Categories

കുഞ്ഞാലിക്കുട്ടിയുടെ മുന്‍ ഗണ്‍മാനെ മലപ്പുറം പാസ്‌പോര്‍ട്ട് ഓഫീസറായി നിയമിച്ചത് സി.ബി.ഐ അന്വേഷിക്കും

 

kunjalikutty

തിരുവനന്തപുരം: മലപ്പുറം പാസ്‌പോര്‍ട്ട് ഓഫീസര്‍ അബ്ദുള്‍ റഷീദിന്റെ നിയമനം സി.ബി.ഐ അന്വേഷിക്കും. വ്യവസായ മന്ത്രി പി.കെ കുഞ്ഞാലിക്കുട്ടിയുടെ മുന്‍ ഗണ്‍മാനാണ് അബ്ദുള്‍ റഷീദ്.

അബ്ദുള്‍ റഷീദിന്റെ രണ്ട് ബാങ്ക് അക്കൗണ്ടുകള്‍ സി.ബി.ഐ മരവിപ്പിച്ചു. രണ്ട് അക്കൗണ്ടുകളിലായി ലക്ഷക്കണക്കിന് രൂപയുണ്ടായിരുന്നു.

കുഞ്ഞാലിക്കുട്ടിയുടെ ഗണ്‍മാനായ കെ. അബ്ദുള്‍ റഷീദിനെ മലപ്പുറം പാസ്‌പോര്‍ട്ട് ഓഫീസറായി നിയമിച്ചതില്‍ തട്ടിപ്പുണ്ടെന്ന് കഴിഞ്ഞ ദിവസം പ്രതിപക്ഷ നേതാവ് വി.എസ് അച്യുതാനന്ദന്‍ ആരോപിച്ചിരുന്നു.

Ads By Google

പോലീസ് ഉദ്യോഗസ്ഥനായ ഒരാളെ പാസ്‌പോര്‍ട് ഓഫീസറായി നിയമിക്കുന്നത് ഇന്ത്യയില്‍ തന്നെ ഒരു പക്ഷേ ആദ്യമായിരിക്കും. ഇയാളെ മുന്‍നിര്‍ത്തി മനുഷ്യക്കടത്തും പെണ്‍വാണിഭവും പാസ്‌പോര്‍ട്ട് തിരുത്തലും നടന്നുവെന്നും വി.എസ് ആരോപിച്ചിരുന്നു.

ഈ സമയത്ത് 137 കേസുകളാണ് പാസ്‌പോര്‍ട്ട് തിരുത്തലുമായി ബന്ധപ്പെട്ട് രജിസ്റ്റര്‍ ചെയ്തിട്ടുണ്ടെന്നും  2012 ഡിസംബര്‍ 12 ന് കുഞ്ഞാലിക്കുട്ടി പോലീസുകാരുടെ യോഗം വിളിച്ച് കേസ് എടുത്തതിന് അവരെ ശാസിച്ചതായും വി.എസ് ഇന്നലെ പറഞ്ഞിരുന്നു.

പാസ്‌പോര്‍ട്ട് തിരുത്താനുള്ള അനുമതി നല്‍കിയത് കുഞ്ഞാലിക്കുട്ടിയാണ്. അതുപോലെ തന്നെ കുഞ്ഞാലിക്കുട്ടിയുടെ മുന്‍ പ്രൈവറ്റ് സെക്രട്ടറിയായ അബ്ബാസ് സേഠിന്റെ മരണവും അന്വേഷിക്കണമെന്നും വി.എസ് ആരോപിച്ചിരുന്നു.

അബ്ദുല്‍ റഷീദിനെ പാസ്‌പോര്‍ട്ട് ഓഫീസറായി നിയമിച്ചപ്പോള്‍ താന്‍ ആരോപണം ഉന്നയിച്ചിരുന്നെന്നും കുഞ്ഞാലിക്കുട്ടിയും കേന്ദ്ര മന്ത്രി ഇ. അഹമ്മദും ഇതിന് മറുപടി പറയണമെന്നും അച്യുതാനന്ദന്‍ ആവശ്യപ്പെട്ടിരുന്നു.

 



മുസ്‌ലിങ്ങള്‍ക്ക ഒത്തു ചേരുന്നതിന് വെള്ളിയും ക്രിസ്ത്യനികള്‍ക്ക് ഞായറുമുള്ളതുപോലെ ഹിന്ദുക്കള്‍ക്കില്ല;’ഹിന്ദു തീവ്രവാദികള്‍ പശുവിനെ വെട്ടി ക്ഷേത്രത്തിലിട്ട് മുസ്‌ലിമിന്റെ തലയില്‍ വച്ച് സമ്മര്‍ദ്ദമുണ്ടാക്കുന്നു; രാഹുല്‍ ഈശ്വര്‍ വീഡിയോ കാണം

 കൊച്ചി: ഹിന്ദുക്കളെയും മുസ്‌ലിങ്ങളെയും പരസ്പ്പരം തെറ്റിക്കാന്‍ ഹിന്ദു തീവ്രവാദികള്‍ ശ്രമിക്കാറുണ്ടെന്നും പശുവിനെ വെട്ടി അമ്പലത്തിലിട്ട് അത് മുസ്ലിങ്ങളുടെ തലയില്‍ വയ്ക്കുന്നുവെന്നും രാഹുല്‍ ഈശ്വര്‍. മുസ്‌ലിം സഹോദരന്മാര്‍ക്ക് ഒത്തു ചേരുന്നതിന് വെള്ളിയാഴ്ച ക്രിസ്ത്യന്‍ സഹോദരന്മാര്‍ക്ക് ഒത്തു ചേരുന്നതിന് ഞായറാഴ്ചയുമുള്ളതുപോലെ ഹിന്ദുക്കള്‍ക്ക് ഒരു ദിവസമില