‍പെടെ ഉള്ള മലയാളികള്‍…ഒരു മഴയ്ക്ക് മുളച്ച തകരകളെ വെള്ളം ഒഴിച്ചു വളര്‍ത്താന്‍ മാത്രം വിഡ്ഢികളും മന്ദബുധികളും അല്ല മലയാളികള്‍ എന്ന് വിശ്വസിക്കാം..

  2. sakeer

    സിനിമ എടുക്കാന്‍ വരുന്നവര്‍ ആദ്യം മനശാസ്ത്രം പടിച്ചുവരുക ….

  3. KP ANIL

    പല പല സംഘടനകള്‍ ഉണ്ടാക്കി ദിവസവും പരസ്പരം തെറി വിളി നടത്തുന്ന മലയാള സിനിമ പ്രവര്‍ത്തകര്‍ ഒരിക്കല്‍ എങ്കിലും പ്രക്ഷകരെ ഓര്‍ത്തിട്ടുണ്ടോ? സ്വന്തം പേര് നിലനിര്‍ത്താന്‍ ആരെ വേണം എങ്കിലും ചവിട്ടി അരക്കാന്‍ തയാരായ് കൊമ്പത്തെ ആണ് എന്ന് പറഞ്ഞു കൊണ്ട് വരുന്ന സിനിമകള്‍ പലതും ഇതിനെ കാട്ടില്‍ വൃത്തി കേട്ടതാണ്. ആദ്യം സ്വയം നന്നാകുക എന്നിട്ട് മറ്റുള്ളവരെ നന്നാക്കുക.

  4. RAKESH

    സിനിമയില്‍ അല്‍പന്മാര്‍ക്കു പഞ്ഞമില്ല എന്നതിന് തെളിവാണിത്. കഴിവുള്ളവര്‍ സിനിമയെടുക്ക്ട്ടെ. നമുക്ക് പറ്റാത്തത് മറ്റുള്ളവര്‍ ചെയ്യുമ്പോള്‍ എന്തിനാണ് എത്രയും രോക്ഷം കൊള്ളുന്നത്‌. അത് അയാളുടെ സിനിമയാണ്, അയാളുടെ പണമാണ്. അല്ലെതെ ഈ വിമര്‍ശകര്‍ എന്തങ്കിലും അയാള്‍ക്ക് കൊടുത്തിട്ടുണ്ടോ? എത്രയും അവാര്‍ഡുകള്‍ വാരിക്കൂട്ടിയ മമ്മൂടിയും, മോഹന്‍ലാലും ഒന്നും മിണ്ടാത്തത് അവര്‍ക്ക് സംസ്കരമുല്ലതുകൊണ്ടാണ്.അവര്‍ക്കറിയാം അതിന്റെ പിന്നിലുള്ള പ്രയാസങ്ങള്‍. മലയാളത്തില്‍ മോഷ്ടിച്ച കഥകള്‍ പോലും സിനിമയാക്കിയപ്പോള്‍ മിണ്ടാതിരുന്ന ചില വിലകുറഞ്ഞ സഹനടന്മാര്‍ വിമര്‍ശിക്കുന്നതിനു മുന്‍പ് ഒന്നോര്‍ക്കുക. നിങ്ങള്ക്ക് ഇതിന്റെ പകുതി ചെയ്യാന്‍ കഴിയുമോ? നിങ്ങള്‍ക്ക് അയാളുടെ പകുതി വിധ്യഭ്യസമുണ്ടോ?

  5. ശുംഭന്‍

    എന്തിനാ മാമൂ ഇത്രയും അസൂയ. വാണിജ്യ സിനിമകളുടെ നിലവാരം അളക്കുന്നത് കാണികളുടെ എണ്ണം നോക്കിയാണെന്നു നിങ്ങളൊക്കെ പറയാറില്ലേ? എന്നിട്ടിപ്പോള്‍ അതിനും കുറ്റം പറയുന്നോ? മാമു അഭിനയിച്ചത് മുഴുവന്‍ ക്ലാസ്സിക് സിനിമകള്‍ ആയിരുന്നോ? അസൂയ മൂത്ത് ഇത്രയ്ക്കു ചെറുതാകല്ലേ മാമൂ.

  6. subin

    നിങ്ങളുടെ പരാക്രമങ്ങള്‍ മുഴുവന്‍ കലയും സന്തോഷിന്റെതു പ്രാന്തും .

  7. J.S. Ernakulam.

    കഴിവുല്ലവനെ കാണാന്‍ ഗ്ലാമര്‍ ഇല്ലെങ്കില്‍ അങ്ങികരിക്കില്ല എന്നത് മലയാള സിനിമയുടെ ശാപമാണ്…
    കോടികള്‍ മുടക്കിയ സുപര്‍ താര സിനിമകള്‍ രണ്ടു ദിവസം തികച്ചു തിയേറ്ററില്‍ ഓടാതപ്പോള്‍,
    ശക്കില മലയാള സിനിമയെ തകര്‍ച്ചയില്‍ നിന്നും രക്ഷിച്ചതുപോലെ,
    സന്തോഷ്‌ ചെറുപ്പക്കാരില്‍ ആവേശം ജനിപ്പിക്കുന്നു….
    സുപര്‍താരങ്ങളെ പോലും വെറുക്കുന്ന പ്രേക്ഷകര്‍ താങ്കളെയും വെറുക്കുന്നതില്‍ അല്ബുധപ്പെടനില്ല….

    മുടക്ക് മുതല്‍ തിരിച്ചു കിട്ടിയെങ്കില്‍ സന്തോഷു താങ്കള്‍ ഭാഗ്യവാനാണ്…

  8. Sunil Abdulkadir

    കഷ്ടം, ഒരു മാനസിക രോഗിയായ സന്തോഷിനു വേണ്ടി, മലയാളം സിനിമക്ക് കിട്ടിയ നല്ല നടന്മാരില്‍ ഒരാളായ മാമുകൊയയെ പോലെ ഒരാളെ അവഹേളിക്കുന്ന രീതിയല്‍ അഭിപ്രായങ്ങള്‍ എഴുതിയ ആള്‍കാരുടെ മാനസികാവസ്ഥ കേരളത്തിന്റെ ഭാവിയെ പറ്റി ചിന്തിക്കുന്നവര്‍ക്ക് ഭീതി ജനിപ്പികുന്നതാണ്

  9. Biyas

    മലയാള സിനിമയെ പറ്റി ഇത്രയും വ്യാകുല പെടുന്ന താങ്കള്‍ ഉള്‍പെടുന്ന ആള്‍ക്കാരുടെ ചവറു പടങ്ങള്‍ ആണ് ഞങ്ങള്‍ കുറച്ച നാള്‍ ആയി കണ്ട കൊണ്ടിരിയ്ക്കുന്ത് . കഴിഞ്ഞ 2 കൊല്ലതിനടയ്ക്ക് എത്ര നല്ല പടങ്ങള്‍ ഇവിടെ ഇറങ്ങിയിട്ടുണ്ട് . Christian brothers um china town um ഒക്കെ വിജയിക്കമാനെകില്‍ എന്തുകൊണ്ട് കൃഷണനും രാധയും ഇവിടെ വിജയിച് കൂടാ … പ്രേക്ഷകരോട് യാതൊരു പ്രതിബദ്ധതയും ഇല്ലാതെ കൂതറ പടങ്ങള്‍ ഇറക്കുന്ന മലയാള cinema മേലാളന്മാരുടെ ടെ മോന്തയ്ക്ക് കിട്ടിയ ഒരു കാര്‍ക്കിച് തുപ്പാണ് ഈ cinema…..

  10. rayappan

    സന്തോഷ്‌ ഒരു ജീനിയസ് ആണ്. മനോരോഗി അല്ല…
    അയാളുടെ പടം കണ്ടു തെറി വിളിക്കുന്നവരാണ് യഥാര്‍ത്ഥ മാനോരോഗികള്‍.

LEAVE YOUR COMMENTS

Press ctrl+g to toggle between English and Malayalam.