Administrator
Administrator
ചത്തീസ്ഗഢില്‍ ഹെലികോപ്റ്ററിനു നേരെ നക്‌സല്‍ ആക്രമണം
Administrator
Thursday 22nd December 2011 12:50am

ദന്തേവാഡ: ചത്തീസ്ഗഡിലെ ദന്തേവാഡ ജില്ലയില്‍ വ്യോമസേനയുടെ ഹെലിക്കോപ്റ്ററിനു നേരെ നക്‌സല്‍ ആക്രമണം. ഹെലിക്കോപ്റ്ററിലുണ്ടായിരുന്ന അഞ്ചു സൈനികരും പൈലറ്റും സുരക്ഷിതരാണെന്ന് അധികൃതര്‍ അറിയിച്ചു.

പോലീസ്- സിആര്‍പിഎഫ് ദൗത്യസേനാംഗങ്ങള്‍ക്കു സഹായത്തിനായി അയച്ച ഹെലിക്കോപ്റ്ററിനു നേരെയാണ് നക്‌സലുകള്‍ വെടിവയ്പ്പു നടത്തിയത്.  ദന്തേവാഡ മേഖലയില്‍ നക്‌സലുകള്‍ക്കു നേരെ കഴിഞ്ഞ ആഴ്ച മുതല്‍ തന്നെ കനത്ത ആക്രമണം തുടങ്ങിയിട്ടുണ്ട്. നക്‌സല്‍ ആക്രമണത്തെ നേരിടാന്‍ പോലീസ്,സിആര്‍പിഎഫ് സേനയുടെ സഹായത്തിനു വേണ്ടിയാണ് വ്യോമസേനയുടെ എംഐ-17 ഹെലിക്കോപ്റ്റര്‍ അയച്ചത്.

ദന്തേവാഡയില്‍ നടത്തിയ ആക്രമണത്തിനിടെ ഒന്‍പതു നക്‌സലുകളെ പോലീസ് അറസ്റ്റു ചെയ്തു. ഇവരുടെ കയ്യില്‍ നിന്നും വന്‍ ആയുധശേഖരമാണ് പിടിച്ചെടുത്തത്.
ആക്രമണത്തിനു ഇരയായെങ്കിലും ഹെലിക്കോപ്റ്റര്‍ സുരക്ഷിതമായി ജഗ്ദല്‍പൂരില്‍ ഇറങ്ങിയതായി വ്യോമസേന വ്യക്തമാക്കി.

Malayalam News

Kerala News In English

Advertisement