Administrator
Administrator
മമ്മൂട്ടിയുടെ ‘ദ്രോണ’ 21ന് തിയേറ്ററുകളിലെത്തും
Administrator
Monday 18th January 2010 12:24pm

മമ്മൂട്ടിയുടെ 2010ലെ ആദ്യ ചിത്രമായ ദ്രോണ ഈ മാസം 21ന് തിയേറ്ററുകളിലെത്തും. പട്ടാഴി മാധവന്‍ നമ്പൂതിരി എന്ന കഥാപാത്രത്തെയാണ് സിനിമയില്‍ മമ്മൂട്ടി അവതരിപ്പിക്കുന്നത്. വാസ്തുശില്‍പ്പിയും മന്ത്രവാദിയുമായ ബ്രാഹ്മണനാണ് ഈ നമ്പൂതിരി.

മന്ത്ര തന്ത്ര വിദ്യകളിലുള്ള അഗാധമായ അറിവും വാസ്തുവിദ്യ അനുസരിച്ച് വലിയ കെട്ടിടങ്ങള്‍ നിര്‍മ്മിക്കുന്നതില്‍ പ്രാഗത്ഭ്യവുമുള്ളയാളാണ് നമ്പൂതിരി. ഒരു പ്രേതഭവനത്തിലേക്കുള്ള നമ്പൂതിരിയുടെ കടന്നു വരവും അതെത്തുടര്‍ന്നുണ്ടാകുന്ന പ്രശ്‌നങ്ങളുമാണ് ദ്രോണയില്‍ വഴിത്തിരിവാകുന്നത്. സുനിതാ പ്രൊഡക്ഷന്‍സിന്റെ ബാനറില്‍ എം മണിയാണ് ചിത്രം നിര്‍മ്മിക്കുന്നത്.

നവ്യ നായര്‍, കനിഹ എന്നിവരാണ് നായികമാര്‍ . റീമ കല്ലിങ്കല്‍ ഈ ചിത്രത്തിലൊരു പ്രധാന കഥാപാത്രത്തെ അവതരിപ്പിച്ചിരിക്കുന്നു. ഇവര്‍ക്കു പുറമെ തിലകന്‍, മനോജ്.കെ. ജയന്‍, സായ്കുമാര്‍, സുരാജ് വെഞ്ഞാറമൂട്, ബാല, വിജയകുമാര്‍, ഇര്‍ഷാദ്, കൊല്ലം തുളസി, ശ്വേത വിജയ് തുടങ്ങിയവരും അഭിനയിച്ചിരിക്കുന്നു. കഥ, തിരക്കഥ, സംഭാഷണം: എ.കെ. സാജന്‍. ഗാനരചന: കൈതപ്രം. സംഗീതം: ദീപക് ദേവ്.

Advertisement