മെഗാസ്റ്റാര്‍ മമ്മൂട്ടിയും പ്രതിരോധമന്ത്രി എ.കെ ആന്റണിയും കൂടിക്കാഴ്ച നടത്തി. ദല്‍ഹിയിലായിരുന്നു കൂടിക്കാഴ്ച. ഷാജി കൈലാസിന്റെ ‘ ദി കിംഗ് ആന്റ് കമ്മീഷണര്‍’ എന്ന ചിത്രത്തിന്റെ ഷൂട്ടിങ്ങിനെത്തിയതായിരുന്നു മമ്മൂട്ടി.

20 മിനിറ്റോളം മമ്മൂട്ടി ആന്റണിയുമായി ചര്‍ച്ച നടത്തി. ആന്റണിയുമായി നടന്ന കൂടിക്കാഴ്ചയെക്കുറിച്ച് മമ്മൂട്ടി പ്രതികരിച്ചിട്ടില്ല.

Subscribe Us:

അതേസമയം, മമ്മൂട്ടി മകന്‍ ദുല്‍ക്കര്‍ സല്‍മാന്റെ വിവാഹം ക്ഷണിക്കുന്നതിനായാണ് ആന്റണിയെ കണ്ടതെന്ന റിപ്പോര്‍ട്ടുകള്‍ വന്നിട്ടുണ്ട്. ദുല്‍ക്കറിന്റെ വിവാഹം ഡിസംബറിലേക്കാണ് നിശ്ചയിച്ചിരിക്കുന്നത്.

ദല്‍ഹിയില്‍ കിംഗ് ആന്റ് കമ്മീഷണറിന്റെ ചിത്രീകരണം പുരോഗമിക്കുകയാണ്. സുരേഷ്‌ഗോപിയും ജനാര്‍ദ്ദനനനുമാണ് ഈ ഷെഡ്യൂളില്‍ പങ്കെടുക്കുന്ന മറ്റ് പ്രധാന താരങ്ങള്‍. പാര്‍ലമെന്റും സമീപപ്രദേശങ്ങളും കേന്ദ്രീകരിച്ചാണ് പ്രധാനമായും ചിത്രീകരണം. ഒരു കൊലപാതകത്തെക്കുറിച്ച് അന്വേഷിക്കാനാണ് തേവള്ളിപ്പറമ്പില്‍ ജോസഫ് അലക്‌സും ഭരത്ചന്ദ്രനും ഒരുമിച്ചിരിക്കുന്നത്.