Administrator
Administrator
കട്ട് കോപ്പി പിടി­കൂടിയ മലയാള സി­നി­മ­യിലെ തൊണ്ടി മുതല്‍
Administrator
Friday 23rd December 2011 7:08pm

നിറഞ്ഞ തിയേറ്ററുകളില്‍ കാലങ്ങളോളം കുടുംബങ്ങളെ കരയിപ്പിക്കുകയും ചിരിപ്പിക്കുകയും ചെയ്ത മലയാള സിനിമകള്‍ നമുക്കുണ്ടായിരുന്നു. മലയാളികള്‍ കൊണ്ടാടുന്ന പല താരങ്ങള്‍ക്കും ആരാധകരുടെ ഹൃദയത്തില്‍ ഇടം നേടിക്കൊടുത്ത സിനിമകള്‍.

പ്രേക്ഷകരുടെ ഹൃദയത്തെ തൊട്ട ഈ സിനിമകളും ദൃശ്യങ്ങളും ഹോളിവുഡ്, ബോളിവുഡ് സിനിമകളുടെ തനിപ്പകര്‍പ്പായിരുന്നുവെന്ന് കാണുമ്പോള്‍ മലയാള സിനിമാ ആസ്വാദകര്‍ നെഞ്ചത്ത് കൈവെക്കുകയാണിപ്പോള്‍.

മലയാള സിനിമയുടെ വസന്ത കാലത്ത് തുടങ്ങിയ കോപ്പിയടി ഒരു തടസ്സവുമില്ലാതെ ഇന്നും തുടരുന്നു. ചിലര്‍ തിരക്കഥ കോപ്പിയടിക്കുന്നു. മറ്റുചിലര്‍ സിനിമ മുഴുവനായും. ഈ കോപ്പിയടികള്‍ തിരിച്ചറിയുന്നുണ്ടെന്നറിഞ്ഞിട്ടും മടിയില്ലാതെ അതു തുടരുകയും ചെയ്യുന്നു.

കോപ്പിയടിയുടെ രൂപത്തില്‍ മലയാള സിനിമയില്‍ കടന്നുകൂടിയ മാലിന്യത്തെ അരിച്ചുമാറ്റുന്നതില്‍ മാധ്യമങ്ങള്‍ക്കും പങ്ക് വഹിക്കാം. മലയാള സിനിമയില്‍ നടക്കുന്ന ‘ഈച്ചക്കോപ്പി പ്രതിഭാസം’ തുറന്നുകാണിക്കാന്‍ എന്തുകൊണ്ടോ ഇത്രയും കാലം മാധ്യമങ്ങള്‍ക്കും കഴിഞ്ഞില്ല. മലയാളികള്‍ നെഞ്ചിലേറ്റിയ സിനിമകള്‍ പലതും തൊണ്ടിമുതലാണെന്ന് കാണിച്ചുകൊടുക്കുകയാണ് റിപ്പോര്‍ട്ടര്‍ ചാനലിലെ കട്ട് കോപ്പി പ്രോഗ്രാം. കട്ട് കോപ്പി പ്രൊഡ്യൂസര്‍ ബിശ്വാസ് ബാലനുമായി ഡൂള്‍ന്യൂസ് സീനിയര്‍ സബ്‌ എഡിറ്റര്‍ ജിന്‍സി ബാലകൃഷ്ണന്‍ സംസാരിക്കുന്നു.

സി­നി­മ­യെ­ക്കു­റി­ച്ച് പ­ല പ്രോ­ഗ്രാ­മു­കളും മ­ല­യാ­ളം ചാ­ന­ലു­ക­ളില്‍ വ­ന്നി­ട്ടുണ്ട്. കട്ട്‌­കോ­പ്പി പോ­ലു­ള്ള ഒ­രു­പ­രി­പാ­ടി ആ­ദ്യ­മാ­യാ­ണ്?

മ­റ്റ് ചി­ല ഭാ­ഷ­ക­ളില്‍ ഇതു­പോ­ലു­ള്ള ശ്രമങ്ങള്‍ ഉ­ണ്ടാ­യി­ട്ടുണ്ട്. മ­ല­യാ­ള­ത്തില്‍ ചില ചാ­ന­ലു­ക­ളില്‍ കട്ട് കോപ്പിയുടെ മൈക്രോവേര്‍ഷന്‍ എന്ന് പറയാവുന്ന പരിപാടികള്‍ വന്നിട്ടുണ്ട്. പ­ക്ഷെ കാ­ര്യ­മാ­യി റി­സര്‍­ച്ച്  ചെ­യ്­ത് ത­യ്യാ­റാക്കി­യ ഒ­ന്നാ­യി­രു­ന്നില്ല അ­വ­യൊ­ന്നും. ഉ­ദാ­ഹര­ണം  പ­റ­യു­ക­യാ­ണെ­ങ്കില്‍ ഈ പ­റക്കും തളി­ക എ­ന്ന ചി­ത്ര­ത്തി­ന്റെ  ക്ലൈ­മാ­ക്‌­സ് ‘ദില്‍വാലേ ദുല്‍ഹാനിയ ലേ ജായേംഗേ’ എ­ന്ന  ചി­ത്ര­ത്തി­ന്റെ­താ­ണെ­ന്ന് അ­വര്‍ കാ­ണി­ച്ചി­രുന്നു. സി­നി­മ­യു­ടെ  ഏ­തെ­ങ്കിലും ഭാ­ഗ­ങ്ങള്‍ എ­ടു­ത്ത് അ­ത് ഇ­ന്ന ഹോ­ളി­വുഡ് സി­നി­മ­യോ­ട്  അ­ല്ലെ­ങ്കില്‍ ബോ­ളി­വുഡ്  ഈ ഭാഗ­ത്ത് നി­ന്ന് കോ­പ്പി­ചെ­യ്­ത­താ­ണെ­ന്ന്  പ­റ­യാ­നാ­ണ് അ­വര്‍ ശ്ര­മി­ച്ചത്. പ­ക്ഷെ കുറച്ച്  എപ്പി­സോ­ഡു­കള്‍­ക്ക് മു­ക­ളില്‍ ആ പ­രി­പാ­ടി­കള്‍ പോ­യില്ല.

എ­ന്നാല്‍ ഒ­രു സി­നി­മ­യെ­ടു­ത്ത് അ­തി­ന്റെ പ­കു­തി­യി­ല­ധി­കം  കോ­പ്പി­യ­ടി­ച്ച­താ­ണെ­ന്ന് ഒ­റി­ജി­ന­ലി­ന്റെയും കോ­പ്പി­യു­ടെയും  ക്ലി­പ്പിം­ഗ്‌­സ് കാ­ണി­ച്ച് വ്യ­ക്ത­മാ­ക്കു­ക­യാ­ണ് ക­ട്ട് കോ­പ്പി  ചെ­യ്യു­ന്നത്. സ്‌ക്രിപ്ട്‌  ഇതില്‍ അധികം കൈകടത്തുന്നില്ല. സീ­നു­കള്‍  ത­ന്നെ എല്ലാം വി­ശ­ദീ­ക­രി­ക്കും.

NEXT PAGE

Advertisement