lavalin caseകൊച്ചി: ലാവലിന്‍ കേസിലെ സാമ്പത്തിക ഇടപാടുകളെക്കുറിച്ചുള്ള തുടരന്വേഷണ റിപ്പോര്‍ട്ട് ഉടന്‍ സമര്‍പ്പിക്കുമെന്നും ദീപക് കുമാറിന്റെ സാക്ഷിമൊഴി പരിഗണിക്കുമെന്നും സി.ബി.ഐ. കൊച്ചിയിലെ പ്രത്യേക സി.ബി.ഐ കോടതിയിലാണ് അന്വേഷണസംഘം ഇക്കാര്യം അറിയിച്ചത്.

ഡെപ്യൂട്ടി സൂപ്രണ്ട് വൈ. ഹരികുമാറാണ് സി.ബി.ഐക്ക് വേണ്ടി കോടതിയില്‍ സത്യവാങ്മൂലം നല്‍കിയത്. ലാവ്‌ലിന്‍ കേസിലെ സാമ്പത്തിക ഇടപാട് അന്വേഷിക്കണമെന്ന് ആവശ്യപ്പെട്ട് ക്രൈം എഡിറ്റര്‍ നന്ദകുമാറാണ് ഹരജി സമര്‍പ്പിച്ചത്. ഇതിന്റെ തുടര്‍നടപടിയിലാണ് സി.ബി.ഐ സത്യവാങ്മൂലം സമര്‍പ്പിച്ചത്.

മുന്‍ വൈദ്യുതമന്ത്രി ജി. കാര്‍ത്തികേയനെതിരേ കേസുമായി ബന്ധപ്പെട്ട് തെളിവില്ലെന്നും സിബിഐ സത്യവാങ്മൂലത്തില്‍ ബോധിപ്പിക്കുന്നു. കേസ് മെയ് 24 ന് വീണ്ടും പരിഗണിക്കും.