Administrator
Administrator
സന്നിധാനത്തുവെച്ച് യുവതിയെ പിടികൂടി
Administrator
Monday 19th December 2011 12:30pm

പത്തനംതിട്ട : ശബരിമല സന്നിധാനത്തു വെച്ച് യുവതിയെ പിടികൂടി. ആന്ധ്രാപ്രദേശ് സ്വദേശിനി സരസ്വതിയെയാണ് ദ്രൂതകര്‍മ്മ സേന പിടികൂടിയത്.  35 കാരിയായ സരസ്വതി പതിനെട്ടാം പടി ചവുട്ടി മുകളില്‍ എത്തിയതിനു ശേഷമാണ് ഇവരെ പിടികൂടാന്‍ കഴിഞ്ഞത്.

കറുത്ത തോര്‍ത്ത് മുഖത്ത് മറിച്ച് മുകളിലെത്തിയ ഇവരെക്കണ്ട് സംശയം തോന്നിയ ദ്രൂതകര്‍മ്മ സേന പരിശോധിക്കുകയായിരുന്നു. ഐഡന്റിന്റി കാര്‍ഡ് പരിശോധിച്ചതില്‍ നിന്നുമാണ് ഇവര്‍ക്ക് 35 വയസ്സാണെന്ന് മനസ്സിലാകുന്നത്. ആന്ധ്രപ്രദേശില്‍ നിന്നെത്തിയ 35 സംഘത്തോടൊപ്പമാണ് ഇവര്‍ വന്നത്.

പമ്പ മുതല്‍ സന്നിധാനം വരെ ദ്രുതകര്‍മ്മ സേന സജ്ജരായിട്ടും ഇവരെ പിടികൂടാന്‍ കഴിഞ്ഞില്ല. ആദ്യമായാണ് ഈ മണ്ഡലകാലത്ത് ഒരു യുവതി പതിനെട്ടാം പടി ചവുട്ടി മുകളിലെത്തുന്നത്. ശബരിമലയിലെ ആചാരമനുസരിച്ച് 50 വയസ്സില്‍ താഴെ പ്രായമുള്ള സ്ത്രീകള്‍്ക്ക് സന്നിധാനത്ത് പ്രവേശനം ഇല്ല. കഴിഞ്ഞ ദിവസം സന്നിധാനത്ത് കടക്കാന്‍ ശ്രമിച്ച സ്ത്രീയെ പതിനെട്ടാം പടിയ്ക്ക് താഴെ വെച്ച് പിടികൂടിയിരുന്നു.

Malayalam News

Kerala News In English

Advertisement