അന്‍വാര്‍ശേരി: പി ഡി പി ചെയര്‍മാന്‍ അബ്ദുന്നാസിര്‍ മഅദനിക്കെതിരെ എടുത്ത കള്ളക്കേസുകള്‍ പിന്‍വലിക്കണമെന്നാവശ്യപ്പെട്ട് കാരാളിമുക്ക് മുസ്‌ലിം പൗരസമിതിയുടെ നേതൃത്വത്തില്‍ തലമുണ്ഡനം ചെയ്ത് പ്രകടനം നടത്തി. കല്ലട ഷിഹാബുദ്ദീന്‍, നെജീം, കെ ഐ ഷാജി, നിസാര്‍, ലത്തീഫ്, ഷാജി കാരാളിമുക്ക്, നൗഷാദ്, ഫാറൂഖ്, മുജീബ്, രമേശന്‍ എന്നിവര്‍ തലമുണ്ഡനം ചെയ്തു.

മഅദനി സംരക്ഷണ സമിതിയുടെ ആഭിമുഖ്യത്തില്‍ നടക്കുന്ന അനിശ്ചിത കാല നിരാഹാര സമരം 37-ാം ദിവസത്തിലേക്ക് കടന്നു. തുടര്‍ച്ചയായി 8-ാം ദിവസവും നിരാഹാരമനുഷ്ഠിച്ച വയനാട് ജില്ലാ പ്രസിഡന്റ് മൊയ്തീന്‍ ചെമ്പോത്തറയുടെ ആരോഗ്യനില വഷളായിതനെ തുടര്‍ന്ന് അദ്ദേഹത്തെ പോലീസ് അറസ്റ്റ് ചെയ്ത് കരുനാഗപ്പള്ളി താലൂക്ക് ആശുപത്രിയിലേക്ക് മാറ്റി. പകരം കൊല്ലം ജില്ലാ ജോയിന്റ് സെക്രട്ടറി ജബ്ബാര്‍ നിരാഹാര സമരം ഏറ്റെടുത്തു.