Categories

എല്‍.പി.ജി പോര്‍ട്ടബിലിറ്റി സംവിധാനം വ്യാഴാഴ്ച മുതല്‍ നടപ്പിലാകും

gas-cylinder

ന്യൂദല്‍ഹി: എല്‍.പി.ജി പോര്‍ട്ടബിലിറ്റി സംവിധാനം വ്യാഴാഴ്ച മുതല്‍ രാജ്യത്തുടനീളം ലഭ്യമാകും. പാചകവാതക വിതരണ കമ്പനികളെ മാറ്റാന്‍ ഉപഭോക്താവിന് സ്വാതന്ത്ര്യം നല്‍കുന്നതാണ് പുതിയ സംവിധാനം.

മൊബൈല്‍ ഫോണ്‍ കണക്ഷന്‍ ഇഷ്ടാനുസരണം മാറ്റാന്‍ സൗകര്യമുള്ളതുപോലെയുള്ള പുതിയ സംവിധാനം ഉപഭോക്താക്കള്‍ക്ക് കൂടുതല്‍ സൗകര്യം നല്‍കും.

രാജ്യത്താകമാനം 480 ജില്ലകളില്‍ ഈ സംവിധാനം ലഭ്യമാക്കാനുള്ള പദ്ധതിക്ക് കേന്ദ്ര പെട്രോളിയം പ്രകൃതി വാതക മന്ത്രി ഡോ. എം. വീരപ്പ മൊയ്‌ലി അനുമതി നല്‍കി. പദ്ധതി രാജ്യവ്യാപകമാക്കിയതോടെ 8.2 കോടി ഉപഭോക്താക്കള്‍ക്ക് പ്രയോജനം ലഭിക്കും.

പോര്‍ട്ടബിലിറ്റി സൗകര്യം ഒരുക്കാനായി എണ്ണവിപണന കമ്പനികള്‍ വിതരണക്കാരുടെ 1400ല്‍ അധികം ക്‌ളസ്റ്ററുകള്‍ക്ക് രൂപം നല്‍കിയിട്ടുണ്ട്. ഓരോ ക്‌ളസ്റ്ററിലും നാലു വിതരണക്കാരെങ്കിലും ഉണ്ടായിരിക്കുമെന്നതിനാല്‍ ഉപഭോക്താവിന് തിരഞ്ഞെടുപ്പിനുള്ള സ്വാതന്ത്ര്യം ലഭിക്കും. ക്‌ളസ്റ്ററുകളുടെ വിവരങ്ങള്‍ എണ്ണ വിപണന കമ്പനികളുടെ വെബ്‌സൈറ്റില്‍ ലഭ്യമാക്കിയിട്ടുണ്ട്.

വിതരണക്കാരെ മാറ്റുന്നതിന് ഉപഭോക്താക്കള്‍ക്ക് www.indane.co.in, www.hpgas.com, www.ebharatgas.com എന്നീ വെബ്‌സൈറ്റുകള്‍ സന്ദര്‍ശിക്കാം.

എല്‍.പി.ജി കണക്ഷന്‍ പോര്‍ട്ടബിലിറ്റി സംവിധാനം 2013 ഒക്ടോബറില്‍ 13 സംസ്ഥാനങ്ങളിലെ 24 ജില്ലകളില്‍ പരീക്ഷണാര്‍ഥം നടപ്പാക്കിയിരുന്നു.

Tagged with: |


മുസ്‌ലിങ്ങള്‍ക്ക ഒത്തു ചേരുന്നതിന് വെള്ളിയും ക്രിസ്ത്യനികള്‍ക്ക് ഞായറുമുള്ളതുപോലെ ഹിന്ദുക്കള്‍ക്കില്ല;’ഹിന്ദു തീവ്രവാദികള്‍ പശുവിനെ വെട്ടി ക്ഷേത്രത്തിലിട്ട് മുസ്‌ലിമിന്റെ തലയില്‍ വച്ച് സമ്മര്‍ദ്ദമുണ്ടാക്കുന്നു; രാഹുല്‍ ഈശ്വര്‍ വീഡിയോ കാണം

 കൊച്ചി: ഹിന്ദുക്കളെയും മുസ്‌ലിങ്ങളെയും പരസ്പ്പരം തെറ്റിക്കാന്‍ ഹിന്ദു തീവ്രവാദികള്‍ ശ്രമിക്കാറുണ്ടെന്നും പശുവിനെ വെട്ടി അമ്പലത്തിലിട്ട് അത് മുസ്ലിങ്ങളുടെ തലയില്‍ വയ്ക്കുന്നുവെന്നും രാഹുല്‍ ഈശ്വര്‍. മുസ്‌ലിം സഹോദരന്മാര്‍ക്ക് ഒത്തു ചേരുന്നതിന് വെള്ളിയാഴ്ച ക്രിസ്ത്യന്‍ സഹോദരന്മാര്‍ക്ക് ഒത്തു ചേരുന്നതിന് ഞായറാഴ്ചയുമുള്ളതുപോലെ ഹിന്ദുക്കള്‍ക്ക് ഒരു ദിവസമില