Categories

പിണറായി സാമ്പത്തിക ഇടപാട് നടത്തിയതിന് തെളിവില്ല: സി.ബി.ഐ

കൊച്ചി : ലാവ്‌ലിന്‍ കേസില്‍ സി.പി.ഐ.എം സംസ്ഥാന സെക്രട്ടറി പിണറായി വിജയന്‍ സാമ്പത്തിക ഇടപാട് നടത്തിയതിന് തെളിവില്ലെന്ന് സി.ബി.ഐയുടെ അന്തിമ റിപ്പോര്‍ട്ട്. റിപ്പോര്‍ട്ട് ഇന്ന് തിരുവനന്തപുരത്തെ പ്രത്യേക സി.ബി.ഐ കോടതിയില്‍ സമര്‍പ്പിക്കും.

ലാവ്‌ലിന്‍ ഇടപാടുമായി ബന്ധപ്പെട്ട് പിണറായി വിജയന്‍ പണമിടപാട് നടത്തിയെന്ന് ക്രൈം എഡിറ്റര്‍ നന്ദകുമാറും ദീപക് കുമാറും നല്‍കിയ മൊഴികളുടെ അടിസ്ഥാനത്തിലാണ് കോടതി നിര്‍ദ്ദേശപ്രകാരം സി.ബി.ഐ പിണറായിയ്‌ക്കെതിരെ വിശദമായ അന്വേഷണം നടത്തിയത്.

ലാവ്‌ലിന്‍ ഇടപാടിലെ പണമിടപാട് നടന്നതായി ദിലീപ് രാഹുലന്‍ നല്‍കിയ കൊച്ചിയിലെ ബാങ്ക് അക്കൗണ്ട് വിവരങ്ങള്‍ പരിശോധിച്ച സി.ബി.ഐ സംഘത്തിന് ഒരു തെളിവും കണ്ടെത്താനായില്ല. പിണറായി വിജയന്റെ ബാങ്ക് അക്കൗണ്ടുകളും പരിശോധിച്ചെങ്കിലും ഇതിലും ക്രമക്കേടുകള്‍ കണ്ടെത്താനായില്ല.

ലാവ്‌ലിന്‍ കേസില്‍ സ്പീക്കര്‍ ജി.കാര്‍ത്തികേയന്റെ പങ്കിനെ കുറിച്ചറിയാന്‍ അദ്ദേഹത്തെ ചെന്നൈയില്‍ വിളിച്ച് വിശദമായി ചോദ്യം ചെയ്‌തെങ്കിലും ഇദ്ദേഹത്തിന് ഇടപാടില്‍ പങ്കുള്ളതായി കണ്ടെത്താനായില്ലെന്നുമാണ് സി.ബി.ഐ വ്യക്തമാക്കുന്നത്. കേസില്‍ പിണറായി വിജയന് പങ്കില്ലെന്ന കണ്ടെത്തല്‍ പക്ഷേ അദ്ദേഹത്തന്റെ പങ്ക് സംബന്ധിച്ച് നേരത്തെ നടത്തിയിട്ടുള്ള കണ്ടെത്തലിനെ ദുര്‍ബലപ്പെടുത്തുന്നതാണെന്നുമാണ് സി.ബി.ഐ യുടെ നിലപാട്‌.

Malayalam News

Kerala News In English

One Response to “പിണറായി സാമ്പത്തിക ഇടപാട് നടത്തിയതിന് തെളിവില്ല: സി.ബി.ഐ”

  1. Satheesh Kuar

    നന്ദകുമാര്‍ എന്ന ക്വട്ടേഷന്‍ മാധ്യമ ഗുണ്ട തെളിലില്ലാത്ത ആരോപണങ്ങളുമായി ഹരജി കൊടുക്കും, ഇല്ലാക്കഥകള്‍ ക്രൈം വഴി വാര്‍ത്തയാക്കും. അത് ഇവിടുത്തെ കുത്തക പത്രങ്ങള്‍ ഒരു നാണവുമില്ലാതെ കടമെടുത്ത് വലിയ വാര്‍ത്തയാക്കും…. കമ്യൂണിസ്റ്റ് വിരുദ്ധര്‍ ഈവാര്‍ത്തകള്‍ ആഘോഷിക്കും. കിളിരൂര്‍, പിണറായിയുടെ ബംഗ്ളാവ്, കമല ഇന്‍റര്‍നാഷണല്‍, ലാവ്ലിന്‍ എല്ലാം ഇതിനു മുന്‍പ് കോടതികള്‍ തള്ളിക്കളഞ്ഞതാണ്. സഖാക്കളുടെ കുടുംബാംഗങ്ങളെക്കുറിച്ചും നന്ദകുമാര്‍ ഒരു തെളിവുമില്ലാത്ത ആരോപണങ്ങള്‍ ഉന്നയിച്ചിരുന്നു. അതെല്ലാം പൊളിഞ്ഞു പാളീസായി. ചെങ്കൊടി തീജ്വാലപോലെ പവിത്രമാണെന്ന് അഗ്നിശുദ്ധിവരുത്തി തെളിയിച്ചു. ഇനിയെങ്കിലും ഈ വൃത്തികെട്ട മാധ്യമപ്രവര്‍ത്തനവും അതിന്‍റെ അടിസ്ഥാനത്തിലുള്ള കമ്മ്യൂണിസ്റ്റ് വിരുദ്ധരാഷ്ട്രീയവും നിര്‍ത്തുമോ? ലോകമിന്ന് മാര്‍ക്സിസത്തിന്‍റെ പ്സക്തി കൂടുതല്‍ തിരിച്ചറിയുകയാണ്. മാര്‍ക്സാണ് ശരി എന്ന് മുതലാളിത്തത്തിന്‍റെ മെക്കയായ അമേരിക്കന്‍ ജനത പോലും സമ്മതിക്കുന്നു. പല മുതലാളിത്ത രാജ്യങ്ങളും സോഷ്യലിസ്റ്റ് വികസന പാത തിരഞ്ഞെടുക്കുന്നു. എന്നിട്ടും ഇവിടെ മതത്തരാഷ്‌ട്രീയത്തിന്‍റേയും വൃത്തികെട്ട വലതുപക്ഷരാഷ്ട്രീയത്തിന്‍റെ പൊട്ടക്കിണറ്റില്‍ ചിലര്‍…

LEAVE YOUR COMMENTS

Press ctrl+g to toggle between English and Malayalam.